Morgunblaðið - 23.02.2015, Qupperneq 32

32 DÆGRADVÖL
MORGUNBLAÐIÐ MÁNUDAGUR 23. FEBRÚAR 2015
Stjörnuspá
21. mars - 19. apríl 
Hrútur Þú hefur mikla löngum til að fegra
heimili þitt. Leggðu þig fram um að bæta þig
ef viðkomandi er þér einhvers virði.
20. apríl - 20. maí 
Naut Þú nýtur hins ljúfa lífs, góðs matar,
góðs víns og fallegs umhverfis. En gleðin
hefur verið þarna líka og þú skalt næra þig á
henni.
21. maí - 20. júní 
Tvíburar Samræður við einhvern þér eldri
geta komið þér að gagni í dag eða þá að þú
færð tækifæri til að miðla visku þinni til ein-
hvers þér yngri.
21. júní - 22. júlí 
Krabbi Engin vél gæti leikið eftir það sem þú
gerir í dag. Af hverju ertu þá allaf að gera á
þig þessar kröfur? Þú ert að gera þitt allra
besta.Taktu þér bara gönguferð í staðinn.
23. júlí - 22. ágúst 
Ljón Þú leggur starfsheiður þinn að veði
þegar þú mælir fyrir ákveðnu máli. Gættu
þess bara að vera einlægur og tjá tilfinningar
þínar.
23. ágúst - 22. sept. 
Meyja Það er alveg ástæðulaust að þú sért
að burðast með allar syndir heimsins á herð-
unum. Farðu í bókabúð, á safn eða eitthvert
annað sem þú ert ekki vön/vanur að fara.
23. sept. - 22. okt. 
Vog Hlustaðu á eðlisávísun þína þegar kemur
að máli sem snertir þig og þína nánustu. Auð-
vitað er það það sem þú notar á eigið líf sem
skiptir máli.
23. okt. - 21. nóv.
Sporðdreki Óvænt hegðun eða uppástunga
einhvers á vinnustaðnum getur komið þér í
opna skjöldu í dag. Hafðu minni áhyggjur af
kostnaðinum þegar ánægjan er svona mikil.
22. nóv. - 21. des.

Bogmaður Þú getur samþykkt aðstæður án
þess að finnast þú hafa sest í helgan stein.
Vendu þig á að setja hvern hlut á sinn stað og
umfram allt að leggja á minnið hvar sá staður
er.
22. des. - 19. janúar 
Steingeit Þú virðist hafa alla þræðina í hendi
þér svo þú getur ótrauður haldið ætlunar-
verkinu áfram. Haltu áfram að sýna gagnrýn-
inni manneskju umburðarlyndi.
20. jan. - 18. febr. 
Vatnsberi Vertu þolinmóður við fjölskyldu-
meðlimi í dag því einhverjir eru heldur geð-
illir. Hláturinn lengir lífið. En nú er ekki rétti
tíminn til að fela sig.
19. feb. - 20. mars

