Húnavaka - 01.05.1988, Qupperneq 208

206
HUNAVAKA
giftur Ólöfu Jóhannsdóttur. Börn Þorlfríðar sem Grímur tók sem sín
eigin eru Kristjana Þórey ógift og Gunnar Þór giftur Rósu Helga-
dóttur.
Auk þess ólu þau upp Þorlák Rúnar Loftsson frá 10 ára aldri en
hann er ömmubarn Þorlfríðar. Hann er giftur Ragnheiði Lindu
Kristjánsdóttur.
Eins og sjá má var mikið af börnum til að annast en alltaf var
Þorlfriður sama milda og blíða móðirin, tilbúin að leysa úr öllum
vandamálum sem vilja koma upp þar sem barnafjöldi er.
Útför Þorlfríðar Þorláksdóttur fór fram frá Hólaneskirkju þann 23.
janúar.
Sigríður J. Grímsdóttir.
Þorbjörn Sigurður Þorvaldsson andaðist 28. janúar á Héraðshælinu eftir
margra ára legu. Bibbi, eins og vinir hans og frændur kölluðu hann,
var fæddur að Strjúgsstöðum í Langadal 16. ágúst 1929. Foreldrar
hans voru María Sigurðardóttir og Þorvald-
ur Pétursson. Móður sína missti hann aðeins
sex ára að aldri og ólst því upp hjá föður
sínum, ásamt þremur systkinum, Önnu
Petrínu, Ásgeiri Guðmundi og Elsu Ingi-
björgu.
Það var mikið áfall fyrir heimilið þegar
móðirin hvarf á braut í blóma lífsins, en fleiri
þungbærum áföllum varð þessi fjölskylda
fyrir. Eldri bróðirinn, Ásgeir Guðmundur,
lést af slysförum árið 1944, og níu árum síðar
lést Anna Petrína eftir löng veikindi.
En í gegnum allar þrautir hélt Bibbi sinni lífsgleði og bjartsýni.
Hann var hrekklaus og góður drengur sem trúði á sigur hins góða í
öllum erfiðleikum. Hann hafði gott minni, en ýmsir eðlislægir þættir í
fari hans gerðu hann sérkennilegan í augum almennings.
Árið 1953 tók Bibbi við búskap á Strjúgsstöðum ásamt Elsu systur
sinni. Aldrei eignaðist hann mikið af þægindun nútímans og það er
ógleymanlegt hvað mikill hamingjudagur það var í lífi hans, þegar
hann eignaðist fyrstu og einu dráttarvélina í sínum búskap. Hann var