Húnavaka - 01.05.1988, Qupperneq 259

H U N A V A K A
257
féll því miður niður vegna þess að
sumardagurinn fyrsti var að
þessu sinni strax að loknu páska-
leyfi og því gafst ekki tækifæri til
æfinga. Það er von mín að sum-
arskemmtunin verði samt áfram
fastur liður i starfsemi skólans,
því að ég tel hana vera eina af
skrautfjöðrum stofnunarinnar.
Það má segja að starfskynning
sé orðin fastur liður hjá nemend-
um í 8. bekk og fer hún fram þá
daga sem níundu bekkingar
þreyta samræmd próf. Nemend-
ur úr 8. bekk dvelja þá daga í
ýmsum fyrirtækjum á Blönduósi
og kynna sér starfsemina.
Skólaslit fóru fram 23. maí og á
þeim voru veittar viðurkenningar
fyrir góðan námsárangur. Þær
hlutu að þessu sinni: Svavar
Pálsson og Dóra Guðrún Guð-
mundsdóttir úr 6. bekk og Ómar
Árnason og Berglind Björnsdóttir
úr 9. bekk.
Skóli hófst að loknu sumarleyfi
þann 10. september. Fjöldi nem-
enda við upphaf skóla var 233 í
12 bekkjardeildum og hófu 14
kennarar störf við skólann auk
skólastjóra.
Það sem hæst ber í skólamálum
á Blönduósi haustið 1987 fyrir
utan hefðbundna kennslu var
tvímælalaust það að hafin var
innrétting á nýrri félagsaðstöðu
fyrir unglinga á efri hæð félags-
heimilisins. Þá sáu menn fram á
að langþráður draumur um
bætta félagsaðstöðu yrði að veru-
leika. Þá er rétt að geta þess að í
september var ráðinn æskulýðs-
fulltrúi i hálft starf á vegum
Blönduósshrepps og mun hann
með öðru sinna félagsstörfum við
skólann.
Eiríkur Jónsson.
VVi13mj' STORMUR
]^W| 1 GLASI.
Félagar í Leikfélagi Blönduóss
höfðu í mörgu að snúast á síðasta
leikári.
Þann 29. nóvember 1986 var
MENOR með skemmtikvöld á
Hótel Blönduósi, þar sem fram
komu ýmsir skemmtikraftar af
Norðurlandi, en framlag heima-
manna var söngur Samkórsins
Bjarkar og atriði úr leikritinu
„Sálir Jónanna“ flutt af félögum
úr Leikfélagi Blönduóss.
Fyrir jólin brugðu nokkrir sér í
jólasveinagervi og komu fram
þegar kveikt var á jólatrénu og
voru líka í búðum kaupfélagsins,
bæði á Blönduósi og Skaga-
strönd. Fjórir félagar úr L.B. lásu,
ásamt fleirum, upp úr nýjum
bókum á bókakynningu í bóka-
safninu síðasta miðvikudag fyrir
jól.
17