Dagblaðið Vísir - DV - 09.11.2009, Side 10

10 mánudagur 9. nóvember 2009 fréttir
Öllum nema einum slökkviliðs-
manni hjá Slökkviliði Þorlákshafn-
ar hefur verið boðin endurráðning
hjá embættinu. Þessum eina, Bjarna
Ingimarssyni, var tilkynnt formlega
að hann væri ekki velkominn aftur.
Bjarni stóð áður í harðvítugum
deilum við fyrrverandi yfirmann
sinn, slökkviliðsstjóra Brunavarna
Árnessýslu, Kristján Einarsson, sem
lyktaði með því að hann sagði starfi
sínu lausu og réð sig hjá nágranna-
slökkviliðinu í Þorlákshöfn. Nokkru
síðar kom í ljós að til að samræma
samninga slökkviliðsmanna hjá
embættinu við kjarasamninga þurfti
að segja þeim öllum upp og við það
tækifæri var tilkynnt að allir yrðu
endurráðnir. Bjarna hefur hins veg-
ar verið tilkynnt að hann sé ekki
velkominn á meðan öllum starfs-
félögum hans stendur endurráðn-
ing til boða. Hins vegar hafa fram
til þessa aðeins tveir þeirra, af tut-
tugu slökkviliðsmönnum, óskað eftir
endurráðningu.
Fylgjast með
Bjarni hefur leitað liðsinnis hjá
Landssambandi slökkviliðs- og
sjúkraflutningamanna og þar á bæ
er málið í ferli. Sambandið hefur
óskað eftir skýrum svörum hvers
vegna Bjarna sé ekki boðin endur-
ráðning, líkt og lofað hafi verið þegar
slökkviliðsmönnunum var sagt upp.
Að öðru leyti vildu talsmenn sam-
bandsins ekki ræða málið fyrr en
skýr svör liggja fyrir.
Björn Karlsson brunamálastjóri
fylgist einnig grannt með málinu og
þar hafa menn þungar áhyggjur af
gangi mála. Hann segir stofnunina
ekki koma til með að hafa afskipti
af málinu að svo stöddu. „Stofnun-
in fylgist að sjálfsögðu ákaflega vel
með þessu máli. Við lítum alvar-
lega á slíkar deilur sem eru uppi og
fylgjumst náið með málinu. Við höf-
um hins vegar sjaldan haft afskipti
af starfsmannamálum einstakra fé-
laga,“ segir Björn.
Mátti ekki ráða
Ólafur Áki Ragnarsson, bæjarstjóri
Sveitarfélagsins Ölfuss, staðfestir að
Bjarna hafi verið tilkynnt með bréfi
að honum stæði endurráðning ekki
til boða. Hann hafnar því að mál-
ið tengist fyrri deilum slökkviliðs-
mannsins. „Þetta er ekki flókið mál.
Ég vissi ekki að viðkomandi slökkvi-
liðsmaður hefði verið ráðinn en sú
ráðning stríðir gegn fjárhagsáætlun
sveitarfélagsins. Áætlunin gerir ráð
fyrir að engar breytingar verði gerðar
á starfsmannahaldi en síðar er við-
komandi ráðinn. Ég benti einfald-
lega slökkviliðsstjóranum á að þetta
samræmist ekki okkar samþykktum
og því hafi hann verið ráðinn eftir
röngum leiðum,“ segir Ólafur Áki.
Kristján slökkviliðsstjóri hlær
er blaðamaður DV ber það undir
hann hvort brottvísun Bjarna teng-
ist fyrri deilum þeirra. „Ég hef ekk-
ert með þetta mál að gera og beitti
ekki nokkrum þrýstingi. Ég var bú-
inn að heyra orðróm af því að Bjarni
yrði ekki endurráðinn og að mér
yrði örugglega kennt um það. Nú er
það að koma í ljós. Bjarni er hörku
slökkviliðsmaður sem valdi það
sjálfur að hætta hjá okkur en sams-
æriskenning um að ég hafi komið
þarna nálægt er útilokuð. Þó svo að
mig langaði til þess beitti ég engum
þrýstingi, ég fell ekki í þann brunn.
Ég veit ekkert hvað þeir hjá Þorláks-
höfn eru að hugsa hverju sinni,“ seg-
ir Kristján.
trausti@dv.is
Einum af tuttugu slökkviliðsmönnum hjá Slökkviliði Þorlákshafnar hefur verið tilkynnt
að hann sé ekki lengur velkominn til starfa. Sá hinn sami átti áður í deilum við Kristján
Einarsson, slökkviliðsstjóra Brunavarna Árnessýslu, sem útilokar að hafa beitt þrýst-
ingi til þess að viðkomandi slökkviliðsmaður yrði ekki endurráðinn. Það vekur athygli
að einungis tveir af þessum tuttugu hafa þegið endurráðningu hjá embættinu.
EINN SKILINN
ÚT UNDAN
„Ég var búinn að
heyra orðróm af því
að Bjarni yrði ekki
endurráðinn og að
mér yrði örugglega
kennt um það.“
TrausTi haFsTeinsson
blaðamaður skrifar: trausti@dv.is
heitar deilur Bjarni hefur átt í
deilum við slökkviliðsstjóra og nú
hefur hann verið settur út í kuldann.
