Morgunblaðið - 06.03.2015, Side 4

4 FRÉTTIRInnlent
MORGUNBLAÐIÐ FÖSTUDAGUR 6. MARS 2015
Garðar segir fátt benda til þess
að heimanám styrki nemendur í
námi sínu. Spurður um hvers
vegna það sé þá jafn stór hluti
skólastarfs og raun ber vitni segir
hann það m.a. vera vegna arfs frá
liðinni tíð, heimanám hafi alltaf
verið hluti skólastarfs og það þurfi
kjark og kraft til að breyta
kennsluháttum. Sjálfur hefur Garð-
ar kennt í meira en 25 ár og segir
heimanám hafa aukist á sínum
kennsluferli. „Það hefur gerst með
lengri skóladegi. Nemendur fá
fleiri verkefni í skólanum og þar
með meira heimanám. Ég held að
heimanámið verði enn um sinn í
flestum skólum, en til að gera það
markvissara ætti það að vera ein-
staklingsmiðaðra en það er nú.“
Undir þetta tekur höfundur
hinnar rannsóknarinnar, Hjördís
Pétursdóttir, kennari við Grunn-
skólann á Hellu. Hún kannaði við-
horf nemenda, foreldra og kennara
á yngsta stigi grunnskólans. „Til
þess að heimanámið beri meiri ár-
angur þyrfti að einstaklingsmiða
það að hverjum og einum,“ segir
Hjördís.
2/3 segja ganga vel
Niðurstöður rannsóknar Hjör-
dísar sýna m.a. að flestir nemendur
eru ánægðir með heimanámið og
finnst sér ganga vel við að vinna
það. „Það var þó gegnumgangandi
að þau langaði til að hafa meira um
að segja hvernig heimanámið er,“
segir Hjördís. 42% foreldra í rann-
sókn hennar töldu heimanám nauð-
synlegt og 44% töldu að það ætti
að takmarkast við lestur.
Þá kom fram að 64% telja
heimanámið ganga vel og að það
skapi jákvæða stund á heimilinu.
36% töldu það ganga illa og að það
ylli togstreitu og spennu í heim-
ilislífinu.
Þau Garðar og Hjördís eru sam-
mála um að umræða um heimanám
sé af skornum skammti í skólakerf-
inu og segja bæði að móta þyrfti
stefnu í þessum málum. „Grunn-
skólaskipið er stórt og þungt og
erfitt að snúa því, segir Garðar.
„Við þurfum að taka upp mark-
vissa umræðu um heimanám og
hver ber ábyrgðina á því.“
„Umræða um heimanám kemur
upp af og til, en lognast fljótt út
af,“ segir Hjördís. „Það þarf að
skilgreina heimanám betur.“
Gagnsemi heimanáms í
grunnskólum er umdeild
 Telja að heimanámið stuðli að mismunun nemenda  Umræðu og stefnu skortir
Morgunblaðið/Eggert
Læra heima eða ekki? Heimanám hefur lengi þótt sjálfsagður hluti skólastarfs hér á landi. Skiptar skoðanir eru
um gagnsemi þess og tilgang og ýmsar hliðar heimanáms eru skoðaðar í tveimur nýlegum rannsóknum.
Garðar Páll
Vignisson
Hjördís
Pétursdóttir
SVIÐSLJÓS
Anna Lilja Þórisdóttir
annalilja@mbl.is
Foreldrar grunnskólabarna eru
hlynntari heimanámi en börnin
sjálf og yngri börn eru jákvæðari
gagnvart því en þau eldri. Nem-
endur í 9. bekk nota að meðaltali
45 mínútur daglega í heimanám.
Það er lengri tími en þeim og for-
eldrum þeirra finnst æskilegt. Um
tveir þriðju foreldra yngri barna
telja heimanámið skapa jákvæða
stund á heimilinu.
Þetta eru niðurstöður tveggja
meistarprófsrannsókna sem nýver-
ið voru gerðar á menntavísinda-
sviði Háskóla Íslands, en í þeim
var heimanám rannsakað frá ýms-
um sjónarhornum.
