Dagblaðið Vísir - DV - 15.05.2009, Blaðsíða 18

Föstudagur 15. maí 200918 Helgarblað
Gögn einkavæðingarnefndar um söluna á Búnaðarbanka Íslands sýna fram á að krafa Þorsteins Ingasonar
á hendur Búnaðarbankanum leiddi til þess að S-hópurinn fékk afslátt af Búnaðarbankanum sem nam nokk-
ur hundruðum milljónum króna. Þorsteinn segir að þetta sýni fram á að Ólafur Ólafsson úr S-hópnum hafi
logið í gegnum tíðina þegar hann sagðist ekkert hafa vitað um skaðabótakröfu Þorsteins og að hún hefði ekki
lækkað verðið á bankanum. Hann útilokar ekki að hann eigi nú skaðabótakröfu á hendur Nýja Kaupþingi.
S-HÓPURINN FÉKK AFSLÁTT
VEGNA KRÖFU ÞORSTEINS
Þorsteinn Ingason, fyrrverandi út-
gerðarmaður, telur að gögn úr fórum
einkavæðingarnefndar um sölu rík-
isbankanna sýni fram á að útistand-
andi krafa sem hann átti gegn Bún-
aðarbanka Íslands hafi orðið til þess
að verðið á bankanum var lækkað
um 500 milljónir króna þegar hann
var seldur til S-hópsins í ársbyrjun
2003 fyrir 11,4 milljarða króna.
Þorsteinn hefur um árabil reynt
að sýna fram á að krafa hans á hend-
ur Búnaðarbankanum hafi orðið
til þess að verð bankans var lækk-
að að því sem nam stefnufjárhæð
skaðabótakröfunnar sem hann átti
á bankann. Aldrei hefur hins vegar
verið dæmt í máli hans gegn Búnað-
arbankanum, síðar Kaupþingi, og því
lítur út fyrir að S-hópurinn hafi feng-
ið afsláttinn á bankanum án þess að
þurfa nokkru sinni að standa skil á
kröfu Þorsteins.
Þorsteinn telur jafnframt að
gögnin sem hann hefur undir hönd-
um sýni fram á að Ólafur Ólafsson,
sem oft er kenndur við Samskip, hafi
logið til um það að krafa Þorsteins
hafi ekki orðið til þess að S-hópur-
inn fékk afslátt af bankanum og að
hann hafi vitað af kröfu Þorsteins á
hendur bankanum. En í samtali við
DV fyrir tæpum tveimur árum, 13.
júlí 2007, sagði Ólafur Ólafsson að
skaðabótamál Þorsteins gegn bank-
anum og möguleikinn á því að dóm-
ur félli honum í hag, hefði ekki orð-
ið til þess að S-hópurinn fékk afslátt
af Búnaðarbankanum auk þess sem
hann hefði ekki vitað af málaferlun-
um fyrr en nýlega..
Rætt um kröfuna á fundum
einkavæðingarnefndar
Þorsteinn hefur löngum barist fyrir
því að fá aðgang að gögnum einka-
væðingarnefndar um söluna á hlut
ríkisins í Búnaðarbanka Íslands en
ávallt verið neitað um hann. Aðgang-
inn fékk Þorsteinn svo
eftir að minni-
hlutastjórn
Samfylk-
ingarinnar
og vinstri -
grænna tók
við völdum
fyrr á árinu.
Í áreiðan-
leikakönnun frá
endurskoð-
enda-
fyrirtækinu Pricewaterhouse Coopers
(PWC), sem er að finna í gögnum
einkavæðingarnefndar um söluna á
Búnaðarbankanum, kemur fram að
bankanum hafi verið stefnt vegna
kröfu upp á 500 milljónir króna og að
taka þurfi tillit til þessa við verðmat
á bankanum og lagt til að upphæð-
in yrði sett á afskriftarreikning. Hér
er verið að ræða um mál Þorsteins
gegn bankanum sem var þingfest fyr-
ir héraðsdómi í desember 2001. Þor-
steinn féll frá skaðabótamálinu eftir
efnahagshrunið í október árið 2008
því hann vissi ekki hvort hann ætti að
sækja hana inn í gamla eða nýja bank-
ann.
