Fréttablaðið - 10.07.2015, Qupperneq 48

10. júlí 2015 FÖSTUDAGUR| SPORT | 32
UTAN VALLAR
Henry Birgir Gunnarsson
skrifar frá Las Vegas
MMA Írinn og Íslandsvinurinn Conor
McGregor er aðalnúmerið á stærsta bar-
dagakvöldi UFC frá upphafi á laugardag.
Þetta kvöld er þegar búið að setja met yfir
mestar tekjur í miðasölu og mun líklega
setja met yfir flestar keyptar áskriftir að
bardagakvöldi.
Samt var upprunalegi bardagi McGregors
og meistarans, Jose Aldo, blásinn af. Það
breytti engu. Það segir okkur eitt. Fólk er
að fara að horfa á þetta kvöld til þess að sjá
Conor McGregor. Hann er ekki einu sinni
orðinn heimsmeistari og var lítt þekktur
fyrir ekki svo löngu síðan.
Stjarna hans hefur risið ótrúlega hratt og
hann er einfaldlega orðinn maðurinn sem
er að setja UFC á nýjan stall. Hann mun
færa sambandinu meiri pening en það hefur
áður séð. Það veit hinn klóki forseti UFC,
Dana White, enda hefur hann dekrað vel við
McGregor síðustu mánuði.
Hann er að fjárfesta í honum og sú fjár-
festing er heldur betur að skila sér. White
viðurkenndi fyrir mér í gær að McGregor
væri líklega stærsta stjarna UFC frá upp-
hafi. Það er ekkert skrítið að hann sé að fjár-
festa í McGregor. Maðurinn er einfaldlega
stórkostlegur á allan hátt. Skemmtikraftur
af Guðs náð. Það sannaði hann enn eina ferð-
ina á opinni æfingu í MGM Grand í gær.
Meirihluti þeirra sem komust inn í salinn
var á bandi Conors. Samt var aðeins helm-
ingurinn Írar. Hinir komu frá ýmsum lönd-
um en áttu það sameiginlegt að elska Conor.
Hann er líka einstakur. Á meðan aðrar
stjörnur kvöldsins sýndu lítil tilþrif og vildu
helst komast út fór Conor allt aðra leið.
Hann kom hlaupandi inn í salinn með
sólgleraugu og gaf öllum fimmur.
Hann bauð svo upp á klukkutíma
æfingu á meðan aðrir voru í mesta lagi í
tíu mínútur. Gerði þetta eins og
maður.
Skemmti fólki þess á
milli, tók af sér mynd-
ir með blaðamönnum og
naut lífsins. Hann er ein-
stakur skemmtikraftur
sem þrífst í sviðsljósinu.
Svo er hann líka maður
fólksins. Eftir að æfing-
unni lauk gekk hann út í
sal og gaf öllum sem vildu mynd af sér.
Hann fór ekki fyrr en allir voru sáttir.
Það er einstakt. Conor rífur vissulega
mikinn kjaft við andstæðinga og er
með stóryrtar yfirlýsingar en hann
kemur fram við aðdáendur sína af
virðingu og auðmýkt. Sjaldséð hjá
ofurstjörnum. Skal engan undra að
hann sé orðinn svona vinsæll.
Til að toppa allt er hann síðan auð-
vitað stórkostlegur bardagamaður.
Það er magnað að fylgjast
með honum í hringnum.
Þess vegna er þetta
bardagakvöld á laugar-
dag svona mikil veisla.
Við fáum okkar mann,
Gunnar Nelson, á stóra
sviðinu og punkturinn
fyrir ofan i-ið er síðan titil-
bardagi með Conor.
Það er fullkomlega galið ef
einhverjum dettur í hug að
missa af þessari veislu sem
verður í beinni á Stöð 2 Sport
annað kvöld.
Conor McGregor er orðinn stærsta stjarnan í UFC í dag
MMA „Í enda flestra æfingabúða
hugsar maður oft um að kannski
hefði átt að gera þetta betur en
núna er enginn vafi í mínum huga
hvernig þetta fer allt saman. Ég
myndi ekki vilja breyta neinu.
Þetta var fullkomið,“ segir Írinn
John Kavanagh en hann þjálfar
bæði Gunnar Nelson og Conor
McGregor. Óhætt er að tala um
alvöru kvöld hjá honum í MGM
Grand á laugardag.
Nýr og breyttur maður
Þessi geðþekki og yfirvegaði Íri
virðist svo sannarlega vita hvað
hann er að gera. Hann er búinn
að koma Gunnari í form sem
hann hefur ekki verið í áður.
Magavöðvarnir eru á pari við
Cristiano Ronaldo og óhætt að
segja að Gunnar hafi aldrei áður
verið í eins flottu formi.
