Morgunblaðið - 13.06.2015, Síða 36

36 DÆGRADVÖL
MORGUNBLAÐIÐ LAUGARDAGUR 13. JÚNÍ 2015
MOSFELLSBAKARÍ
Háholti 13-15 Mosfellsbæ | Háaleitisbraut 58-60 Reykjavík
s. 566 6145 | mosfellsbakari.is
Ert þú búin að prófa
nýja súrdeigsbrauðið okkar?
Renndu við í Mosfellsbakarí og fáðu þér hollara brauð.
Stjörnuspá
21. mars - 19. apríl 
Hrútur Þú ættir kannski að segja frá því sem
þú vilt helst halda fyrir sjálfa/n þig. Ef þú vilt
lenda í ævintýrum þarftu að bregða aðeins út
af vananum.
20. apríl - 20. maí 
Naut Reyndu að fegra í kringum þig því þægi-
legt umhverfi hvetur til vandaðra vinnubragða
og góðra afkasta. Mundu að margir nota pen-
inga til að reyna að stjórna öðrum.
21. maí - 20. júní 
Tvíburar Hugsanlegt er að þér verði falin auk-
in ábyrgð á næstu vikum. Nú er tímabært að
þú veitir sjálfum/sjálfri þér viðurkenningu og
haldir upp á áfangana sem þú hefur náð.
21. júní - 22. júlí 
Krabbi Það er greinilegt að roskinn vinur eða
ættingi sér hreinlega ekki sólina fyrir þér og
lætur þig finna það með ýmsum hætti. Láttu
það hiklaust eftir þér að leita meiri menntunar.
23. júlí - 22. ágúst 
Ljón Reyndu að slaka á í frítíma þínum og var-
astu umfram allt að taka vinnuna með þér
heim. En þú veist hvað bjátar á og ert þar af
leiðandi á góðri leið með að leysa það.
23. ágúst - 22. sept. 
Meyja Notaðu daginn til þess að ræða við full-
trúa stjórnvalda og embættismenn í dag. Eitt-
hvað mun fara úrskeiðis, en þannig er það og
þú skalt slappa af. Haltu þig á jörðinni.
23. sept. - 22. okt. 
Vog Með réttu hugarfari getur þú látið næst-
um því allt gerast. Reyndu að læra af mistök-
um þínum svo að þú getir haldið ótrauð/ur
áfram.
23. okt. - 21. nóv.
Sporðdreki Sköpunargáfa þín setur svip sinn
á daginn. Styrktu sjálfsmyndina með ráðstöf-
unum sem tengjast ekki efnishyggjunni.
22. nóv. - 21. des.

Bogmaður Settu markið hátt. Talaðu við aðra
um hugmyndir þínar og hafðu uppi á fólki sem
stefnir að sömu markmiðum og þú. Láttu ekki
tækifæri til góðverka fram hjá þér fara.
22. des. - 19. janúar 
Steingeit Þú mátt ekki láta hrokann ná tökum
á þér í samskiptum við aðra. Til að geta séð
aðstæður með augum hins aðilans verður þú
að geta gleymt sjálfum/sjálfri þér um stund.
20. jan. - 18. febr. 
Vatnsberi Félagslyndi þitt og áhugi á að sjá og
hitta aðra dregur að þér athygli í dag. Ræddu
málin við lánardrottna og þú munt undrast
hversu auðvelt reynist að lagfæra hlutina.
19. feb. - 20. mars

