Morgunblaðið - 06.03.2015, Síða 17

Í átta vikna ferðalagi blaðamanna Morgunblaðsins um
hverfin í Reykjavík og sveitarfélögin á höfuðborgarsvæðinu
er fjallað ummannlíf og menningu, atvinnulíf og opinbera
þjónustu, útivist og umhverfi og skóla og skipulag með
sérstakri áherslu á það sem einkennir hvern stað.
www.mats.is
Vistlegt Húsnæðið á stúdentagörðunum er eftirsótt. Þarfagripur Reiðhjól eru algeng á háskólasvæðinu.
MORGUNBLAÐIÐ FÖSTUDAGUR 6. MARS 2015
 Vesturbæjarlaugin er ein hin vinsæl-
asta í Reykjavík. Hún var upprunalega
byggð árið 1961 eftir teikningu Bárðar
Ísleifssonar, en gerðar hafa verið end-
urbætur 1976 og síðar meir. Barnalaug-
in er samtengd aðallauginni sem er 25
m á lengd. Fjórir heitir pottar eru með
mismunandi hitastig. Þar er einnig
gufubað.
Í Vesturbæjarlaug læra grunn-
skólabörn í hverfinu sundtökin. Laugin
er ekki aðeins sótt af Vesturbæingum,
þótt þeir séu fjölmennir, heldur koma
gestir víða að. Mjög var vandað til alls
þegar laugin var byggð. Meðal annars
var listakonan Barbara Árnason fengin
til að myndskreyta veggi í forsal laug-
arinnar. Önnur veggmyndin skemmdist, aðallega vegna raka, og var tekin niður
1995. Hún er nú í geymslu Listasafns Reykjavíkur og óvíst hvort verkið kemur
aftur í sundlaugarbygginguna.
Vesturbæjarlaugin afar vinsæl
Vesturbæjarlaug Ein vinsælasta
sundlaug Reykjavíkur.
Morgunblaðið/Sverrir
 Hið gamla timburhús Benedikts
skálds Gröndals fær innan tíðar nýtt
heimili. Það verður til frambúðar inn-
an um önnur gömul hús í Grjótaþorp-
inu, nánar tiltekið á Vesturgötu 5b.
Þar bíður þess grunnur og þar verður
flikkað upp á húsið í sumar, en það
hefur um nokkurt skeið staðið hálf-
umkomulaust úti á Granda. Húsið,
sem byggt var 1881, var oft kallað
Púltið, Skrínan eða Skattholið vegna
hins sérkennilega byggingarlags, en
það er tvílyft að framan og einlyft að
aftan. Járnsmiðja var í húsinu fyrstu
árin, en skáldið breytti henni í stofu
og bjó í húsinu til dauðadags 1907.
Gröndalshús fer í Grjótaþorp
Morgunblaðið/Júlíus.
Gröndalshús Það verður flutt í
Grjótaþorpið í sumar og lagfært.
Stærstu úthlutanir íbúða á stúdentagörðum eru á
haustin þegar nýtt skólaár hefst. Um 1.100 manns
voru á biðlista eftir þá úthlutun í haust. Það eru jafn
margir og leigueiningar stúdentagarðanna. Í dag eru
640 manns á biðlista sem verður að teljast mikill
fjöldi miðað við árstíma. Miðað við biðlista og skort á
framkvæmdum er útlit fyrir að fjölgun stúdentaíbúða
verði áfram mikil hagsmunabarátta meðal stúdenta
við Háskóla Íslands.
Rebekka Sigurðardóttir, upplýsingafulltrúi Fé-
lagsstofnunar stúdenta (FS), segir biðlistana alltaf
langa burtséð frá ástandinu í þjóðfélaginu. „Síðustu
ár hefur þó verið að fjölga aftur á biðlistunum og það
eru margir sem komast aldrei að,“ segir Rebekka. Að
sögn Rebekku er mesta eftirspurnin eftir ein-
staklingsíbúðum og hefur FS lagt áherslu á að fjölga
slíkum íbúðum. Framkvæmdir standa nú yfir í Braut-
arholti þar sem um hundrað einstaklings- og par-
íbúðir koma til með að rísa á næsta ári en Rebekka
vonast til þess að hægt verði að taka þær íbúðir í
notkun um mitt næsta ár, 2016.
