Dagblaðið Vísir - DV - 05.06.2009, Side 46

föstudagur 5. júní 200946 Sakamál
„Aðgerð jólAsveinn“ Þau kölluðu sig „aðgerð jólasveinn“.
Þau voru þrjú, atvinnulaus, stefnulaus og miskunnarlaus og markmiðið var
að komast yfir fé með hverjum þeim hætti sem bar árangur. Þegar þau komu
höndum yfir fjármuni einhvers annars sendu þau smáskilaboð hvert til annars:
„jólasveinninn er kominn!“ og ruku síðan í búðir og keyptu fatnað, mynddiska
og hvað eina sem hugurinn girntist. Marjorie Vigouroux var af öðru sauðahúsi, en
komst, vegna kaldhæðni örlaganna, í kynni við foringja jólasveinsklíkunnar í gegnum internetið og
örlög hennar voru ráðin. Lesið um „aðgerð jólasveinn“ í næsta helgarblaði dV.
Martha og rayMond
Martha og Raymond fundu fórnarlömb sín í auglýsingum einmana fólks. Martha glímdi við ofbeldisfullt
geðslag sem skánaði ekki við stöðug hliðarspor Raymonds, enda krafðist hún skilyrðislausrar tryggðar af
hálfu hans.
Martha Beck, fædd Seabrook,
fæddist árið 1920, og þegar henni
var nauðgað af bróður sínum,
þrettán ára gamalli, var hún þeg-
ar orðin fjandanum feitari. Ekki er
loku fyrir það skotið að sú slæma
lífsreynsla hafi valdið því að hún
hneigðist til furðulegheita í kynlífi,
en þráði á sama tíma rómantík í líf
sitt. Einnig er mögulegt að hægt sé
að rekja tilfinningaleysi hennar í
garð annarra til nauðgunarinnar.
Hvað sem því líður varð hún
hjúkrunarkona, en vann sem að-
stoðarmanneskja hjá útfararþjón-
ustu. Síðar varð hún yfirmaður á
heimili fyrir bækluð börn í Pensa-
cola á Flórída. Martha átti þrjú
misheppnuð hjónabönd að baki
þegar hún hitti Raymond Fernand-
ez undir árslok 1947.
Raymond Fernandez
Raymond Fernandez var sex árum
eldri en Martha, var af spænskum
ættum, fæddist á Havaí en ólst upp
í Connecticut í Bandaríkjunum.
Hann hafði búið um skeið á Spáni
þar sem hann hafði kvænst, eignast
fjögur börn og síðan yfirgefið þau.
Í síðari heimsstyrjöldinni hafði
Fernandez starfað um stutt skeið
hjá bresku leyniþjónustunni, en
hlaut árið 1945 höfuðáverka sem
talið er að hafi gert óstöðugt geðs-
lag enn óstöðugra.
Fernandez hóf að kynna sér
svartagaldur og fullyrti að hann
hefði ómótstæðilegt vald yfir kon-
um. Á næstu árum er talið að
hann hafi smeygt sér inn í líf fjölda
kvenna, hvort sem um var að ræða
hjarta þeirra, heimili eða banka-
reikninga, og svindlað á þeim öll-
um.
Morð bætist við svik og pretti
Öll fórnarlamba Raymonds höfðu
verið valin úr smáauglýsingum frá
einmana fólki og það var með þeim
hætti sem hann komst í kynni við
Mörthu Seabrook árið 1947. Í sam-
einingu bættu þau morðum við
svik og pretti, sem annars höfðu
einkennt verklag Raymonds.
En öfgakenndar kröfur Mört-
hu um skilyrðislausa tryggð Ray-
monds ollu brátt miklum vanda-
málum í samskiptum hjúanna.
Martha átti til að ganga mjög langt
til að tryggja að ekkert yrði úr næt-
urleikjum og skemmtun Raymonds
og fórnarlambanna. Eitt sinn krafð-
ist Martha meira að segja þess að
sofa hjá einu fórnarlambanna til að
tryggja að Raymond gerði sér það
ekki að góðu.
En Raynond Fernandez var
fæddur flagari og það reyndist hæg-
ar ort en gert að stjórna honum og
stöðug hliðarspor hans vöktu brátt
til lífsins ofbeldi hjá Mörthu.
Raymond fær sér ástkonu
Í desember 1948 komst Raymond
Fernandez í kynni við Janet Fay,
66 ára ekkju frá New York. Eftir að
hafa haft af henni allt sparifé með
loforði um giftingu bauð Raym-
ond henni á heimili sitt, sem hann
deildi með „systur“ sinni. Þar var
ekki beðið boðanna og Janet var
barin og kyrkt og lík hennar síðar
grafið.
Ekki löngu síðar lögðu Ray-
mond og Martha land undir fót og
fóru til Michigan til að hitta næsta
fórnarlamb, Delphine Downing.
Downing var ung ekkja og móðir
tveggja ára stúlku.
Delphine Downing tók sér Ray-
mond sem elskhuga – Mörthu til
endalausrar reiði – og fluttu hann
og Martha inn á heimili Delphine
í Michigan.
Svefntöflur og drekking
Eitt sinn varð Delphine ör í skapi
og gaf Raymond henni svefntöfl-
ur til að róa hana. Grátur dóttur
Delphine fór svo mikið í taugarn-
ar á Mörthu að hún tók um háls
hennar, en kyrkti hana þó ekki.
Fernandez óttaðist að Delph-
ine fylltist grunsemdum ef hún
sæi áverkana á dóttur hennar og
skaut hana því til bana. Martha og
Raymond dvöldu í íbúð Delphine
Downing í nokkra daga, en enn og
aftur reiddist Martha vegna gráts
dóttur Delphine og viðhafði eng-
in vettlingatök en drekkti stúlk-
unni í baðkarinu. Skötuhjúin grófu
lík mæðgnanna í kjallaranum, en
tortryggnir nágrannar höfðu sam-
band við lögregluna, enda höfðu
þeir ekki séð Delphine og dóttur
hennar svo dögum skipti.
28. febrúar 1949 var bankað á
hurðina og fyrir utan stóð lögregl-
an.
Grunuð um tuttugu morð
Martha og Fernandez voru hand-
tekin fyrir morðin í Michigan, og
Fernandez játaði fljótt, enda stóð
hann í þeirri meiningu að þau yrðu
ekki framseld til New York, þar sem
dauðarefsing var lögleg, andstætt
því sem var í Michigan.
Mikil var undrun hans þegar
þau voru framseld til New York.
Martha og Raymond viðurkenndu
morðið á Janet Fay, en neituðu sök
í sautján öðrum morðum sem þau
voru grunuð um.
Réttarhöldin vöktu þó nokkra
athygli, ekki vegna morðanna
sjálfra heldur vegna stöðugs leka
frá Mörthu til fjölmiðla þar sem
hún lýsti í nokkrum smáatriðum
afrekum hennar og Raymonds á
kynlífssviðinu.
Þrátt fyrir að einhverjar efa-
semdir væru um geðheilsu Ray-
monds Fernandez voru þau bæði
sakfelld fyrir morðin og enduðu
ævina í rafmagnsstólnum í Sing
Sing-fangelsinu 8. mars 1951.
uMsjón: koLbeinn Þorsteinsson, kolbeinn@dv.is
Raymond og
Martha njóta lífsins
á ljúfri stund.
Blaðaúrklippa enduðu
ævina í rafmagnsstólnum
í sing sing.