Ægir - 01.08.2014, Blaðsíða 75

71
Fyrr á árinu framleiddi Matís sitt fyrsta
smáforrit fyrir snjallsíma, í daglegu
talið svokallað app. Með því er á auð-
veldan hátt hægt að fá svar við þeirri
spurningu hver ísþörf er fyrir fisk í til-
teknum stærðum af fiskikerjum. Not-
andinn úti á sjó slær inn í símann sinn
forsendum á borð við lofthitastig, sjávarhita, kerjastærð, áætl-
aða tímalengd sem fiskurinn á að geymast og magn af fiski.
Forritið reiknar þá út hversu mikið af flöguís þarf að nota og er
magnið gefið upp í fötum eða fjölda af skóflum en þetta eru
þær mælieiningar sem flestir nota. „Við fáum mjög oft spurn-
ingar um ísmagnið og ákváðum að búa til þetta smáforrit til fyr-
ir sjómenn. Margir vita þetta af langri reynslu en alltaf kemur
nýtt fólk á sjóinn sem þarf að læra og þá er gott að geta haft
svona hjálpartæki við hendina því kælingin er lykilatriði,“ segir
Páll Gunnar Pálsson hjá Matís.
Flestir vanda til verka
Aðspurður hvort skóinn kreppi í þekk-
ingu á einu sviði umfram önnur segir
Páll Gunnar svo ekki vera. Almennt sé
þekking á meðferð fisks og vinnslu góð,
stærstur hluti vandi mjög til verka en
hægt sé að auka árangur hvað marga
þætti áhrærir.
„Við sjáum stundum dæmi um slæma
meðferð, t.d. hvað það varðar að fiskur
er ekki nægjanlega þveginn og liggur í
blóðvatni í körum. Síðan má tiltaka atriði
eins og að ísa betur, raða rétt í kör,
gæta þess að ekki sé sett of mikið í kör
og þannig má áfram telja. Við höfum því
dæmi um hvar betur má gera en heilt
yfir hygg ég að menn viti hvað þarf til að
skila góðu hráefni að bryggju,“ segir Páll
Gunnar.
Starf með frumkvöðlum
kynnt á sýningunni
Aðkoma Matís að verkefnum á sjávarút-
vegssviðinu eru margvísleg. Í mörgum
tilfellum kemur frumkvæði að þeim frá
starfsmönnum, önnur verða til úti í fyrir-
tækjunum sem þá leita samstarfs Matís
sem eins öflugasta rannsóknarfyrirtækis
landsins. Á Íslensku sjávarútvegssýn-
ingunni gefst gestum færi á að kynna
sér aðkomu Matís að verkefnum í grein-
inni og m.a. kynnast árangursríku sam-
starfi einyrkja og frumkvöðla sem hafa
verið í samstarfi við Vöruþróunarsetur
sjávarafurða innan Matís um nýsköpun í
greininni. „Gestir fá þannig innsýn í
hvernig nýsköpun verður í sjávarútvegi
og almennt hvernig við vinnum náið
með allri greininni. Okkar styrkur felst
ekki síst í því hversu gott aðgengi við
höfum að íslenskum sjávarútvegi,“ segir
Páll Gunnar.
Matís hefur beitt sér fyrir öflugu fræðslustarfi, m.a. um rétta meðferð sjávarafla.
Snjallsíminn spurður um ísþörfina!