Húnavaka - 01.05.1980, Síða 30

28
HÚNAVAKA
hafa. Eftir þann tíma skyldi selveiöi í Húnaós hverjum heimil a.m.k.
til aprílloka 1940.
Til verksins greiddi Veiðifélag Vatnsdalsár 120 kr. en Veiðifélag
Laxár 30 kr.
Á aðalfundi 1943 var samþykkt að veita verðlaun fyrir dráp á
veiðivargi í Húnaós. Fyrir hvern fullorðinn sel kr. 30 og fyrir hverja
fiskiönd kr. 1.00. Ári síðar voru verðlaunin fyrir fiskiandadráp
hækkuð í kr. 2.00, en verðlaun fyrir drepinn sel voru óbreytt. Árið 1949
fær Ágúst Andrésson Blönduósi síðan einkarétt til selveiða í Húnaósi,
án þess að fá verðlaun fyrir drepinn sel.
Veiðin
Fyrst eftir að veiðifélagið var stofnað var einungis heimilt að veiða
samtímis á tvær stangir í ánni og lengi var aðeins heimilt að stunda
veiðar fimm daga vikunnar.
Sumarið 1962 var heimilað að fjölga stöngum í ánni og mátti þá
hafa 6 stangir í ánni á dag að því tilskyldu að minnst helmingur þeirra
væri á silungaveiðisvæðunum. Veiði varð þá heimil alla daga
vikunnar.
Enn fjölgaði stöngum í ánni árið 1964 og mátti þá hafa fjórar
laxveiðistangir í ánni og þrjár silungsstangir. Síðan vorið 1978 hefur
verið heimilt að veiða á 5 laxveiðistangir samtímis í ánni. Síðari ár
hefur smám saman fjölgað leyfðum silungsveiðistöngum í ánni og er
nú heimilt að veiða silung á 10 stangir dag hvern. Síðan 1964 hefur
silungsveiði í net verið óheimil í ánni, en leyfð nokkurn tíma vor hvert
í Húnavatni og Flóði.
Ekki hef ég fundið tölur um hve mikill lax veiddist í ánni á fyrstu
árum veiðifélagsins. Þó er unnt af fundargerðum að marka að veiðin
hafi ekki verið nema um og jafnvel nokkuð innan við eitt hundrað
laxar. Mun svo hafa haldist allan þann tíma, sem Mr. Fortesque hafði
ána á leigu eða allt fram til ársins 1950.
Tryggvi Ófeigsson, sem hafði ána á leigu frá 1951 til 1961 að báðum
árum meðtöldum, segir í ævisögu sinni að 130 laxar hafi veiðst fyrsta
sumarið, sem hann stundar þar veiðar. Ári síðar veiðast þar 154 laxar
samkvæmt veiðibókum og 1954 komu 124 laxar á land úr Vatnsdalsá.
Síðan glæðist veiði nokkuð og er komin í 280 laxa 1958 og árið 1962