Morgunblaðið - 13.06.2015, Page 4

4
MORGUNBLAÐIÐ LAUGARDAGUR 13. JÚNÍ 2015
HLJÓMSÝN kynnir:
Ármúla 38 | Sími 588 5010
hljomsyn.com
HLJÓMSÝN
Óvissa ríkir um orlofsgreiðslur til
starfsmanna í verkfalli. Almenna
reglan er sú að fólk í verkfalli
ávinnur sér ekki orlof í verkfalli og
ekki er greitt í lífeyrissjóð á meðan.
Þórólfur Halldórsson, sýslumað-
ur á höfuðborgarsvæðinu, telur
fyrirkomulag verkfalls hjá Stétt-
arfélagi lögfræðinga umhugsunar-
efni þar sem einungis lögfræðingar
hjá sýslumanninum á höfuðborg-
arsvæðinu fóru í verkfall. „Þau eru
sett í þá stöðu að draga vagninn
fyrir alla hina lögfræðingana í
Stéttarfélagi lögfræðinga, sem
vinna flestir hjá hinu opinbera,“
segir Þórólfur og tekur fram að
hann hafi ekki orðið var við að aðrir
lögfræðingar hjá ríki eða borg sýni
þeim stuðning.
„Það er skrítið hlutverk sem
þessir lögfræðingar eru í. Margir
njóta en aðrir lögfræðingar verða
ekki fyrir þessu hnjaski. Mér skilst
t.d. að þeir sem eru í verkfalli
ávinni sér ekki orlof á meðan. Ætl-
ar BHM að borga þeim orlofsdaga?
Ég veit ekki um það, en það er
mjög óeðlilegt að embættið hér geri
það af því að þetta er ekki verkfall
til að sækja bætt launakjör hjá
þeim einum sem starfa hjá embætt-
inu heldur fyrir allt stéttarfélagið,“
segir Þórólfur.
Ekki skoðað sérstaklega
Páll Halldórsson, varaformaður
BHM, segir þennan hluta verkfalls-
ins þurfa að skoða þegar verkfalli
lýkur.
„Ég hef ekki verið að skoða
þennan hluta málsins yfirleitt, hef
verið að reyna að vinna að því að ná
kjarasamningi. Félögin munu bara
fara yfir það í framhaldinu hvernig
á þessum hlutum verði tekið,“ segir
Páll. brynjadogg@mbl.is
Óvissa um orlofsgreiðslur
 Almenna reglan að orlofsréttur myndast ekki í verkfalli
 Þarf að skoða og fara yfir málið þegar verkfalli lýkur
Þórólfur
Halldórsson
Páll
Halldórsson
Benedikt Bóas
Andri Steinn Hilmarsson
Búist er við að frumvarp ríkisstjórn-
arinnar um kjaramál félagsmanna
tiltekinna stéttarfélaga BHM og Fé-
lags íslenskra hjúkrunarfræðinga
verði samþykkt í dag.
Líflegum umræðum um frumvarp-
ið lauk á Alþingi um klukkan 22 í
gærkvöldi. Frumvarpið fór í kjölfarið
til annarrar umræðu í allsherjar- og
menntamálanefnd sem heldur fund í
dag þar sem helstu deilu- og hags-
munaaðilar koma saman. Eftir hann
er gert ráð fyrir að þingfundur hefj-
ist á hádegi en það gæti tafist, verði
umræður á nefndarfundinum langar.
Páll Valur Björnsson, sem á sæti í
nefndinni, segir að ekki sé hægt að
fastsetja þingfundinn. „Eftir fundinn
hjá okkur á síðan eftir að skrifa
nefndarálit. Það má gera ráð fyrir
tveimur álitum, frá meiri- og minni-
hluta.
Meðal þeirra sem koma á morgun
fyrir nefndina er Félag íslenskra
hjúkrunarfræðinga. Ólafur G. Skúla-
son, formaður félagsins, segir fund-
inn sem boðað hefur verið til vera
samkvæmt hefðbundnum ferli mála á
Alþingi. „Við munum mæta þar og
gera grein fyrir okkar skoðun á
þessu frumvarpi,“ segir hann en er
ekki tilbúinn að tjá sig að svo stöddu
um það hvað félagið hyggist leggja til
á fundinum í dag.
Mikil reiði innan Fíh
Lögfræðingur félagsins og samn-
inganefnd félagsins mæta til fundar-
ins. „Þegar ríkisstjórnin telur sig
hafa meirihluta fyrir frumvarpi sem
þessu gerir maður ráð fyrir því að
það verði samþykkt,“ segir Ólafur,
spurður um framhaldið. Hann segir
það vera eitthvað sem félagsmenn
hafi verið farnir að búast við en vissu-
lega séu þetta mikil vonbrigði og hafi
valdið mikilli reiði meðal fé-
lagsmanna.
„Við lítum á það sem svo að okkar
störf séu ekki metin að verðleikum.
Við erum mjög ósátt með þetta,“ seg-
ir hann en BHM og Fíh funduðu með
fulltrúum stjórnarandstöðuflokk-
anna í gærkvöldi. Fundurinn var
upplýsingafundur að sögn Ólafs þar
sem stjórnarandstaðan fékk sjónar-
horn Fíh og BHM á kjaradeiluna.
