Húnavaka - 01.05.1980, Síða 33

HÚNAVAKA
31
næsta ár var arðurinn samtals kr. 2470. Síðan smá hækka þessar tölur
og árið 1944 er 6 kr. úthlutað á einingu eða alls kr. 6.000. Árið 1951
hækkar útborgaður arður verulega og fer upp í kr. 23.250 en það ár var
skipt um leigutaka við ána í fyrsta sinn. Árið 1958 var útborgaður
arður 41 þúsund kr. Þegar öðru sinni var skipt um leigutaka við ána,
árið 1962 hækkar útborgaður arður i 340 þúsund kr. Enn var skipt um
leigutaka 1964 og þá var útborgaður arður 700 þúsund kr., en það ár
voru miklar framkvæmdir á vegum félagsins og gætti áhrifa þeirra
nokkuð næstu ár á eftir og voru þá greiddar 500 þúsund kr. í arð. Árið
1970 fer útborgaður arður i fyrsta sinn á aðra milljón kr. og voru það
ár greiddar kr. 1.200.000 í arð. Síðan hafa arðgreiðslur hækkað veru-
lega í krónutölu og voru árið 1974 þrjár milljónir kr. Tíu milljónir voru
greiddar árið 1978 og á síðasta ári tvöfaldaðist þessi upphæð og voru
ábúendum á jörðum við Vatnsdalsá það ár greiddar tuttugu milljónir
kr. í arð.
Húsbyggingar
Flóðvangur, hús veiðifélagsins var byggt árið 1964. Bygging hússins
var boðin út í maí og 4. júní var samið við verktakann Björn
Traustason Hörgshóli. Að mestu var lokið við bygginguna í janúar og
hinn 20. mars var vígsluhátíð hússins. Var það mikil hátíð og fjölsótt.
Kostnaður við húsið fullbúið með frágenginni lóð var rúmar 4
milljónir kr. Þar af lögðu leigutakar árinnar J. A. Cooper og C. P.
Hazlehurst fram milljón kr. til byggingarinnar auk þess sem þeir
greiddu innbúið að hálfu leyti.
Veturinn áður en húsið var byggt fóru fram miklar umræður um
hvort hyggilegt væri að sameina byggingu veiðihússins og byggingu
félagsheimilis. Hugmyndin var að húsið yrði þá notað fyrir veiðimenn
að sumrinu, en annan tíma notað sem félagsheimili.
Veiðifélagið gerði hreppsnefndum Ás- og Sveinsstaðahrepps tilboð
um að byggja húsið á þessum grundvelli, en ekki náðist samstaða um
málið.
Stjórn veiðifélagsins ákvað þá að byggja húsið í stærra lagi, sem
veiðihús og hefur það síðan verið notað mjög mikið sem félagsheimili.
M.a. eru þar haldnir fjölmargir fundir og samsæti af ýmsu tagi. Oft
hefur þar verið spilað og teflt og þar eru stundum haldin innansveitar
böll eins og t.d. þorrablót.