Rebekka segir húsnæðisvanda
fólks sem hefur lítið á milli hand-
anna, þar á meðal stúdenta, vera
viðvarandi vandamál sem þurfi að
leysa. „Við teljum að það þurfi að
byggja um 1.000 einingar til við-
bótar við þær 1.100 sem eru fyrir,“
segir Rebekka. Viljayfirlýsing Dags
B. Eggertssonar, borgarstjóra, um
að byggja 750 íbúðir á næstu
fimm árum sé ekki næg í sjálfu
sér, það þurfi að koma til framkvæmda. „Það er
skilningur á húsnæðisvanda stúdenta en hlutirnir
gerast hægar en við myndum vilja. Verkefnið í Braut-
arholti átti til dæmis að fara í gang fyrir nokkuð
löngu en þétting byggðar er flókin og ferlið tíma-
frekt. Auðvitað reynum við að vera vongóð og von-
umst til að við náum að byggja samkvæmt áætlun,“
segir Rebekka.
FÉLAGSSTOFNUN STÚDENTA
Rebekka
Sigurðardóttir
Margir sem komast aldrei af biðlistunum
Ferðamenn sýna
slippnum áhuga
„Járniðnaður og ferðaþjónusta eru
ólíkar greinar. Eigi að síður er ná-
býlið gott. Að svona starfsemi sé
inni í miðri borg er einsdæmi. Við
finnum að útlendingar sem rölta
hér um Ægisgarð og fara í hvala-
skoðunarferðir eru margir hverjir
áhugasamir um það sem við erum
að fást við,“ segir Páll Kristinsson
verkefnisstjóri í slippnum við Mýr-
argötu. Sú starfsemi er á vegum
Stálsmiðjunnar-Framtaks sem er
með starfsemi í Garðabæ, á Ártúns-
höfða og á Grundartanga, en mest
ber þó á þeirri starfsemi sem er í
hjarta Reykjavíkur.
Verkefnastaðan í slippnum er
þokkaleg um þessar mundir, þó
ekkert skip sé í dráttarbraut sem
stendur. „Strax og loðnuvertíð lýk-
ur undir lok þessa mánaðar eigum
við von á skipum og fleira er í far-
vatninu,“ segir Páll, sem fer fyrir
25-30 körlum sem vinna við Mýr-
argötu. Í það heila talið eru starfs-
menn fyrirtækisins um 150.
„Þegar Hótel Marina hóf hér
starfsemi vorum við smeykir um
árekstra, en raunin hefur orðið
önnur. Í gestamóttöku rúllar mynd-
band sem sýnir skip tekin í drátt-
arbrautir – og þegar við erum í
slíku ati eru hótelgestir gjarnan úti
á svölum,“ segir Páll. En þrátt fyrir
þetta eru breytingar í vændum.
Gert sé ráð fyrir íbúðabyggð og
frekari uppbyggingu gisti- og veit-
ingastarfsemi á Mýrargötureit og
að skipaþjónustan flytjist að Grund-
artanga. Raunar er langt síðan
drög að slíku voru lögð. Líklegt sé
þó, að sögn Páls, að innan fimm ára
eða svo verði starfsemin öll komin í
Hvalfjörðinn. sbs@mbl.is
Morgunblaðið/Júlíus
Stál Útlendingar sem rölta um Ægisgarð eru áhugasamir um það sem við
erum að fást við,“ segir Páll Kristinsson. Hvalbátarnir eru í baksýn.
 Dráttarbraut í 101  Fer á Grundartanga