Húnavaka - 01.05.1980, Blaðsíða 25

MAGNÚS ÓLAFSSON:
Laxveiðar í Vatnsdalsá
Allt frá því sögur hófust hefur Vatnsdalsá skipt sköpum í lífi fólksins
í Þingi og Vatnsdal. Það var vegna deilu um veiði í ánni, sem land-
neminn Ingimundur gamli var veginn og oftar hafa deilur um veiði-
rétt risið hátt. A fyrri árum var eingöngu veitt í net í Vatnsdalsá en á
fjórða áratug þessarar aldar var farið að leigja stangaveiðirétt í ánni og
laxveiði í net bönnuð. Hin síðari ár hafa leigutakar borgað háar
upphæðir í leigu fyrir veiðirétt í ánni, enda hefur laxgengd verið
vaxandi og áin þykir ein skemmtilegasta laxveiðiá landsins.
Áður fyrr var Vatnsdalsá mikilsverð samgönguæð, eins og glöggt
kemur fram í viðtali við Lárus í Grímstungu, sem birtist í 18. árg.
Húnavöku. Allt fram á þennan dag hefur áin verið notuð til áveitu.
T.d. var áveitufélag Þingbúa stofnað á fyrri hluta þessarar aldar og lét
það gera miklar framkvæmdir til þess að nýta vatn árinnar sem best til
áveitu á Eylendið. I sama tilgangi lét Ólafur Jónsson bóndi á Sveins-
stöðum gera mikinn skurð, Tíðaskurð, í gegnum hólarana norðan við
Flóðið. Skurður þessi var grafinn með handverkfærum á síðari hluta
19. aldar. Um hann var vatni veitt á Sveinsstaðaengjar.
Um not árinnar til áveitu og samgangna verður ekki fjallað hér,
heldur stiklað á stóru um sögu laxveiða í Vatnsdalsá.
Víg Ingimundar
I Vatnsdæla sögu segir frá því að góð veiði hafi verið í Vatnsdalsá.
Þegar Ingimundur gamli byggði Hrolleifi og móður hans Ás var svo
mælt að Hrolleifur skyldi hafa veiði, ef eigi kæmu Ingimundar synir til
eða þeirra menn, en að því gaf Hrolleifur engan gaum, því að hann
virti meira vilja sinn og ranglæti en hvað skilyrt var.
Eitt sinn er húskarlar Ingimundar komu til árinnar mæltu þeir til
Hrolleifs að hann skyldi rýma netalögn fyrir þeim. Hrolleifur kvaðst