Aðra rannsóknina gerði Garðar
Vignisson, sérkennari í Grunnskól-
anum í Grindavík. Hann kannaði
viðhorf foreldra/forráðamanna,
nemenda og kennara til heima-
náms barna í 5. og 9. bekkjum í sjö
grunnskólum. Meðal þess sem
rannsókn Garðars leiddi í ljós var
að um helmingur foreldra og nem-
enda telur að heimanámið geti
stuðlað að mismunun nemenda.
„Foreldrar hafa mismunandi að-
stæður til að aðstoða börn sín við
heimanám; þeir hafa misjafnan
bakgrunn, menntun og viðhorf,“
segir Garðar.
Nemendur í 9. bekk vörðu að
meðaltali 45 mínútum á dag í
heimanám og nemendur 5. bekkjar
24 mínútum.
Foreldrar jákvæðari
en börnin
Garðar segir foreldra almennt
hlynntari heimanámi en nemendur,
en þó telji 80% foreldra heimanám-
ið valda miklu álagi á heimilislífið.
„Margir hafa einfaldlega ekki tíma,
flestir eru í fullu starfi og sinna
ýmsu utan vinnu og heimilis. Það
má kannski segja að skólinn hafi
ekki brugðist við breyttum tímum.“
Baldur Arnarson
baldura@mbl.is
Vestmannaeyjahöfn hefur fengið
tilkynningu um komu 40 skemmti-
ferðaskipa næsta sumar og er það
um tvöföldun frá fyrra ári. Gangi
það eftir mun metfjöldi ferða-
manna heimsækja Eyjarnar næsta
sumar.
Ólafur Þór Snorrason, hafnar-
stjóri í Vestmannaeyjum, segir
minnst þriðjung væntanlegra
skipa of stóran til þess að geta
komið inn í höfnina. Þessi aukna
umferð kalli, ásamt þörfinni fyrir
að geta tekið á móti stærri flutn-
ingaskipum, á að byggður verði
stórskipakantur.
Skipin stækka stöðugt
Væntanlega yrði hann norðan
við höfnina, út af Eiðinu sem teng-
ir Heimaklett við eyjuna. Hönnun
og prófunum er lokið og var
kostnaður við gerð kantsins áætl-
aður 3,4 milljarðar króna árið
2011.
„Hún er þröng hjá okkur höfnin
og erfið og skipin eru alltaf að
stækka. Það helst í hendur við
flutningaskipin líka. Stærsti akk-
urinn í þessu yrði að geta tekið á
móti stærri flutningaskipum.
Skipafélögin vilja geta siglt stærri
skipum hingað,“ segir Ólafur Þór.
Spurður hvaða tekjur skemmti-
ferðaskipin skapi orðið fyrir höfn-
ina segir Ólafur Þór að þegar þau
séu orðin 40 talsins sé farið að
muna um það í rekstrinum. Fyrr á
öldinni hafi á bilinu 7-14 skip kom-
ið árlega – þau voru 20 í fyrra –
en nú komi bæði fleiri og stærri
skip. Hann tekur fram að veður
geti sett strik í reikninginn og
leitt til þess að skemmtiferðaskip
komi ekki til Eyja.
„Þriðjungur af skipunum eru
það stór að við getum ekki tekið
þau inn í höfnina. Það fer aftir að-
stæðum hverju sinni hvað við get-
um tekið stór skip inn en ljóst að
stærstu skipin komast ekki inn í
höfnina eins og hún er í dag“ segir
Ólafur Þór.
24-faldur íbúafjöldinn
Páll Marvin Jónsson, formaður
Ferðamálasamtaka Vest-
mannaeyja, segir áætlað að um 80
þúsund ferðamenn hafi komið með
Herjólfi til Eyja í fyrra og um 30
þúsund með flugi, alls 110 þúsund
manns, sem er 24-faldur íbúafjöldi
Eyja. Ferðamenn sem koma með
skemmtiferðaskipum bætast þar
við.