Í fundargerðum einkavæðingar-
nefndar frá því 15. janúar 2003 kemur
fram að Baldur Guðlaugsson, nefnd-
armaður í einkavæðingarnefnd, hafi
fundað með Finni Ingólfssyni og Ól-
afi Ólafssyni úr S-hópnum þar sem
meðal annars var rætt um skýrslu
PWC og „útistandandi dóms-
mál“ bankans. Í lok fundar-
gerðarinnar segir að einka-
væðingarnefnd hafi tekið til
umræðu hvaða áhrif niður-
staðan í skýrslu PWC gæti haft
á verðið á bankanum og hvaða
fjárhæðir væri um að ræða.
Þarna er augljóslega verið
að tala um mál Þorsteins því
í skýrslu PWC er það eina
dómsmálið gegn Búnaðar-
bankanum sem rætt er um.
Jafnframt telur Þorsteinn
að sú staðreynd að lögfræði-
álit, sem einnig er að finna í
gögnum einkavæðingarnefndar, sem
lögfræðiskrifstofan Landwell vann
um áhrif málaferla Þorsteins Inga-
sonar vegna sölunnar á Búnaðar-
bankanum, sýni fram á að vitneskjan
um málaferlin og mögulega skaða-
bótaskyldu Búnaðarbankans hafi átt
þátt í verðlækkuninni á bankanum.
Ríkissjóður snuðaður
um hundruð milljóna
Stuttu eftir að Ólafur Ólafsson lét
ummælin falla í DV kærði Þorsteinn
hann til ríkislögreglustjóra vegna
brota á lögum um fjármálafyrirtæki,
fyrir að að hafa farið með rangt mál
í samtali við DV. Saksóknari efnhags-
brota vísaði kærunni hins vegar frá í
ágúst 2007. Þorsteinn telur að með
gögnum einkavæðingarnefndar
um málið sé endanlega búið að
færa sönnur á það að skaðabóta-
mál hans gegn Búnaðarbankanum
hafi orðið til þess að verðið á bank-
anum var lækkað og að S-hópurinn
hafi fengið hundruð milljónir króna
gefnar úr ríkissjóði í formi afsláttar.
Jafnframt telur hann að gögnin sýni
fram á að Ólafur Ólafsson hafi logið
í samtali við DV fyrir tæpum tveimur
árum því krafan hafi lækkað verðið á
bankanum og að honum hafi verið
fullkunnugt um það.
Hann segir að
þessar nýfengnu
upplýsing-
ar sýni all-
ar fram
á það að
ríkið hafi
orðið af
hundruð-
um millj-
ónum
króna við
söluna
á Búnað-
arbank-
anum sem
runnið hafi
í vasa þeirra
manna sem
mynduðu S-hópinn. Hann útilokar
ekki að hann eigi skaðabótakröfu á
hendur Nýja Kaupþingi vegna máls-
ins. „Ef það reynist þannig að krafan
er þar mun ég reyna að sækja hana
inn í nýja bankann ef þarf,“ segir Þor-
steinn en hann er handviss um að
kröfuupphæðin sé á afskrift-
arreikningi nýja bank-
ans og að skaðbótakraf-
an nemi nú rúmlega
fjórum milljörðum
króna.
Ekki náðist í Finn
Ingólfsson eða Ólaf
Ólafsson við
vinnslu frétta-
rinnar, en sá
síðarnefndi
er búsettur í
Sviss um þessar
mundir.
„Krafan var notuð til
verðlækkunar á bank-
anum... Þetta sýnir að
Ólafur Ólafsson var að
ljúga til að verja ein-
hverja hagsmuni sem
ég þekki ekki.“
IngI F. VIlhjálmsson
blaðamaður skrifar ingi@dv.is
Krafan gæti verið í nýja Kaup-
þingi Þorsteinn segir að hann gæti
nú átt skaðabótakröfu á hendur
Nýja Kaupþingi en skaðabótamál
sem hann höfðaði á hendur
Búnaðarbankanum varð til þess að
verðið á bankanum var lækkað.
segir Ólaf hafa logið Þorsteinn
segir að gögn einkavæðingarnefnd-
ar um söluna á Búnaðarbankanum
sýni fram á að Ólafur Ólafsson
hafi logið því að krafan hefði ekki
lækkað verðið á bankanum.
Telur orð sín hafa verið
staðfest Þorsteinn segir að
hann íhugi að sækja kröfu sem
hann átti á hendur Búnaðar-
bankanum inn í Nýja Kaupþing.