Húnavaka - 01.05.1988, Qupperneq 16

14
HUNAVAKA
bréfaskriftir, umstang og fundahöld fyrir þá sem voru í hreppsnefnd.
Oddviti þá var Björn Þorleifsson á Skagaströnd.
Eftir skiptin voru kjörnir í hreppsnefnd í hinum nýja Vindhælis-
hreppi: Magnús Björnsson Syðra-Hóli oddviti, Sigurjón Jóhannsson
kennari, Þórarinn Þorleifsson Skúfi, Ingvar Pálsson Balaskarði og svo
klesstu þeir mér í nefndina. Magnús var minnisstæður persónuleiki,
ritfær með afbrigðum og samviskusamur.
Hvenœr varðst þú oddviti?
A miðju kjörtimabili árið 1956 og það var í eina skiptið sem ég var
verulega óánægður við hreppsnefndina. Ég hafði aldrei ætlað mér að
vera oddviti. Þá var fram undan réttarbygging, sem var mikið átak
fyrir fámenna sveit. Hinu megin við ána voru dálítið ráðríkir forustu-
menn sem stóðu sameiginlega að fjallskilamálum og réttarbyggingu
með okkur. Samstarfið varð samt á þann veg að þeir urðu báðir góðir
samstarfsmenn og vinir mínir til æviloka. Það fór svo að ég sá ekkert
eftir að hafa lent í oddvitastarfinu.
Ég hætti sem oddviti 1974 og var þá ekki orðinn vitlausari en það að
ég hafði vit á að hætta í tíma áður en fólk yrði leitt á mér og mér
fyndist ég vera orðinn ómissandi og gæti ekki hætt. Samkomulagið í
hreppsnefndinni var alla tíð ákaflega gott, hreppsnefndarmennirnir
studdu mig eins og best varð á kosið og við reyndum eftir megni að
gera eitthvert gagn.
Hvernig voru vegirnir?
Það voru sæmilegir kerruvegir. Árlega unnum við dálítið í vega-
vinnu. Það voru lagðir smáspottar til að gera aðgengilegra að komast
með kerru í kaupstaðinn. Eldgömul trébrú var áður yfir Laxá, miklu
neðar en brúin er nú. Ég var þarna í vegavinnuflokki 1923, sem var að
byggja braut að sunnanverðu við ána til þess að bílfært væri að
brúnni. Svo kom verkfræðingur að sunnan og rak al í viðinn á brúnni
og taldi hann alltof fúinn til að fara með bíl yfir hana, þótt óhlaðinn
væri. Þetta álit herti á að byggð var ný brú á öðrum stað. Sú brú er
ekki lengur notuð, því að nú hefur verið byggð þriðja brúin á Laxá,
bæði sterk og falleg og svarar kröfum tímans.