Hann segir aðspurður ekki hafa
verið áætlað hversu margir ferða-
menn muni koma í sumar. Unnið
sé að stefnumótun fyrir árið. Þar
sem Herjólfur geti að óbreyttu
ekki flutt mikið fleiri farþega
þurfi aukningin að verða með
fjölgun ferða hjá Herjólfi, með
flugi, með öðrum bátum eða með
skemmtiferðaskipum. Bygging
stórskipakants sé forsenda þess að
hægt sé að fjölga farþegum
skemmtiferðaskipa enn frekar.
Páll Marvin segir það hafa kom-
ið til umræðu hjá samtökunum um
daginn hvort fjöldi ferðamanna sé
kominn að þolmörkum á vinsæl-
ustu stöðunum. „Viljum við fá
fleiri ferðamenn? Það er ekkert
gefið. Það hefur lítið verið byggt
upp af göngustígum og innviðum,“
segir hann.
Sigurmundur Gísli Einarsson,
framkvæmdastjóri Viking Tours,
væntir þess að eftirspurn eftir
bátsferðum og rútuferðum um
Eyjarnar muni aukast í sumar
vegna mikillar fjölgunar skemmti-
ferðaskipa.
Að hans sögn komu um 130 þús-
und farþegar á ári til Eyja með
Herjólfi þegar ferjunni var siglt
frá Þorlákshöfn. Stærsti hluti far-
þega var þá heimamenn. Eftir að
ferjan hóf siglingar frá Landeyja-
höfn hafi farþegum fjölgað í 298
þúsund og eru ferðamenn nú í
meirihluta. Að auki flutti Viking
Tours um 5 þúsund manns milli
lands og Eyja í fyrra.
Fá 40 skemmtiferðaskip í ár
 Tilkynnt hefur verið um komu 40 skemmtiferðaskipa til Vestmannaeyja í sumar  Tvöföldun
frá fyrra ári  Formaður ferðamálasamtaka segir aukna umferð kalla á byggingu stórskipakants
Morgunblaðið/Árni Sæberg
Höfnin í Vestmannaeyjum Þeim fjölgar stöðugt ferðamönnunum sem
leggja leið sína til Eyja. Sú fjölgun er talin kalla á uppbyggingu innviða.
Salmann Tamimi, varaformaður Fé-
lags múslima á Íslandi, segir ekki
koma til greina að félagið þiggi fjár-
magn frá Sádi-Arabíu en á fundi
Ólafs Ragnars Grímssonar, forseta
Íslands, með nýjum sendiherra Sádi-
Arabíu, Ibrahim S.I. Alibrahim, sem
afhenti trúnaðarbréf sitt á Bessa-
stöðum í gær, kom fram að yfirvöld í
Sádi-Arabíu muni leggja fram rúm-
lega eina milljón bandaríkjadala eða
135 milljónir íslenskra króna til
byggingar mosku í Reykjavík
Á Facebook-vegg Bjarkar Vil-
helmsdóttur, borgarfulltrúa Sam-
fylkingarinnar, segir Salmann Ta-
mimi að Félag múslima á Íslandi
muni aldrei taka við gjöf frá fas-
istaríki Sádi-Arabíu. Formaður fé-
lagsins, Ibrahim Sverrir Agnarsson,
sagðist í samtali við mbl.is í gær-
kvöldi aðeins hafa heyrt af fjár-
mögnuninni í gegnum fjölmiðla.
Hann útilokaði ekki að félagið myndi
þiggja gjöfina en sagði það ekki
koma til greina ef henni fylgdu skil-
málar sem skertu sjálfstæði félags-
ins.
Dagur B. Eggertsson, borgar-
stjóri í Reykjavík, kallaði eftir því að
mannréttindaráð borgarinnar myndi
afla upplýsinga um fjármögnunina
og hver reynsla og fordæmi ná-
grannaþjóða sé í þessum efnum.
Árni Páll Árnason, formaður Sam-
fylkingarinnar, fagnaði þessu fram-
taki Dags og segir mikilvægt að
standa vörð um trúfrelsi.
Morgunblaðið/Eggert
Styrkur Sádi-Arabar vilja styrkja
byggingu mosku í Reykjavík.
Milljón
dollarar frá
Sádi-Arabíu
 Styrkja byggingu
mosku í Reykjavík