Dagblaðið Vísir - DV - 05.06.2009, Side 10

föstudagur 5. júní 200910 Fréttir
Morð vegna Mistaka
Tveir Bretar voru á fimmtudaginn sakfelldir fyrir morð á tveimur frönskum námsmönnum í Lundún-
um. Morðin eru talin með ógeðfelldustu glæpum breskrar glæpasögu. Þrátt fyrir að um ár sé liðið frá
morðunum upplýsist fyrst nú að annar morðingjanna átti með réttu að vera á bak við lás og slá þegar
hann framdi morðin.
Tveir karlmenn, Dano Sonnex og
Nigel Framer, hafa verið sakfelld-
ir fyrir morð á tveimur frönskum
námsmönnum í stúdíóíbúð í suður-
hluta Lundúna. Sonnez og Framer
höfðu báðir lýst yfir sakleysi sínu
Námsmennirnir, Gabriel Ferez
og Laurent Bonomo, báðir tuttugu
og þriggja ára, höfðu verið bundnir
og keflaðir og síðan stungnir ítrekað.
Jack Straw, dómsmálaráðherra
Bretlands, hefur beðið fjölskyldur
fórnarlambanna afsökunar enda
margt sem bendir til handvammar
af hálfu breska réttarkerfisins í mál-
inu. Nú þegar hefur einn hátt settur
skilorðsfulltrúi sagt af sér vegna mis-
taka.
Óunnin pappírsvinna
Sex vikum fyrir morðin hafði Dano
Sonnex verið sleppt gegn tryggingu
vegna máls sem snerist um meðferð
þýfis. Upphaflega stóð til að hann
kláraði afplánun fyrri dóms, en sök-
um þess að pappírarnir voru ekki til-
búnir var hann frjáls maður.
Lydie Bonomo sagði að sonur
hennar myndi enn vera á lífi ekki
ekki hefði verið fyrir mistök. Ekki er
fráleitt að ætla að Jack Straw sé henni
sammála því þrátt fyrir að hann segi
að „bein ábyrgð á þessum morðum
hljóti að liggja – eins og kviðdómar-
ar komust að – hjá glæpamönnun-
um Sonnex og Farmer“, viðurkenn-
ir Straw einnig að Sonnex „hefði átt
að vera í gæsluvarðhaldi á þeim tíma
sem hann framdi morðin“.
Afdrifarík reynslulausn
Ódæði Sonnex og Farmers hefur
verið lýst sem ógeðfelldustu morð-
um breskrar glæpasögu, en Bonomo
og Ferez voru stungnir samtals um
tvö hundruð og fimmtíu sinnum.
Morðin áttu sér stað í júní á síðasta
ári en það er fyrst nú sem í ljós kem-
ur sú handvömm sem gerði Sonnex
kleift að fremja morð þegar hann átti
í raun að vera á bak við lás og slá.
Dano Sonnex er enginn nýgræð-
ingur og hafði áður verið fangelsað-
ur fyrir rán þar sem hann beitti fyrir
sig eftirlíkingu af vopni. Sex mánuð-
um fyrir morðin hafði hann fengið
reynslulausn og sneri aftur á braut
ofbeldisglæpa. Eitt skipti fjötraði
Sonnex barnshafandi konu og sam-
býlismann hennar og ógnaði þeim
með hamri og sög.
Í stað þess að vera látinn klára
afplánun sína án tafar var Sonnex
frjáls maður í 33 daga eftir á, vegna
þess sem hefur verið lýst sem „full-
komnu hruni samskipta“.
Tölvuleikir, farsímar,
bankakort og morð
Gabriel Ferez og Laurent Bonomo,
einungis íklæddir nærbuxum, höfðu
verið vaktir um miðja nótt og færð-
ir í fjötra eftir að Sonnex og Farmer
höfðu klifrað inn um opinn glugga á
híbýlum þeirra.
Tilgangur Sonnex og Farmers
var að stela leikjatölvum, farsím-
um og bankakortum, sem þeir
reyndar notuðu síðar til að taka út
hátt í 400 sterlingspund.
Knúnir áfram af áfengi og eit-
urlyfjum eggjuðu Sonnex og Far-
mer hvor annan við hin hroða-
legu ódæði. Laurent Bonomo var
stunginn 194 sinnum og sagði
Sonnex síðar að hann „ætlaði bara
ekki að drepast“. Gabriel Ferez var
stunginn fimmtíu sinnum, þar af
nokkrum sinnum eftir að hann
var dáinn. Klukkustundum eftir
morðin bar Farmer eld að íbúð-
inni.
Það tók kviðdómara um tut-
tugu og þrjár klukkustund-
ir að komast að niðurstöðu og
voru bæði Sonnex og Farmer
sakfelldir fyrir innbrot, frels-
issviptingu, íkveikju og morð.

Ábyrgðin einnig ráðherranna
Þrátt fyrir að David Scott, yfir-
maður skrifstofu reynslulausna í
Lundúnum, hafi viðurkennt sinn
hluta ábyrgðar vegna málsins fer
hann ekki í grafgötur með ábyrgð
ríkisstjórnarinnar og sagði að
mikið vinnuálag reynslulausnar-
fulltrúa væri á hennar ábyrgð.
Reynslulausnarfulltrúi Sonn-
ex hefur verið rannsakaður, sem
og aðrir sem að málinu komu, en
enginn hefur enn sem komið er
misst starfið.
Samkvæmt frétt í The Ti-
mes hafði reynslulausnarfull-
trúi Sonnex aðeins níu mánaða
starfsreynslu en hafði engu að
síður 127 afbrotamenn á sinni
könnu, en meðaltal á Lundúna-
svæðinu er 35 afbrotamenn á
fulltrúa.
Heilbrigðiskerfið sætir
rannsókn
En breska heilbrigðiskerfið hefur
einnig sætt rannsókn vegna málsins
því örfáum vikum fyrir morðin höfðu
læknar úrskurðað að lítil hætta staf-
aði af Nigel Farmer.
Farmer var lagður inn á geðdeild
eftir að hafa sagt móður sinni að
hann „óttaðist hvað hann kynni að
gera“ öðrum og sjálfum sér.
Samkvæmt frétt The Times gekk
Farmer út af geðdeildinni fjórum
dögum síðar, 29. maí, eftir að hafa á
stundum barið höfði sínu við vegg
og lamið veggi með hnefum með
þeim afleiðingum að hann handar-
brotnaði. Mánuði síðar myrtu hann
og Sonnex frönsku námsmennina.
Kolbeinn þorsTeinsson
blaðamaður skrifar: kolbeinn@dv.is
Eitt skipti fjötraði
Sonnex barnshaf-
andi konu og sam-
býlismann hennar
og ógnaði þeim með
hamri og sög.
Morðingjarnir dano
sonnex (t.v) og nigel
farmer.
laurent
bonomo, annað
fórnarlambanna
Morðingi hans
hefði átt að vera á
bak við lás og slá.
stúdíóíbúð bonomos og
Ferez Lögreglu og slökkviliðs
beið hroðaleg aðkoma.