Um 300 Suðurnesjamenn, karlar og
konur, tóku þátt í Keflavíkurgöngu til
þess að þrýsta á stjórnvöld að hamla
ekki atvinnuuppbyggingu á Suður-
nesjum sem hafa farið sérlega illa út úr
þeim efnahagslegu þrengingum sem
nú ganga yfir þjóðina. Göngunni lauk
með samstöðufundi við Kúagerði þar
sem Páll Pálsson, forsvarsmaður Virkj-
unar fyrir atvinnulausa, ávarpaði fund-
inn.
Þingmenn frá flestum flokkum
mættu á svæðið, meðal annars for-
maður Sjálfstæðisflokksins Bjarni
Benediktsson, Katrín Júlíusdóttir iðn-
aðarráðherra og Ögmundur Jónasson,
fyrrverandi heilbrigðisráðherra. Þeim
var afhent áskorun frá þverpólitískum
undirbúningshópi göngunnar þar sem
ráðamenn eru hvattir til að ganga í takt
við ástandið á Reykjanesi, en þar ganga
nú um 1.600 manns atvinnulausir.
„Atvinnulíf á Suðurnesjum hefur
orðið fyrir verulegum áföllum á und-
anförnum árum. Skammt er síðan níu
hundruð íslensk störf töpuðust fyrir-
varalaust við brotthvarf varnarliðsins.
Störf í sjávarútvegi hafa dregist veru-
lega saman og byggingariðnaður er
lítill sem enginn um þessar mundir,“
segir í yfirlýsingunni. „Suðurnesja-
menn hafa samt ekki gefist upp. Á síð-
ustu árum hafa fjölmörg verkefni verið
í undirbúningi sem geta á næstu vikum
og mánuðum skilað þúsundum manna
betur launuðum störfum og stóraukið
gjaldeyristekjur fyrir þjóðina.“
Álver í Helguvík, Kísilver í Helgu-
vík, gagnaver, Keilir, heilsutengd ferða-
þjónusta að Ásbrú og tónlistarverk-
efnið Hljómahöll í Reykjanesbæ eru
meðal þeirra verkefna sem sögð eru
mikilvægust um þessar mundir og þess
krafist að hafist verði handa við þessi
verkefni strax því þau muni skila störf-
um innan fárra vikna.
„Krafa okkar er að stjórnvöld standi
ekki í vegi þessara verkefna.“
Blásið til Keflavíkurgöngu til stuðnings atvinnulífinu:
Neita að gefast upp
Kannin í broddi fylkingar Einar Bárðar-
son, oft nefndur umboðsmaður Íslands og
útvarpsstjóri á Kananum, var framarlega í
Keflavíkurgöngunni í gær þar sem úrbóta
var krafist í atvinnulífinu á Suðurnesjum.
Sprotafyrirtæki
fái 1,5 milljarða
Samkvæmt frumvarpi sem Stein-
grímur J. Sigfússon fjármálaráð-
herra hefur lagt fram á Alþingi
eiga nýsköpunarfyrirtæki að fá
styrki í gegnum skattkerfið og að
fjárfesting í hlutabréfum fyrir-
tækjanna megi draga frá skatt-
skyldum tekjum að því er fram
kemur á vef Ríkisútvarpsins. Fjár-
málaráðuneytið áætlar að að-
stoðin nemi um 1.500 milljónum
króna á ári en frumvarpið hefur
farið í gegnum fyrstu umræðu á
þingi. Í frumvarpinu er heimild
fyrir að nýsköpunarfyrirtæki, sem
hljóta viðurkenningu RANN-
ÍS sem slík, fái endurgreiðslu á
hluta af rannsóknar- og þróunar-
kostnaði.
Eldur í potti í
eldhúsi
Slökkviliðið á höfuðborgarsvæð-
inu var kallað út vegna reyks sem
lagði frá íbúð í Álfatúni í Kópavogi
á sjötta tímanum á laugardag. Í
ljós kom að húsráðendur, sem
voru ekki heima, höfðu gleymt
potti á eldavél og lagði reykinn frá
pottinum. Slökkviliðið reykræsti
íbúðina og er talið að skemmdir
hafi verið minniháttar.
Skutu friðaða
fugla
Lögreglan á höfuðborgarsvæð-
inu lagði hald á tvær haglabyss-
ur og nokkra æðarfugla sem
tveir menn skutu í Hvalfirði á
laugardag. Málið var tilkynnt til
lögreglu rétt eftir klukkan fjögur
og höfðu mennirnir verið á báti
í Hvalfirði þar sem þeir voru við
veiðar. Þegar lögreglu bar að
garði voru mennirnir komnir
í land með fuglana. Æðarfugl-
ar eru friðaðir og hafa verið allt
frá árinu 1847. Að sögn lögreglu
gáfu mennirnir engar skýringar á
þessum gjörðum sínum en þeir
mega búast við kæru vegna máls-
ins. Þeir eru báðir á þrítugsaldri.