Húnavaka - 01.05.1980, Síða 34

32
HÚNAVAKA
Árið 1978 byggði veiðifélagið lítið hús í landi Másstaða. Hefur það
hlotið nafnið Steinkot, enda stendur það þar, sem áður var býli með
því nafni. Hús þetta er notað af veiðimönnum á silungsveiðisvæðun-
um. Kostnaður við byggingu þess var um 9 millj. kr.
Þessir menn hafa verið aðalmenn í stjórn Veiðifélags Vatnsdalsár
frá upphafi:
Hannes Pálsson form. frá 1936—1945.
Magnús Jónsson Sveinsstöðum í stjórn frá 1936—1944.
Jón Pálmason Akri í stjórn frá 1936—1962.
Runólfur Björnsson Kornsá form. frá 1945—1948.
Guðmundur Jónasson Ási form. frá 1948—1975.
Gísli Pálsson Hofi form. frá 1975—1978.
Pálmi Jónsson Akri í stjórn frá 1962.
Ólafur Magnússon í stjórn frá 1944 og form frá 1978.
Ingvar Steingrímsson Eyjólfsstöðum í stjórn frá 1978.
Paradís
Veiðimenn eru yfirleitt mjög hrifnir af því að veiða í Vatnsdalsá.
Um það vitna fjölmargar umsagnir og verður hér vitnað í nokkrar.
Tryggvi Ófeigsson segir frá því í æfisögu sinni að þegar veiðimenn
venjist Vatnsdalsá vilji margir þeirra hvergi annars staðar veiða.
Nefnir hann Ólaf bróður sinn sem dæmi þar um. Það var með mikilli
tregðu sem Ólafur fór eitt sinn að veiða í ánni með Tryggva, en eftir
það lá við að flytja þyrfti hann í böndum suður.
Vatnsdalurinn sleppir engum við að vaka eina vornótt, segir
Tryggvi, og eftir Fortesque, fyrsta leigutaka Vatnsdalsár hefur hann:
„Enginn dalur er fegurri en Vatnsdalurinn. Ef lítill er aflinn og ykkur
leiðist, þá farið upp í Forsæludal og sitjið þar og virðið fyrir ykkur
landslagið. Það er hvergi, sem ég hef komið, jafn fagurt. Það er Paradís
þar efra.“
Sjálfum fannst Tryggva fallegast við Hólakvörn. Á bakka hennar
fékk hann land hjá Kristjáni Vigfússyni og reisti lítinn kofa, sem enn
stendur. Þann kofa hefur margt merkra manna gist. T.d. var Ásgeir
Ásgeirsson forseti oft gestur Tryggva. Um hann segir Tryggvi. „Ásgeir
var snillingur að veiða með flugu og ákafasamur við laxveiðina. Þeir
voru mjög ámóta hann og Bjarni Ingimarsson skipstjóri, neyttu hvorki