Húnavaka - 01.05.1980, Blaðsíða 32

30
HÚNAVAKA
veiðistaðir árinnar. Hrygningarstöðvar á þessum slóðum spilltust
einnig mikið af framburðinum. Með árunum hafa þessir staðir
hreinsast allnokkuð og veiði þar vaxið, eins og annars staðar í ánni.
Árið 1970 veiðast 646 laxar í ánni og sumarið 1974 er veiðin komin
upp í 723 laxa. Metveiði var síðan sumarið 1978 en þá veiddust 1466
laxar í Vatnsdalsá og síðast liðið sumar var veiðin litlu minni.
Miklum fjölda seiða hefur verið sleppt í ána á undanförnum árum
og telja menn það eiga stóran þátt í hve veiðin hefur vaxið.
Arðurinn
Skipting á veiðiarði hefur oft verið til umræðu á veiðifélagsfundum.
Oftast hefur arðskrá verið endurskoðuð á fimm ára fresti. Stundum
var ný arðskrá samþykkt á Veiðifélagsfundum, en oftar var beðið um
mat á ánni samkvæmt veiðilögum. Á aðalfundi veiðifélagsins 1941
lagði stjórn félagsins fram tillögu að nýrri arðskrá. Formaður sagði í
framsögu að ný matsgerð myndi ekki kosta undir eitt þúsund krónum
og skipti því nokkru fyrir félagsmenn að ná samkomulagi án þess að til
mats þyrfti að koma. Tók hann fram að í stjórn félagsins væru mjög
skiptar skoðanir um á hvern hátt ætti að skipta arði, en tillagan væri
tilraun til málamiðlunar, sem allir nefndarmenn væru þó verulega
óánægðir með.
Miklar umræður urðu um þessa tillögu stjórnarinnar og undir
umræðum komu fram 10 tillögur um breytingar á tillögu stjórnar-
innar. í öllum tilfellum lögðu tillögumenn til að arður sinnar jarðar og
oftast einhverra annarra hækkuðu frá því, sem tillaga stjórnarinnar
gerði ráð fyrir. Við atkvæðagreiðslu fór svo að allar breytingatillögur
voru felldar, en tillaga stjórnarinnar samþykkt með 30 atkv. gegn 13.
Flestir fundarmenn, sem samþykktu tillöguna tóku fram að þeir segðu
já til þess að komast hjá matsgerð.
Stundum hefur farið fram bæði undir- og yfirmat á ánni. Svo var
t.d. árið 1959. Beinn kostnaður við matið varð kr. 15.160. Það ár var
29.000 kr. úthlutað í arð til félagsmanna.
Einu sinni hefur komið fram tillaga um að slíta félaginu. Það var á
aðalfundi árið 1961. Tillagan var felld með 26 atkv. gegn 10. Þrír
greiddu ekki atkvæði.
Til er skrá um hve miklum veiðiarði hefur verið úthlutað allt frá
stofnun veiðifélagsins. Fyrsta árið, 1936 voru 1820 kr. greiddar í arð og