Morgunblaðið - 23.02.2015, Page 19
FRÉTTIR 19Erlent
MORGUNBLAÐIÐ MÁNUDAGUR 23. FEBRÚAR 2015
Smiðjuvegi 7
200 Kópavogi
Sími: 54 54 300
ispan@ispan.is
ispan.is
CLARVISTA
STURTUGLER
FYRIR
VANDLÁTA
Mikil kuldalægð gekk yfir Mið-Austurlönd fyrir
helgi og fylgdi henni talsverð snjókoma, en það
er ekki algengt á þessum slóðum. Um nýliðna
helgi mældist víða í Jerúsalem, höfuðborg Ísr-
aels, um 25 sentimetra jafnfallinn snjór og höfðu
borgarstarfsmenn þar því í nógu að snúast við að
hreinsa bæði stræti og torg.
Kuldalægðin hefur gert vart við sig víðar en í
Ísrael því fréttaveita AFP greinir frá því að fjöl-
margir hafi að undanförnu keypt gashitara í
Jórdaníu, Sýrlandi og Líbanon í þeirri von að
halda húsum sínum heitum. Á meðfylgjandi
mynd má sjá ungan mann á rölti í miðborg Jerú-
salem, þar sem pálmatré skarta nú hvítum og
heldur kuldalegum klæðum.
Mikil kuldalægð gekk yfir Mið-Austurlönd fyrir helgi
AFP
Kuldalegt Íbúar Jerúsalem eru að líkindum heldur óvanir því að vakna upp við snjókomu. Hvít jörð tók hins vegar á móti fólki þar um helgina.
Pálmatré skarta hvítum klæðum í Jerúsalem
Öflug sprengja sprakk í úkraínsku
borginni Kharkiv í gærdag með þeim
afleiðingum að minnst tveir létu lífið
og yfir tíu særðust. Fram kemur á
heimasíðu BBC, breska ríkisút-
varpsins, að sprengingin hafi orðið á
miðri fjöldasamkomu. Var fólkið
saman komið í þeim tilgangi að fagna
því að eitt ár er nú liðið frá því að
fyrrverandi forseta landsins, Viktor
Janúkóvítsj, var steypt af stóli.
Fjöldasamkomur fóru víðar fram
en í borginni Kharkiv, sem er stjórn-
að af ríkisstjórn Úkraínu og er í um
200 kílómetra fjarlægð frá víglínum
aðskilnaðarsinna, en fólk kom t.a.m.
saman í Kænugarði af sama tilefni.
Fjórir í haldi eftir árásina
Fram kemur í frétt BBC um
sprengjuárásina í Kharkiv að búið sé
að handtaka fjóra menn. Eru þeir
allir grunaðir um aðild að ódæðinu.
Engar upplýsingar höfðu í gær-
kvöldi verið gefnar um mennina.
Stjórnvöld í Úkraínu og aðskiln-
aðarsinnar í austurhluta landsins
hafa nú samþykkt að flytja þunga-
vopn sín frá víglínunni. Er það í sam-
ræmi við vopnahlé sem Sameinuðu
þjóðirnar hafa lýst yfir stuðningi við.
Óvíst hvenær vopnin fara
Fréttaveita AFP hefur það eftir
Olexander Rozmaznin, hershöfð-
ingja í Úkraínuher, að enn sé óvíst
hvenær brottflutningur vopnanna
hefjist. Samkvæmt skilmálum
vopnahlésins, sem stjórnvöld í
Þýskalandi og Frakklandi höfðu
milligöngu um á sínum tíma, átti
brottflutningurinn að hefjast síðast-
liðinn þriðjudag og vera að fullu lok-
ið 3. mars næstkomandi. Er nú hins
vegar lagt upp með að þungavopnin
verði farin af svæðinu hinn 8. mars.
AFP
Átök Úkraínskur hermaður ekur bryndreka vopnaður exi og skotvopni.
Mannfall varð á
fjöldasamkomu
Þungavopn verði flutt frá víglínunni
Hátt í sex hundr-
uð tyrkneskir
hermenn fóru á
skriðdrekum og
öðrum brynvörð-
um farartækjum
yfir landamærin
til Sýrlands að-
faranótt sunnu-
dags. Tilgangur
ferðarinnar var
sá að rýma tyrk-
neskt grafhýsi sem þar stendur og
bjarga þaðan hermönnum sem
stóðu um það vörð. Fréttaveita
AFP greinir frá því að aðgerðin
hafi tekist sem skyldi. Einn her-
maður lést þó af slysförum.
Í grafhýsinu hvílir Suleyman
Shah, afi Osmans fyrsta stofnanda
Tyrkjaveldis. Jörðin undir grafhýs-
inu hefur tilheyrt Tyrklandi síðan
samningur var gerður um það á
þriðja áratug síðustu aldar.
Fram kemur í yfirlýsingu tyrk-
neska hersins að sú ákvörðun að
bjarga hermönnunum við graf-
hýsið, sem voru um fjörutíu talsins,
hafi verið tekin eftir að vígamenn
Íslamska ríkisins hreiðruðu um sig
í námunda við það. Hefur síðan þá
ríkt ótti meðal Tyrkja um örlög
þeirra hermanna sem þar voru.
SÝRLAND
Fjölmennt herlið var
sent að grafhýsi
Hermenn við
landamærin.
Björgunarmönnum hefur tekist að
sækja lík sjö verkamanna sem lét-
ust er kolanáma í suðvesturhluta
Pakistan hrundi að hluta til síðast-
liðinn fimmtudag. Náman er í hér-
aðinu Baluchistan sem er ríkt af
gasi, olíu og steinefnum.
Einn þeirra björgunarmanna
sem mættu á vettvang eftir atvikið
lést þar sem hann var við leit.
„Hluti kolanámunnar hrundi á
fimmtudag og lentu sjö menn undir
grjótmulningnum. Björgunarmað-
ur lést einnig í leitaraðgerð,“ segir
embættismaður á svæðinu í samtali
við fréttaveitu AFP. Sagði hann
einnig að verið væri að búa líkin
undir flutning til fjölskyldna námu-
mannanna.
PAKISTAN
Sóttu jarðneskar
leifar sjö manna
AFP
Sjúkrabíll Náman hrundi á fimmtudag.
Manuel Valls,
forsætisráðherra
Frakklands, seg-
ir íslamska öfga-
hópa í Líbíu
ógna mjög ör-
yggi evrópskra
ríkja.
Á þingi evr-
ópskra sósíal-
demókrata, sem
fram fór í höfuð-
borginni Madríd á Spáni, sagði for-
sætisráðherrann evrópska ráða-
menn nú horfa upp á vígamenn
koma sér fyrir á svæðum í Líbíu
sem séu fullnálægt Evrópu.
Ríkisstjórn Líbíu hefur nú beðið
öryggisráð Sameinuðu þjóðanna
um að aflétta vopnasölubanni á
landið sem sett var árið 2011. Seg-
ist ríkisstjórnin ekki geta kveðið
niður vígahópa, sem starfandi eru í
Líbíu, án frekari vopna. Hafa sumir
þessara hópa m.a. lýst yfir stuðn-
ingi við öfgasamtökin Ríki íslams.
SPÁNN
Öfgahópar ógna
ríkjum Evrópu
Varðmaður í Líbíu
stendur vaktina.