„Hann er nýr og breytt-
ur maður. Það hefur
verið mikið talað um
pabbalíkama upp á síð-
kastið þar sem menn
eru með aðeins utan á
sér. Kannski var Gunni
þannig um tíma en ef
þú horfir á hann
núna sérðu lík-
amlegu breyt-
ingarnar sem
hafa átt sér stað
hjá honum. Það
sem skiptir
síðan meira
máli er að
andlega er
hann endur-
fæddur. Í síð-
ustu tveimur
bardögum
þá rúllaði
hann í gegn-
um þá af
gömlum vana
ólíkt því sem hann gerði í upp-
hafi sem atvinnumaður. Ég held
að hungrið sé komið aftur hjá
honum.“
Gott að vera í kringum
Conor
Ég átti spjall við Kavanagh
líka deginum áður en þetta
viðtal var tekið og hann ljóm-
aði hreinlega er hann talaði
um breytingarnar sem
hefðu átt sér stað hjá
Gunnari.
A nd lega og
líkamlega væri
hann orðinn nýr
maður og það
gladdi þjálf-
arann. „Stóri
munurinn er að
hann er orðinn
miklu ákveðn-
ari. Hann er
allt annað dýr
á æfingum núna
og er mættur til
að klára menn
hratt. Það hefur
verið gott fyrir
hann að vera í kringum Conor
McGregor.“
Kavanagh trúir því að þegar
litið verði til baka síðar muni fólk
horfa á tap Gunnars gegn Rick
Story sem vendipunkt á hans
ferli. Það tap muni hafa skipt
sköpum á ferli Gunnars og breytt
honum til hins betra.
Spáir ekki
„Gunni er að fara að mæta hættu-
legum andstæðingi í Brandon
Thatch. Ég hef notið þess að
horfa á hann keppa. Hann er með
frábæran stíl og þeir munu mæt-
ast í miðju búrinu og skiptast á
svakalegum höggum. Þú veist
samt alveg hvernig ég spái þess-
um bardaga,“ segir Kavanagh og
hlær en hann vill ekki spá því í
hvaða lotu Gunni klárar bardag-
ann.
Gunnar er að keppa í einum af
aðalbardögum kvöldsins en hann
sleppur að miklu leyti við kast-
ljósið því Conor McGregor sogar
það til sín.
Engu að síður er mikil pressa á
Gunnari að sýna sitt besta í frum-
sýningu í Las Vegas á stærsta
kvöldi í sögu UFC. Það kemur þó
okkar manni ekki úr jafnvægi
fyrir þessa risabardaga.
Finnur ekki fyrir pressu
„Hefur þú hitt Gunna? Pressa er
fyrir bíldekk og Gunnar er ekki
þannig gerður. Það er kostur sem ég
myndi elska að hafa. Það eru mjög
fáir á jörðinni sem finna ekki fyrir
pressu eins og Gunni. Hann undir-
strikar hvað það er að vera róleg-
ur. Að fara í hringinn eða kaupa sér
kaffi í bænum er það sama hjá Gunn-
ari,“ segir Kavanagh og brosir blítt.
Þjálfarinn hefur verið óhrædd-
ur við að tala Gunnar upp og spáir
honum heimsmeistaratitli. Það
hefur ekkert breyst.
„Ég held að Rory McDonald muni
taka beltið af Robbie Lawler um
helgina. Rory og Gunni eru hluti af
nýrri kynslóð bardagamanna. Þeir
eru með nýjan stíl og það liggur í
loftinu að þeir muni berjast. Hver
veit nema að á sama tíma á næsta
ári verðum við að tala um titilbar-
daga á milli þeirra. Ég held að það
verði þannig,“ segir Kavanagh.
Enginn pabbalíkami lengur
Þjálfari Gunnars Nelson, John Kavanagh, segir að Gunnar Nelson sé endurfæddur og orðinn nýr maður.
Hann sé líkamlega og andlega sterkari en áður. Hann spáir því að Gunnar keppi um titilinn að ári.
Henry Birgir
Gunnarsson
henry@frettabladid.is
Björn G.
Sigurðsson
frá Las Vegas
FYLGIST MEÐ John Kavanagh er ánægður með hversu gott form Gunnar Nelson er kominn í. FRÉTTABLAÐIÐ/VALLI
TENNIS Serena Williams tryggði sér sæti í úrslitum einliða-
leiks kvenna á Wimbledon-mótinu í gær með auðveldum
sigri á Mariu Sharapovu í undanúrslitum, 6-2 og 6-4.
Williams, sem mætir Garbine Muguruza frá Spáni í
úrslitunum á morgun, hefur nú unnið þrjú risamót í
röð og stefnir að því að vinna sitt 21. risamót á ferl-
inum á morgun. Aðeins tvær konur hafa unnið fleiri
risamót frá upphafi; Margaret Court og Steffi Graf.