Fiskar Reyndu að bregða út af vananum í
dag. Maður fær fráhvarfseinkenni af því að
vera fjarri ástvini sínum of lengi. Hertu upp
hugann því breytingarnar eru til bóta.
Að fornu tímatali hefst góa meðsunnudegi í 18. viku vetrar,
sem var í gær. Ólafur Stefánsson
orti:
Í pottum er maturinn mallaður
mustarður steyttur og sallaður.
Þreyð var Þorraskinn
svo þokast Góa inn
og réttilega konudagur kallaður.
Alltaf er gaman að fletta bókum
í góðu næði. Ljóðabók Bjargar G.
Þorláksson var á náttborðinu
mínu. Hún var mikil tungumála-
kona og annar af höfundum orða-
bókarinnar með manni sínum Sig-
fúsi Blöndal:
Danska, þú ert dáðamál,
ef djúpt er grafið.
En þeir sem fleyta froðuhjómið
fá ei úr þér nema grómið.
Gömul sannindi eru alltaf ný
þegar vel er kveðið:
Þeir, sem auðinn meta mest,
munu stundum gleyma,
að þegar lífs er sólin sest
– sitja „aurar“ heima.
Skemmtilegar andstæður eru í
þessari stöku:
Bágt er að ganga á betliskóm,
búin andans snilli. –
En aumara að vera ilmgæft blóm
asnakjálka milli.
Síðan leikur Björg sér með sama
stefið:
Bágt er að vera rógi ræmd,
svo rökkvi um sæmd og snilli.
– En aumara að vera dauðadæmd
Drottins fjenda milli.
„Limrur fyrir landann“ eftir
Braga V. Bergmann voru líka í
staflanum á náttborðinu. Þar segir
frá Jóni hlaupara, sem frægur var
á Akureyri, svo að heill pitsustaður
var skírður í höfuðið á honum. –
„Nafni hans er hér tilbúinn við rás-
markið í langhlaupinu og þá má
spá í spilin,“ segir Bragi:
Jón hefur úthaldið ærið,
ágæt er spáin og færið.
Það fer jú sem fer,
ég finn það á mér
að hann geti hlaupið á snærið!
Þessa limru kallaði Bragi
„Hlauparinn (1)“, en nú kemur
„Hlauparinn (2):
Það fer ekki allt eins og ætlað er,
þótt ásetningurinn sé góður. Smá-
vægilegt atvik getur sett allt úr
skorðum:
Jón sýndi hvergi neitt hik,
hafði í augunum blik.
En fór að tvínóna,
fann ekki skóna:
Hann er nú hlaupinn í spik!
Halldór Blöndal
halldorblondal@simnet.is
Vísnahorn
Vísa um góu og flett
bókum á náttborðinu
Í klípu
„MJÖÐMIN Á HONUM ER EKKERT AÐ
VERÐA BETRI. ÉG ÆTTI AÐ ÍHUGA AÐ
LÁTA SVÆFA HANN.“
eftir Mike Baldwin eftir Jim Unger
„ÉG ER AÐ REYNA AÐ SOFNA. HVAÐ
ERTU MEÐ Í GANGI HÉRNA – EINHVERN
FÍLASIRKUS?“
Hermann
Ferdinand
Hrólfur hræðilegi
Grettir
... að tryggja það að þú
haldir fast í þann sem
er svona sérstakur.
ÞÚ VEIST AÐ KLEINUHRINGIR
ERU SLÆMIR FYRIR ÞIG
ÞEIR ERU EKKI JAFN SLÆMIR
FYRIR MIG OG ÉG ER FYRIR ÞÁ
HVERNIG GETURÐU
EYTT MÖRGUM
KLUKKUTÍMUM,
NÓTT EFTIR
NÓTT, Á ÞESSU
VIÐURSTYGGILEGA
ÖLDURHÚSI?
ÞAÐ TEKUR SINN TÍMA
AÐ RÆÐA HEIMSMÁLIN
Vandinn sem sívaxandi ferða-mannastraumur hingað til lands
hefur skapað er mikið álag á fáa vin-
sæla staði. Átroðsla og umhverfis-
spjöll eru birtingamynd þessa. Það
er þó ekki síður hvimleitt að staðir
sem áður voru beinlínis heillandi
þegar þangað var hófleg aðsókn hafa
að nokkru marki glatað þeim töfrum
sínum, nú þegar fólksfjöldinn er yf-
irþyrmandi. Víkverji minnist í þessu
sambandi sunnudagsferðar á Þing-
velli síðasta sumar, þar sem hundruð
manna sprönguðu um á Hakinu og í
Almannagjá. Fólksmergðin var
óþægileg og staðurinn breyttist í vit-
undinni. Og fjöldi ferðamanna sem á
Þingvelli kemur heldur áfram að
aukast og sama máli gegnir um Gull-
foss, Geysi, Mývatn og svo fram-
vegis. Við þessu er aðeins eitt ráð, að
fleiri áhugaverða staði aðgengilega.
Af nægu er að taka.
x x x
Suðuausturhorn landsins státar afægifagurri náttúru, þar sem
Skaftafell og Jökulsárlón á Breið-
merkursandi eru þeir staðir sem
sennilega ber hæst. En svo Austur-
Skaftafellssýsla sé tekin fyrir, má
vekja athygli á hve áhugavert er að
ganga að sporði og útfalli Svínafells-
jökuls, skammt sunnan við Skafta-
fell. Þá er Fjallsárlón í Öræfasveit
nánast kynngimagnaður staður, þar
sem jakarnir falla úr ísstálinu. Þá
orkaði sterkt á Víkverja í þessu
ferðalagi að koma að gömlu brúnni
yfir Heinabergsvötn í Suðursveit.
Mannvirki þetta var reist árið 1948
um tveimur árum eftir að brúin var
tekin í notkun leitaði fljótið í nýjan
farveg. Eftir stóð brúin á þurru og
er á sinn hátt áminning um að mað-
urinn má sín alltaf lítils gagnvart
reginöflum náttúrunnar.
x x x
Fyrir austan eru sögustaðir viðhvert fótmál. Nærri Eystrahorni
stendur enn feyskin leikmynd bæj-
arins Steina undir Steinhlíðum, sem
var reist 1979 þegar gerð var sjón-
varpsfilma af Paradísarheimt eftir
Halldór Laxnes. Og þó að bærinn
hafi látið á sjá eru möguleikar í stöð-
unni. Kaffistaðurinn Paradísarheimt
yrði fjölsóttur enda heitt á könnu og
bakkelsi á borði. víkverji@mbl.is
Víkverji
Nálægið ykkur Guði og þá mun hann
nálgast ykkur. Hreinsið hendur ykkar,
þið syndarar, og gerið hjörtun flekk-
laus, þið tvílyndu. (Jakobsbréfið 4:8)