Dagblaðið Vísir - DV - 06.01.2010, Blaðsíða 17
FRÉTTIR 6. janúar 2010 MIÐVIKUDAGUR 17
Frakkar dansa
til morguns
Skemmtanaglaðir Frakkar geta nú
slett ærlega úr klaufunum því stjórn-
völd hafa veitt dansstöðum leyfi til
að hafa opið til klukkan sjö á morgn-
ana. Með því vilja stjórnvöld eyða
orðspori Frakklands sem „leiðinleg-
asta landi Evrópu“, en næturhrafnar
þar hafa löngum kvartað yfir því að
skemmtistöðum sé lokað þar löngu
fyrr en tíðkast í nágrannalöndunum.
Að sögn ráðamanna er markmið-
ið með leyfinu að samræma lokun-
artíma víða um land, sem hingað til
hefur verið ákveðinn af yfirvöldum á
hverjum stað fyrir sig, og færa lokun-
artíma nær því sem tíðkast í öðrum
Evrópulöndum.
Sandur í stað salts
Vegna hins harða veturs sem frænd-
ur vorir Danir hafa búið við und-
anfarið er verulega farið að sjá á
saltbirgðum landsins og þrír stærstu
saltframleiðendur landsins hafa tek-
ið upp skömmtun svo allir fái eitt-
hvað. Nú þegar er víða farið að for-
gangsraða vegum til söltunar.
Ef vetrarhörkur verða áfram í
Danmörku er hætt við að Danir
neyðist til að undirbúa sig fyrir hálku
á vegum. Í sumum bæjarfélögum
hafa yfirvöld gripið til þess ráðs að
nota sand í staðinn fyrir hið dýr-
mæta salt sem að öllu óbreyttu verð-
ur með öllu uppurið innan nokkurra
vikna.
Fimm nýir heimar
Keppler-geimsjónaukinn sem fer
um geiminn í leit að plánetum, í
líkingu við jörðina, sem eru á spor-
braut um fjarlægar stjörnur gerði
sína fyrstu merku uppgötvun þegar
hann fann fimm nýja heima utan
sólkerfis okkar.
Pláneturnar sem Keppler fann
eru mun stærri en jörðin, svipaðar
að stærð og Júpíter og Neptúnus, og
liggja allar tiltölulega nærri móður-
stjörnum sínum. Nálægðin gerir að
verkum að þær eru of heitar til að á
þeim þrífist nokkurt líf. Engu að síð-
ur er uppgötvunin talin stórt skref í
rétta átt í leitinni að heimi í líkingu
við jörðina.
Notkun „nektarskanna“ sem í bí-
gerð er á breskum flugvöllum kann
að ganga í bága við barnaverndar-
lög sem banna tilbúning ósæmi-
legra mynda af börnum. Baráttu-
menn fyrir vernd einkalífsins
fullyrða að þær myndir sem verða
til með notkun skannanna séu svo
skýrar að nánast sé um að ræða
„sýndarnektarlíkamsleit“, og hafa
þeir krafist takmarkana á notkun
skannanna til að vernda einka-
líf þeirra farþega sem sæta slíkri
skönnun.
Ríkisstjórn Bretlands stend-
ur því hugsanlega frammi fyrir
tveimur valkostum, annars vegar
að gera undantekningu á notkun
skannanna á einstaklingum undir
átján ára aldri eða fresta gildistöku
laga sem heimila notkun þeirra og
þannig tryggja að starfsfólk flug-
valla brjóti ekki af sér gagnvart
lögum sem taka til barnakláms og
-verndar.
Þess er einnig krafist af bar-
áttusamtökum fyrir vernd einka-
lífsins að tryggt verði að myndir
úr skönnunum, til dæmis af frægu
fólki, endi ekki á netinu. Nú þegar
hefur samgönguráðuneytið viður-
kennt að spurningin um „barna-
klám“ sé á meðal þeirra sem leit-
að er lausnar á í þinginu, eftir að
Gordon Brown forsætisráðherra
tilkynnti á sunnudaginn um vilja
sinn til að skannarnir yrðu tekn-
ir jafnt og þétt í notkun á öllum
breskum flugvöllum.
Skannarnir, sem sýna farþega
nánast nakta, kynfæri og brjósta-
stækkanir, voru fyrst teknir í notk-
un, til reynslu, á flugvellinum í
Manchester eftir að veitt hafði ver-
ið undanþága gagnvart farþegum
undir átján ára aldri. Ákvörðun
um undanþáguna var tekin í kjöl-
far viðvörunar frá Terry Dowty hjá
Action for Rights of Children, sam-
tökum um réttindi barna. Dowty
varaði við því að notkun skann-
anna kynni að brjóta gegn barna-
verndarlögum frá 1978 þar sem
kveðið er á um að bannað sé að
búa til ósiðlega mynd eða „óekta
mynd“ af slíkum toga af barni.