Aðeins örfáum hefur tekist að vera ríkjandi
meistari á öllum fjórum risamótunum samtímis.
Engum, hvorki karli né konu, hefur tekist það síðan
Serena var handhafi allra titlanna árið 2003.
Keppt verður í undanúrslitum í einliðaleik karla í
dag. Novak Djokovic mætir Richard Gasquet í fyrri leik
dagsins en þeir Andy Murray og Roger Federer í þeim
síðari. Útsending Stöðvar 2 Sports hefst kl. 12.00. - esá
Leikur Serena eft ir eigið afrek?
KÖRFUBOLTI Sara Rún Hinriks-
dóttir var stigahæst í ellefu
stiga tapi á móti Dönum, 74-63, á
æfingamóti í Kaupamannahöfn
í gær. Sara Rún skoraði 16 stig á
25 mínútum í leiknum eða fjórum
stigum meira en Helena Sverris-
dóttir (12 stig á 16 mínútum).
Helena var fyrir leikinn búin
að vera stigahæst í 18 landsleikj-
um í röð – öllum leikjum kvenna-
landsliðsins í tæp sex ár eða
síðan Birna Valgarðsdóttir skor-
aði 21 stig í sigri á Írlandi.
Helena byrjaði reyndar frá-
bærlega í gær því hún skoraði 10
stig á fyrstu fimm mínútunum og
hjálpaði íslenska liðinu að kom-
ast í 15-6. Helena bætti aðeins
við tveimur stigum eftir það og
danska liðið vann upp forskotið
og tryggði sér öruggan sigur. - óój
Sara rauf ein-
okun Helenu
EFNILEG Sara Rún í leik með Íslandi á
Smáþjóðaleikunum. FRÉTTABLAÐIÐ/STEFÁN
ÚRSLIT
EVRÓPUDEILD UEFA
VÍKINGUR - FC KOPER 2-2
Arnþór Ingi Kristinsson (51., 76.) skoraði bæði
mörk Víkinga. FC Koper vann samanlagt, 3-2.
FH - SJK 1-0
1-0 Kristján Flóki Finnbogason (92.).
FH vann samanlagt, 2-0.
KR - CORK CITY 2-1
0-1 Mark O‘Sullivan (13.), 1-1 Pálmi Rafn
Pálmason (75.), 2-1 Jacop Schoop (99.).
Rautt spjald: Skúli Jón Friðgeirsson, KR ( 43.).
KR vann samanlagt, 3-2.
FÓTBOLTI
Birkir samdi við Basel
Landsliðsmaðurinn Birkir Bjarnason
skrifaði í gær undir þriggja ára samning
við svissneska meistaraliðið FC Basel.
Hann kemur frá Pescara á Ítalíu en
kaupverðið var sagt vera ein milljón
evra, jafnvirði 147 milljóna króna.
FÓTBOLTI KR og FH komust bæði áfram í 2.
umferð forkeppni Evrópudeildar UEFA eftir sigra
í sínum leikjum á heimavelli í gær. KR vann Cork
City frá Írlandi þrátt fyrir að hafa lent undir og
misst mann af velli með rautt spjald í fyrri hálf-
leik. FH vann SJK frá Finnlandi, 1-0, með marki
Kristjáns Flóka Finnbogasonar.
KR mætir Rosenborg frá
Noregi í næstu umferð en
FH leikur gegn Inter Baku frá
Aserbaídsjan.
Víkingur gerði 2-2 jafntefli
við FC Koper í Slóveníu en
tapaði samanlagt 3-2. Arnþór Ingi Kristinsson
skoraði bæði mörk Víkinga, sem voru nálægt því
að komast áfram á erfiðum útivelli. - esá
KR og FH áfram en Víkingur úr leik eft ir jafntefl i í Slóveníu
SPORT
HETJA
Kristján Flóki
Finnbogason
innsiglaði
sigur FH í
rimmunni
gegn SJK með
marki í upp-
bótartíma.

FR
ÉT
TA
BL
AÐ
IÐ
/A
N
D
RI
0
3
-1
2
-2
0
1
5
2
3
:0
0
F
B
0
5
6
s
_
P
0
4
9
K
.p
1
.p
d
f
F
B
0
5
6
s
_
P
0
4
8
K
.p
1
.p
d
f
F
B
0
5
6
s
_
P
0
0
8
K
.p
1
.p
d
f
F
B
0
5
6
s
_
P
0
0
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
5
5
-B
9
5
C
1
7
5
5
-B
8
2
0
1
7
5
5
-B
6
E
4
1
7
5
5
-B
5
A
8
2
8
0
X
4
0
0
7
B

F
B
0
5
6
s
_
9
_
7
_
2
0
1
5
C
M
Y
K