Húnavaka - 01.05.1980, Page 29

HÚNAVAKA
27
Á fundinum var rætt um samþykkt fyrir félagið og gerð arðskrár og
samþykkt að kjósa nefnd til þess að vinna að málum fram að stofn-
fundi, sem samþykkt var að boða til hinn 13. júní.
Á stofnfundinum var samþykkt með 36 atkv. gegn sjö að stofna
veiðifélagið og þar var einnig afgreidd samþykkt fyrir Veiðifélag
Vatnsdalsár, sem lögð var fram af undirbúningsnefndinni. Miklar
deilur urðu um skiptingu á arði og náðist engin samstaða um gerð
arðskrár. Því var samþykkt að arðskrá yrði ákveðin með matsgerð
samkvæmt veiðilögum. Á fundinum var samþykkt að taka tilboði frá
Mr. Fortesque í laxveiði í ánni.
í fyrstu stjórn félagsins voru kosnir: Form. Hannes Pálsson Undir-
felli með endurtekinni og bundinni kosningu milli hans og Magnúsar
Jónssonar á Sveinsstöðum. Meðstjórnendur voru kjörnir Magnús
Jónsson Sveinsstöðum og Jón Pálmason Akri.
Fyrsta verk stjórnarinnar var að ganga frá leigusamningi um ána.
Gerður var samningur við englendingana Lianet Fortesque og Arthur
Ellis um veiðirétt í ánni frá 1936 til 1950 að báðum árum meðtöldum.
Fyrir veiðiréttinn áttu englendingarnir að greiða 100 £ á ári og auk
þess 1 £ fyrir hverja þrjá laxa, sem árlega veiddust fram yfir 250. Allur
fiskur, sem veiddist var eign veiðifélagsins og áttu leigutakar að af-
henda hann á tilgreindum bæjum.
Stjórnin ákvað að selja kílóið af laxi á 80 aura og hvert kíló af silungi
á 40 aura. Sumum þótti þetta verð of hátt og vildu hafa það lægra til
félagsmanna. Á aðalfundi 1938 kom fram tillaga um að verð á veiðinni
til félagsmanna yrði eigi haft hærra en 70 aurar hvert kíló af laxi og 30
aurar kílóið af silungi. Tillagan var samþykkt með 8 atkv. gegn 6.
Veiðivargur
Á fyrstu árum veiðifélagsins var útrýming veiðivargs oft á dagskrá.
Stundum voru menn ráðnir til þess að drepa og fæla sel í Húnaós. T.d.
var á aðalfundi félagsins 1939 samþykkt að ráða mann til þess verks frá
júníbyrjun til ágústloka og var stjórn félagsins heimilt að nota allt að
kr. 200 í þessu skyni gegn jöfnu framlagi frá leigutaka. Ekki náðist þó
samkomulag við leigutaka að leggja fram fé í þessu skyni. Stjórnin réð
því Harald Jónsson Hnjúki til að liggja við ána frá 1. júní til 12. júlí að
báðum dögum meðtöldum fyrir 25 kr. á viku. Alla veiði átti hann að