Nektarskanni í notkun Gagnrýnend-
ur segja notkun hans ganga í bága við
friðhelgi einkalífsins. MYND: AFP
Ýmsar hindranir gegn notkun „nektarskanna“ í Bretlandi:
Gengur gegn barnaverndarlögum
Fullyrðingar um að fyrrverandi
fangar Bandaríkjamanna í Gvant-
anamó á Kúbu gangi í raðir al-
Kaída á ný eru ekki nýjar af nál-
inni. Að sögn breska dagblaðsins
The Times hafa að minnsta kosti
tólf fyrrverandi fangar gengið til
liðs við hryðjuverkasamtökin og
veldur það miklum áhyggjum á
Bretlandi ekki síst vegna þess að
mögulega munu Bretar taka við
um eitt hundrað fyrrverandi föng-
um frá Gvantanamó.
Flestir fanga frá Jemen
Talið er nokkuð víst að Banda-
ríkjastjórn takist ekki að standa
við loforð um að loka fangabúð-
unum þann 22. janúar, en stærstur
hluti þeirra 198 fanga sem enn eru
þar er frá Jemen, eða 91 talsins. Í
desember snéru sex Jemenar til
síns heima frá Gvantanamó og eft-
ir misheppnað sprengjutilræði yfir
Detroit um jólin óttast bandarísk
stjórnvöld að Jemen sé að verða
hreiður hryðjuverkamanna.
Ellefu þeirra fyrrverandi fanga
frá Gvantanamó sem vitað er að
hafi gengið í raðir al-Kaída á ný
fæddust í Sádi-Arabíu, en samtök-
in sameinuðu þarlenda og jem-
enska starfsemi sína á síðasta ári.
Líkist Afganistan
Að mati fjölda sérfræðinga er Jem-
en vel til þess fallið að verða grið-
land hryðjuverkamanna því lands-
lag þar líkist landslagi í Afganistan.
Í Jemen er landslagið fjöllótt, þar
er mikil fátækt og samfélagið ein-
kennist af ættbálkum sem lúta
fáum lögum.
Í síðustu viku upplýstu jemensk
stjórnvöld að Hani Abdo Shaalan,
Jemena sem var drepinn í loftárás
17. desember, hefði verið sleppt
úr fangabúðunum á Gvantanamó
árið 2007. Næstráðandi stjórnanda
al-Kaída í Jemen er Said Ali al-Shi-
hri og var honum einnig sleppt úr
fangabúðunum árið 2007. Einnig
má geta þess að Ibrahim Suleim-
an al-Rubaish, sem er áberandi
hugmyndafræðingur á jemensk-
um al-Kaída-vefsíðum, var sleppt
árið 2006.
Sendiráðum lokað
og þau opnuð á ný
Utanríkisráðherra Bandaríkjanna,
Hillary Clinton, hefur undanfarið
viðrað áhyggjur sínar vegna vax-
andi styrks al-Kaída-samtakanna í
Jemen og segist sjá viðvarandi við-
leitni samtakanna til að nýta land-
ið sem miðstöð til árása á skot-
mörk langt utan svæðisins.
Bandaríkjamenn brugðu á það
ráð eftir að hafa fengið hótan-
ir um yfirvofandi hryðjuverk að
loka sendiráði landsins í Jemen, og
fylgdu nokkur vestræn ríki fordæmi
þeirra. Á mánudaginn fullyrtu jem-
ensk stjórnvöld að þeir liðsmenn
al-Kaída sem stóðu að hótunun-
um hefðu verið vegnir og í gær var
sendiráð Bandaríkjanna opnað á
ný eftir tveggja daga lokun.
Fyrrverandi fangar frá Gvantanamó hafa gengið til liðs við al-Kaída, að sögn breska
blaðsins The Times. Þetta gerist á sama tíma og Bandaríkjastjórn áformar að loka
Gvantanamó. Ljóst þykir hins vegar að það tekst ekki í þessum mánuði eins og
stefnt hafði verið að.
AL-KAÍDA Í JEMEN
FÆR LIÐSSTYRK
Jemenskir hermenn Gæsla við
vestræn sendiráð hefur verið hert
vegna hótana al-Kaída. MYND: AFP
KOLBEINN ÞORSTEINSSON
blaðamaður skrifar: kolbeinn@dv.is