Þórunn Sveinbjarnardóttir, for-
maður BHM, segir að verkfallið hafi
ekki verið til einskis. „Við förum á
fund og gerum þar grein fyrir helstu
athugasemdum okkar við þetta frum-
varp. Og svo er bara að sjá hvað þing-
ið gerir við það,“ segir Þórunn.
Margvíslegar athugasemdir
Aðspurð hvaða athugasemdir
BHM hyggist gera við frumvarpið
kýs hún að tjá sig ekki. „Ætli við lát-
um ekki þingnefndina heyra af þeim.
Við erum með margvíslegar athuga-
semdir við þetta frumvarp.“
Hún segir félagsmenn BHM að
sjálfsögðu vera ósátta við fyrirhug-
aða lagasetningu en segir þá ekki
telja verkfallið hafa verið tilgangs-
laust.
„Þeir eru hins vegar sammála um
að lagasetning leysi engan vanda fyr-
ir ríkið sem vinnuveitanda.“
Hún gerir ráð fyrir að lagasetning
fari í gegn á morgun en spurð um
framhaldið segir hún að BHM ætli að
leyfa deginum í dag að líða. „Við þurf-
um svo að melta þá niðurstöðu þegar
hún liggur fyrir.“
Mæta samkvæmt vaktaplani
Anna Sigrún Baldursdóttir, hjúkr-
unarfræðingur og starfsmaður á
skrifstofu forstjóra LSH, segir að ef
lögin verða staðfest í dag taki við
vaktaplan starfsmanna en LSH gerir
ráð fyrir að vinna samkvæmt verk-
fallsaðgerðum um helgina.
„Þeir sem eiga sínar vaktir mæta
þá til starfa samkvæmt vaktaplani.
En við búumst við að starfa sam-
kvæmt undanþágum um helgina.“
Morgunblaðið/Styrmir Kári
Mótmæli Fjölmargir hjúkrunarfræðingar og liðsmenn innan BHM mættu í gær til að mótmæla frumvarpi ríkisstjórnarinnar.
Vonbrigði og reiði meðal
félaga í BHM og Fíh
 Frumvarp ríkisstjórnarinnar um kjaramál félagsmanna tiltekinna stéttarfélaga
BHM og Félags íslenskra hjúkrunarfræðinga verður líklega samþykkt í dag
Morgunblaðið/Styrmir Kári
Fjölmennt Félagar í BHM og hjúkr-
unarfræðingar fjölmenntu í gær.
Ekki komu nein skýr svör í um-
ræðum um frumvarp ríkisstjórn-
arinnar um lagasetningu á verkföll
BHM og hjúkr-
unarfræðinga í
gær á Alþingi,
hvers vegna Sig-
urður Ingi Jó-
hannsson hefði
verið fram-
sögumaður frum-
varpsins. Hóf
stjórnarand-
stæðan að kalla
Sigurð Inga
kjaramálaráð-
herra í kjölfarið.
Sigurður Ingi sagði að það væri
ekki við hæfi að tala um þessi mál af
léttúð.
Gunnar Bragi Sveinsson, utanrík-
isráðherra, steig þá í pontu og sak-
aði stjórnarandstöðuna um kjark-
leysi meðal annars í Icesave-málinu.
Rifjaði hann einnig upp að síðasta
ríkisstjórn hefði sett lög á verkfall
flugvirkja.
Kjaramálin á
ekki að ræða
af léttúð
Sigurður Ingi
Jóhannsson
Á Alþingi í gær var Kristján Þór Júl-
íusson heilbrigðisráðherra krafinn
svara af Guðmundi Steingrímssyni,
formanni Bjartrar framtíðar, um
hvað hann ætlaði að gera varðandi
þann mönnunarvanda sem væri í heil-
brigðiskerfinu. „Ráðuneytið hefur
verið í samstarfsverkefni með Emb-
ætti landlæknis að gera einhverja
mynd af því sem bíður okkar og
reyna þá að vera í færum til þess að
mæta helstu áskorunum í mönnun í
íslenska heilbrigðiskerfinu á næstu
árum. Ég hef ekki nákvæmar upplýs-
ingar um hvar sú vinna er stödd.“
Morgunblaðið/Styrmir Kári
Mótmæli Á Austurvelli í gær.
Ráðherra
krafinn svara
Lagasetning á verkföll
Sigmundur Davíð Gunnlaugsson
forsætisráðherra og Bjarni Bene-
diktsson fjármálaráðherra fylgdust
með viðureign Íslands og Tékklands
í forkeppni Evrópumótsins í gær-
kvöldi.
Meðan á leiknum stóð var tekist á
um frumvarpið um lög á verkfall
BHM og hjúkrunarfræðinga í þing-
sal.
Leikurinn endaði með sigri Ís-
lands, 2:1, en nánar má lesa um hann
á íþróttasíðum Morgunblaðsins.
Fóru að sjá „Strák-
ana okkar“ í Laug-
ardal í gærkvöldi
Á vellinum Sigmundur Davíð Gunn-
laugsson var á Laugardalsvelli í gær.
Morgunblaðið/Eggert