Fiskar Þú hefur þörf fyrir tilbreytingu og ættir
því að bregða út af vananum og gera eitthvað
óvenjulegt í dag. Sýndu öðrum samstarfsvilja
og hlýddu á þá sem eru reynslunni ríkari.
Síðasta gáta var sem endranæreftir Guðmund Arnfinnsson:
Seint í ágúst er hann ber.
Einnig konungsheiti.
Einatt bara byrjun er.
Blað að hálfu leyti.
Harpa á Hjarðarfelli svarar:
Lítill vísir verður ber,
Vísir konungsheiti er.
Vísi að ýmsu vinna fer.
Vísi Dagblað nafnið lér.
Þessi er lausn Guðrúnar Bjarna-
dóttur:
Vísir er grænjaxl í krækiberskrísu.
Kóngstitil vísirinn ber.
Með hendingu axlar fólk vísi að vísu.
Vísir hálft dévaffið er.
Þannig leysir Guðmundur
gátuna:
Seint í ágúst verður vísir ber.
Vísir líka konungsheiti er.
Byrjun stórra verka vísir telst.
Vísir að hálfu leyti í DV felst.
Og lætur síðan fylgja limru um
ber og berjafólk:
Hans gengur með grasið í skónum
eftir Grétu á berjamónum.
Þau tína ber
og ber þar og hér
berja hvort annað sjónum.
Og svo kemur laugardagsgátan
og að sjálfsögðu eftir Guðmund:
Klunnalegur karl er sá.
Kölski gamli fer á stjá
Grimmur leynist hákarl hér
Hundur sama nafnið ber.
Gamall nemandi minn úr forfalla-
kennslu í Lindargötuskóla, Heimir
L. Fjeldsted, sendi mér línu sem
mér þótti vænt um: „Seinni hluta
vetrar gekkst ég undir uppskurð
sem gekk vel. Veðrið fór þó í taug-
arnar á mér, því erfitt var að
manna sig upp til útivistar. Fyrri-
parturinn varð þá til.
Síðan tók ég mig svolítið í gegn,
er núna á góðum batavegi og lífið
hlær við mér.
Naprir vindar næða,
nísta merg og bein.
Góðir þankar glæða
og græða hvert eitt mein.
Að lokum vísa eftir Hjálmar
Freysteinsson:
Veg það eykur valdamanns,
verður honum allt að fé.
Nú skilst mér í höndum hans
hafi vaxið pálmatré.
Halldór Blöndal
halldorblondal@simnet.is
Vísnahorn
Vísir að hinu og þessu
Skráðu þig í iPad-áskrift á www.mbl.is/mogginn/ipad/
Í klípu
„Á HVATNINGARFUNDINUM VAR SAGT AÐ
NÚ ÞYRFTU ALLIR AÐ TAKA Á HONUM
STÓRA SÍNUM.“
eftir Mike Baldwin eftir Jim Unger
„EF FÓLK LÍKIST GÆLUDÝRUNUM SÍNUM,
AF HVERJU FERÐ ÞÚ EKKI HEIM OG
PASSAR UPP Á GÓRILLUNA ÞÍNA?“
Hermann
Ferdinand
Hrólfur hræðilegi
Grettir
...freyðandi.
ÓKEI... ÞAÐ ER ÁSTÆÐA
FYRIR ÖLLU...
AF HVERJU
VAKNAÐI ÉG?
INNFLUTTUR VIÐUR,
SKREYTINGAR ÚR
SKÍRA GULLI.
ÞESSI HURÐ HEFUR
KOSTAÐ FORMÚU.
VIÐ SKULUM ÞÁ BARA
STELA FRÁ ÞESSUM OG
LÁTA ÞAÐ SVO DUGA!
Það er eitthvað svo sumarlegt aðhoppa á trampólíni eða á fjaður-
dýnu eins og samheitaorðabókin
stingur upp á sem hinu prýðilega
orði.
Systir Víkverja, sem er búsett fyrir
austan fjall, hringdi í hann á dög-
unum. Það væri svo sem ekki frásög-
ur færandi nema fyrir þær sakir að
hún bað Víkverja um að prufa tram-
pólín í einni ágætri búð með þeim fyr-
irmælum að kanna hvort það væri
nokkuð of stíf. Jújú, hann hélt það nú.
x x x
Hann skundaði af stað í búðina, semer líklega stærsta búð sem Vík-
verji hefur farið inn í. Tekið skal fram
að Víkverji hefur ekki farið hin gífur-
lega stóru moll í Ameríku. Eftir tölu-
vert rölt um langa ganga fann hann
loks trampólínið. Hann snaraði sér að
næsta starfsmanni og spurði hvort
hann mætti ekki prufa trampólínið.
Hann hélt það nú. Víkverji tætti af
sér jakkann og skóna og byrjaði að
hoppa.
Hann lét sig falla á rassinn og aftur
upp á fæturna og hoppaði og skopp-
aði. Víkverji lygndi aftur augunum og
ímyndaði sér að hann væri úti í ís-
lensku sumri þar sem ferskur vindur
léki um andlit hans. Hann tók því
varla eftir manngerðu umhverfi búð-
arinnar, hvað þá fólki sem átti leið um
hjá að skoða gasgrill og garðsláttu-
tæki.
x x x
Þegar Víkverji hafði hægt á sér ogvar í þann mund að koma sér í
fötin, stóð miðaldra maður álengdar
og spurði opinmynntur, og full hátt að
Víkverja fannst, hvort hann væri
starfsmaður.
Víkverji kvað nei við því. Hann
væri bara að prufa trampólínið eins
og ekkert væri sjálfsagðara fyrir full-
orðinn einstakling, barnlausan og
kominn á fertugsaldur.
Trampólíð stóðst prófið og til-
kynnti Víkverji systur sinni það sam-
viskusamlega. Hún þakkaði vel fyrir
en lét fylgja að hún hefði fyrst spurt
elstu systur þeirra hvort hún gæti
kíkt á trampólínið. Sú elsta fór undan
í flæmingi enda þótti henni ekki
sæma konu í hennar stöðu að hoppa
eins bjáni á trampólíni í báhás.
víkverji@mbl.is
Víkverji
Drottinn er ljós mitt og fulltingi, hvern
ætti ég að óttast? Drottinn er vígi lífs
míns, hvern ætti ég að hræðast?
(Sl. 27:1.)