Ægir - 01.08.2014, Blaðsíða 94
90
„Það er ljóst að sjávarútvegsfyrirtækin
og verkfræðifyrirtæki eins og Verkís
geta átt aukna samleið í framtíðinni
enda liggja tækifærin víða. Við höfum
greint sérstaklega innan fyrirtækisins
hvaða þekking okkar manna á mest er-
indi við sjávarútveginn og erum í stakk
búin að veita aukna þjónustu,“ segir
Sveinn I. Ólafsson, framkvæmdastjóri
Verkís verkfræðistofu.
Stuttur verktími – Heildarlausnir
„Við erum meðvituð um mikla þörf sjáv-
arútvegsfyrirtækja fyrir hröð og fumlaus
vinnubrögð í þeim framkvæmdum sem
þau ráðast í. Árið er jú vertíðaskipt í
þessum geira og þess vegna mikilvægt
að aðstaðan sé tilbúin í það sem
framundan er þegar vertíð hefst. Þetta
kallar á góða verkefnastjórn, yfirsýn yfir
heildarframkvæmdina og góðan undir-
búning svo allt púslið falli saman í góða
mynd. Verkís hefur mikla reynsla af að
reka umfangsmiklar og flóknar fram-
kvæmdir sem verða að vera tilbúnar á
fyrirfram ákveðnum tíma. Við teljum okk-
ur hafa mikið fram að færa í þessu sam-
bandi og hlökkum til að beita okkur að
þessu leyti fyrir sjávarútveg og fisk-
vinnslu.“
Stutt uppgreiðslutímabil
„Annað sem okkur finnst einkenna sjáv-
arútveg, vinnslu og fiskeldi er krafa
þessara fyrirtækja um stutt uppgreiðslu-
tímabil nýrra fjárfestinga. Ef við leitum
skýringa og horfum á sögu greinarinnar
þá kann ástæðunnar aftur að vera að
leita í því hvernig auðlindin í gegnum
tíðina hefur ýmist komið eða farið með
stuttum fyrirvara. Síldin hvarf á sínum
tíma, loðnan hefur minnkað mikið og nú
síðast birtist makríllinn án þess að gera
boð á undan sér. Það hefur þess vegna
þurft að grípa gæsina meðan hún gafst
og ekki verið hægt að stíla inná að
hægt yrði að nota fjárfestinguna í mörg
ár eða áratugi. Þetta þýðir að áætlana-
gerðin þarf að vera vönduð þannig að
menn viti fyrirfram með góðri vissu hver
kostnaður við ráðgerðar framkvæmdar
kemur til með að vera. Við hjá Verkís
erum með reynslubolta í okkar röðum á
því sviði og teljum við okkur því eiga
góða samleið með sjávarútveginum í
þessu sambandi.“
Krafa um rekstraröryggi
„Öll þekkjum við hvernig kostnaður hef-
ur orðið aukaatriði ef bilun hefur komið
upp á miðri vertíð og bjarga hefur þurft
verðmætum. Best er ef hægt er að
draga úr líkunum á því að hlutirnir fari
úrskeiðis. Þar felast einmitt tækifæri fyrir
Verkís sem í flestum af sínum verkefnum
í orkugeiranum og stóriðjunni stýrir
áhættugreiningu fyrir viðskiptavinina
sem gengur m.a. út á að greina hvað
hugsanlega geti farið úrskeiðis, hverjar
líkurnar á því eru og hver kostnaðurinn/
tekjutapið geti orðið. Við sjáum fyrir
okkur að þessi nálgun geti skilað mikl-
um ábata til sjávarútvegsfyrirtækja. Á
sama hátt miðar skipulagt og fyrirbyggj-
andi viðhald að því að lágmarka kostn-
að sem tengist viðhaldinu. Hjá Verkís
sinnum við svona verkefnum og sjáum
þessa þjónustu eiga fullt erindi við sjáv-
arútveg, fiskeldi og fiskvinnslu.
Mengunarmælingar / Umhverfismál
Verkís hefur einnig annast mælingar á
mengun, bæði í frárennsli og skorstein-
um hjá fjölmörgum fiskvinnslufyrirtækj-
um auk þess að vinna mat á umhverfis-
áhrifum fyrir fiskeldisstöðvar bæði á sjó
og landi. Oft þarf að hanna úrbætur á
útblástursbúnaði eða fráveitum og tekur
Verkís slík verkefni að sér með glöðu
geði að sögn Sveins hjá Verkís.
verkis.is Bás P24
Verkís
Ofanleiti 2, Reykjavík
Sími 422 8000
verkis@verkis.is
Aukin samleið sjávar-
útvegs og verkfræði
Sveinn I. Ólafsson, framkvæmdastjóri Verkís verkfræðistofu.