Húnavaka - 01.05.1977, Qupperneq 207

HÚNAVAKA
205
BYGGINGAR VIÐ
HÚNAVALLASKÓLA.
Framkvæmdir við annan áfanga
skólans hófust 1974. Þá var geng-
ið frá grunni. Sumarið 1975 var
þriðja álman steypt upp að
miklu leyti og kennarabústaður
gerður fokheldur. í fyrra var
fullgengið frá kennarabústaðn-
um og skólastjóri flutti þar inn
í október. Þá var lokið við að
steypa skólaálmuna upp og geng-
ið frá þökum nema á leikfimi-
sal.
í árslok 1976 hafði verið unnið
fyrir rösklega 70 milljónir króna.
Hlutur ríkisins er nálægt s/4 en
hlutur hreppanna um 14. I ár er
fjárveiting 24 milljónir króna á
fjárlögum.
Væntanlega kemur þessi álma
til fullra nota síðla árs 1978. í
þessum hluta er leikfimihús,
búningsherbergi, eldhús og mat-
salur, íbúðir starfsfólks, bóka-
safnsstofa, fjölrými o. fl. Austan
við álmuna samsíða kemur svo
sundlaug.
Yfirsmiður við þennan áfanga
er Ævar Rögnvaldsson en raf-
lagnir annast Hallbjörn Björns-
son og Jón Ingi Ingvarsson.
Framkvæmdastjóri er Torfi Jóns
son, Torfalæk og formaður bygg-
ingarnefndar Jón Tryggvason,
Ártúnum.
Aðildarhreppar skólans og
ríkissjóður keyptu jörðina Reyki
árið 1975 og greiða hvor sinn
helming kaupverðs. Er því góð
aðstaða fyrir skólann að færa út
kvíarnar. Jörðin er leigð til bú-
skapar.
Loks má geta þess að í skólan-
um starfar Eddu-hótel á sumrin
í urn 21/2 mánuð.
J. r.
FRÁ HESTAMANNAFÉLAGINU
NEISTA.
Starfsemi félagsins var með svip-
uðu móti og árið 1975. Rekin
var tamningastöð á Blönduósi,
mánuðina febrúar til maíloka.
Fyrri tvo mánuðina var tamn-
ingamaður aðeins einn, Jón
Steinbjörnsson frá Hafsteinsstöð-
um í Skagafirði, og húsrými nýtt
að hálfu. Síðari mánuðina var
húsið fullnýtt. Tamningamaður
auk Jóns var Þorleifur Ragnars-
son á Blönduósi. Kostnaður á
mánuði var 19.000 krónur á
tamningarhross, og var þá allt
innifalið nema stallmúll og
skeifur.
Neisti rak reiðskóla á Blöndu-
ósi í tvær vikur með mikilli þátt-
töku barna og unglinga á
Blönduósi og nágrenni. Kennar-
ar voru þær Ásdís Svavarsdóttir
í Öxl og Dóra Sigurðardóttir í
Vatnsdalshólum. Kostnaður á
nemanda var 4.000 krónur.