Morgunblaðið - 06.03.2015, Page 14

14 FRÉTTIRInnlent
MORGUNBLAÐIÐ FÖSTUDAGUR 6. MARS 2015
Smiðsbúð 10 • 210 Garðabær • Sími: 554 4300 • Fax: 564 1187
Við höfum framleitt viðhaldsfría
glugga og hurðir í 30 ár
Nánari upplýsingar á www.solskalar.is
Frábært skjól gegn vindi og regni
Yfir 40 litir í boði!
Hentar mjög vel
íslenskri veðráttu
Svalaskjól
- sælureitur innan seilingar
Þórunn Kristjánsdóttir
thorunn@mbl.is
Hægt er að skoða stafræna endurgerð á gömlum bók-
um og lúnum handritum á vef Landsbókasafnsins,
handrit.is og baekur.is. Þar er marga forvitnilega gripi
að finna, allt frá galdrabókum til fallegra barnabóka.
Til dæmis má nefna Þulur eftir Theódóru Thoroddsen
með myndskreytingum eftir listamanninn Guðmund
Pétursson Thorsteinsson sem flestir þekkja sem
Mugg.
Landsbókasafnið vekur athygli á efninu og reynir
að fjölga lesendum með því að greina frá því á sam-
félagsmiðlunum facebook og twitter. Landsbókasafnið
vinnur að því að samræma notkun á samfélagsmiðlum
til að ná betri árangri á þessum sviðum, að sögn Ingi-
bjargar Steinunnar Sverrisdóttur landsbókavarðar.
Á vefsíðunni baekur.is er hægt að skoða eina síðu
í einu í bókunum og telst það varla mjög notendavænt.
„Við gerum okkur grein fyrir því að notendaviðmótið á
bækur.is er ekki sérstaklega notendavænt. Stefnt er
að breytingum, en þær eru dýrar og krefjast aukins
geymslupláss,“ segir Ingibjörg. Ekki liggur fyrir hve-
nær farið verður í þær breytingar.
Ekki hefur verið gerð formleg könnun á því
hverjir það eru sem nota efnið á vefsíðunum mest en
Ingibjörg telur líklegt að það séu nemendur og fræði-
menn.
Á hverju ári skoða fleiri síðurnar og eykst fjöld-
inn milli ára. Á handrit.is voru heimsóknirnar árið
2014 48.950 talsins en árið 2013 voru þær 40.663. Á
baekur.is fjölgaði heimsóknunum ekki eins mikið; árið
2014 voru þær 24.978 en árið 2013 voru þær 24.343
talsins.
Þá er alltaf töluverður fjöldi síðna sem er sóttur
og hlaðið niður í tölvuna.
Handrit galdrabóka mikið skoðuð
Það skyldi engan undra að vinsælustu handritin á
vefnum handrit.is tengjast göldrum en teikningar eru
gjarnan í þeim handritum. Handritin sem nefnast Lbs
143 8vo Galdrabókin og ÍB 383 4to Galdrastafir hafa
verið mest skoðuð. Í þessum handritum eru teiknaðir
galdrastafir og texti fylgir.
Vinsælustu bækurnar á baekur.is eru: Íslenzkt
fornbréfasafn, Skrár yfir handritasöfn Lands-
bókasafns, Lovsamling for Island og Íslenzkar þjóð-
sögur og æfintýri. Vinsældir þessara bóka styðja lík-
lega þá kenningu að fræðimenn og nemendur skoði
þetta efni.
Á vefnum baekur.is er áætlað að setja inn allar ís-
lenskar bækur sem voru gefnar út á árunum 1534 og
fram til ársins 1844. Þá er ætlunin að setja einnig á
netið allar bækur sem eru úr höfundarrétti. Skráðir
titlar sem hafa komið út á árunum 1534-1844 eru sam-
tals 1735. Af þeim eru 1.394 í eigu Landsbókasafnsins.
Búið er að mynda 892 bækur. Ingibjörg segir að þau
fái oft óskir um að setja inn tilteknar bækur og gjarn-
an sé orðið við þeim óskum.
Auk þessara bóka eru komnar inn bækur sem
hafa komið út eftir árið 1844 og eru dottnar úr höf-
undarrétti, til dæmis Þulur eftir Theódóru.
Það getur verið fróðlegt að renna yfir titla bók-
anna þótt ekki sé til annars en að sjá höfunda efnisins.
Nota samskiptamiðla
í auknum mæli
Dýrmætt Þulur eftir Theódóru Thoroddsen með
myndum eftir Mugg er fágæt perla á baekur.is.
 Vel varðveittar bókmenntaperlur á Landsbókasafninu
Þau leiðu mistök áttu sér stað í frétt
sem birtist í gær um útvarpshlustun
að graf sem birtist með greininni var
vitlaust. Birtist rétt graf hér með
þar sem sjá má meðaltalshlustun á
virkum dögum í janúarmánuði. Hin-
ir stóru þættir Bylgjunnar, Í bítið og
Reykjavík síðdegis, eru með töluvert
betri hlustun en keppinautar þeirra
á RÚV.
