Húnavaka - 01.05.1977, Page 187

HÚNAVAKA
185
snemma í júlí í góðri sprettu og
ágætum þurrki. Kalskemmdir
voru þó talsverðar á sumum
jörðum. Sláttur dróst þó á lang-
inn lijá ýmsum bændum, vegna
anna við rúning og fjárflutn-
inga. Ágætir þurrkar héldust
fram yfir miðjan júlí og þau hey,
sem fyrst náðust, með ágætri
verkun.
Um 20. júlí gekk í úrkomu-
sama vestanátt, sem hélst nær all-
an ágústmánuð. Var afar skúra-
samt og stundum stórrigningar.
Annað slagið komu þó þurrk-
dagar. Hey voru oft tekin mjög
illa þurr og stundum var saman-
tekning erfiðleikum bundin
vegna hvassviðris. Ovíða var þó
um langvarandi hrakning að
ræða, en heyskapur mjög tafsam-
ur og gras úr sér sprottið. Síðast
í ágúst brá til ágætra þurrka,
sem komu sér vel í heyskapar-
lokin. Lauk heyskap skömmu
fyrir göngur. Heyfengur var all-
mikill að vöxtum, en nýting afar
misjöfn og víða mjög léleg.
Veðráttan um haustið var sér-
staklega hlý og áfallalaus svo til
fádæma má telja. Urkoma var
mjög lítil, jörð nær ófrosin allt
til nóvemberloka, og til þess
tíma hægt að vinna að nær allri
mannvirkjagerð. Gangnamenn
hrepptu góðviðri. Fé reyndist
misjafnt til frálags, og neðan við
meðallag. Kýr komu með seinna
Snjór. (Ljósm. Unnar).
móti á gjöf og geldneytum víða
beitt fram á vetur. Fullorðið fé
lá úti til nóvemberloka.
Mjög kólnaði í veðri síðustu
dagana í nóvember, og var des-
ember heldur kaldur en stór-
viðralaus. Snjór kom ekki að
neinu ráði en talsverð frost,
einkum milli jóla og nýárs. Ágæt
jörð var í árslokin, og samgöng-
ur höfðu gengið óvenju vel, það
sem af var vetri.
Pétur Sigurðsson.