Morgunþáttur RÚV er sendur út
á samtengdum rásum en samt nær
þátturinn ekki að skáka Íslandi í bít-
ið í hlustun nema á einum stund-
arfjórðungi, en hægt er að greina
hlustun með 15 mínútna millibili. Sé
aðeins Rás 2 skoðuð kemst morgun-
þáttur RÚV ekki með tærnar þar
sem Í bítið hefur hælana.
Hádegisfréttir RÚV stinga af þeg-
ar hlustun er annars vegar og eru
langvinsælasta útvarpsefni landsins.
Rúm 5,6% hlusta á hádegisfréttir
Bylgjunnar en 12,4% stilla á hádeg-
isfréttir RÚV sem sendar eru út á
samtengdum rásum og mælist
hlustunin um 6% á báðum stöðvum,
Rás 1 og Rás 2. benedikt@mbl.is
Rafrænar mælingar Capacent Gallup
janúar 2015
Heimild: Capacent
06:00 23:45
13%
12%
11%
10%
9%
8%
7%
6%
5%
4%
3%
2%
1%
0%
+
Morgunþáttur Bylgjunnar
Morgunþáttur RÚV
Hádegisfréttir Bylgjunnar
Síðdegisþáttur Bylgjunnar
Síðdegisþáttur RÚV
Hádegisfréttir RÚV
Spegillinn
Útvarpsfréttir RÚV
vinsælasta útvarpsefnið
 Þættir Bylgjunnar vinsælir
Bændasamtök Íslands munu eiga og
reka Hótel Sögu næstu þrjú árin, að
minnsta kosti. Búnaðarþing hafnaði
tillögum um að opnað yrði fyrir
möguleika stjórnar samtakanna til
að setja fyrirtækið í söluferli.
Lengi hefur verið ágreiningur
meðal bænda um það hvort Bænda-
samtökin eigi að reka Hótel Sögu.
Samtökin eiga hótelbygginguna og
eru með starfsemi sína þar og einnig
rekstur hótelsins. Fyrir allmörgum
árum var felld tillaga á Búnaðarþingi
um að auglýsa reksturinn til sölu.
Stjórn Bændasamtakanna fékk
fyrirspurnir um sölu á fyrirtækinu á
síðasta ári og ákvað í framhaldi af því
að fá fyrirtækjaráðgjöf MP banka til
að kanna áhuga fjárfesta á hótelinu.
Lögðu fjórir hópar fram skuldbind-
andi tilboð en stjórn Bændasamtak-
anna taldi þau ekki nógu góð og
hafnaði öllum.
Skiptar skoðanir
Stjórn Bændasamtakanna kynnti
rekstraráætlun Hótels Sögu til árs-
ins 2020 fyrir búnaðarþingsfulltrú-
um. Jafnframt beindi hún því til
þingsins að veita leiðbeiningu um
hvernig best megi ávaxta þá eign
sem nú er bundin í Hótel Sögu ehf.
Umræður um málefni Hótels Sögu
fóru fram á lokuðum fundi Búnaðar-
þings. Fram kemur á vef Bænda-
blaðsins að skoðanir hafi verið nokk-
uð skiptar meðal þingfulltrúa hvort
veita ætti stjórn heimild til að hefja
að nýju söluferli á hótelinu eða ekki.
Meirihluti fulltrúa ákvað að gera það
ekki.
Niðurstaðan varð því sú að
Bændasamtökin eigi áfram og reki
Hótel Sögu, að minnsta kosti í þrjú
ár eða þar til Búnaðarþing tekur
ákvörðun um annað. Í þessu felst að
Bændasamtök Íslands eigi bæði
fasteignina Hagatorg og hótelrekst-
urinn. helgi@mbl.is
Hótel Saga ekki seld
 Búnaðarþing ákvað að Bændasam-
tökin eigi hótelið næstu þrjú árin
Morgunblaðið/Eggert
Bændahöllin Hótel Saga er eitt af
helstu hótelum höfuðborgarinnar.
Búnaðarþing fól stjórn Bænda-
samtaka Íslands að vinna áfram
að samningum við Lands-
samband kúabænda um stofn-
un sameiginlegs félags um
rekstur nautastöðvar. Tilgang-
urinn er að styrkja kynbótastarf
í nautgriparækt.
Nautastöðin er í eigu Bænda-
samtaka Íslands en rætt hefur
verið um sölu hennar að hluta
eða öllu leyti til Lands-
sambands kúabænda. Nú er
stefnt að því, samkvæmt álykt-
un Búnaðarþings, að BÍ og LK
eigi væntanlegt rekstrarfélag til
helminga.
Fram kemur í greinargerð
með ályktun þingsins að fyrir
Búnaðarþing hafi ekki tekist að
fullvinna drög að því hvernig
stofna megi og reka sameig-
inlegt félag um nautastöðina.
Mikilvægt sé að ná góðri sam-
stöðu um málið. Unnið sé að
stefnumótun varðandi kynbóta-
matsútreikninga sem skipti
miklu máli.
Selja helming
í nautastöð
NAUTGRIPARÆKTIN