Dagblaðið Vísir - DV - 01.11.2010, Blaðsíða 13

Til stendur að loka sambýlinu að Mýr-
arási 2 um áramótin og er það Svæð-
isskrifstofa málefna fatlaðra í Reykja-
vík sem stendur að þeirri ákvörðun.
Á heimilinu búa þrír þroskahaml-
aðir, fullorðnir einstaklingar sem
eiga einnig við geðræn vandamál
að stríða. Þar búa þó venjulega fjór-
ir en einn heimilsmaður lést í sum-
ar. Lokunin er mikið áfall bæði fyrir
íbúa heimilisins og starfsfólkið. Mik-
il óvissa fylgir ákvörðuninni enda er
ekki ljóst hvert íbúarnir verða fluttir
þegar þar að kemur. Ekkert samráð
var haft við íbúana eða aðstandend-
ur þeirra áður en ákvörðun um lokun
var tekin, en boðað var til fundar með
þeim þar sem ákvörðunin var kynnt
og fékkst henni ekki hnikað þrátt fyrir
mótbárur.
Gerður Árnadóttir, formaður
Landssamtakanna Þroskahjálpar,
segir slíka ákvörðun Svæðisskrifstofu
fatlaðra stangast á við lög um málefni
fatlaðra. Í lögunum er kveðið á um að
ákvörðun um búsetu fatlaðra einstakl-
inga skuli tekin í samráði við einstakl-
ingana sjálfa og aðstandendur þeirra.
„Það er ótrúlegt að slík þjónustustofn-
un, sem ber að fara eftir lögum, ber
að virða sjálfræði fólks og grundvallar
mannréttindi, skuli vinna svona,“ segir
Gerður sem lítur á það sem grundvall-
ar mannréttindi fólks að fá að búa í ör-
yggi á sínu eigin heimili. „Þetta er bara
ill meðferð á fullorðnu fólki.“
Lítill áhugi á frelsi hins
fatlaða manns
Öllu starfsfólki hefur verið sagt upp á
Mýrarási 2 og mun það hætta þegar
heimilinu verður lokað um áramót-
in. Það er því ljóst að starfsfólkið mun
ekki koma til með að fylgja íbúum
Mýraráss á ný heimili og Gerður segir
það ennþá alvarlegra. „Starfsfólkið er
oft akkeri í lífi þessa fólks, þekkir þarfir
þeirra og dynti og getur átt góð sam-
skipti við það.“
Gerður bendir á að fólk með
þroskahömlun eigi sérstaklega erf-
itt með að aðlaga sig að nýjum að-
stæðum og að það sé hluti af fötlun
þeirra. Hún segir að svona rask gegn
vilja fólks valdi alltaf vanlíðan, bæði
hjá fötluðum og ófötluðum en að full-
orðið þroskahamlað fólk sé einn við-
kvæmasti hópurinn af öllum.
„Það hefur ekki verð pólitískur vilji
fyrir því að fatlað fólk búi við eðlileg
lífskjör,“ segir Gerður og bendir á að
pólitískur vilji felist í fjármagni, sem
hefur skort síðastliðin ár. „Stjórn-
málaöfl sem mikið hafa talað um frelsi
mannsins til að gera allt mögulegt
hafa haft lítinn áhuga á frelsi hins fatl-
aða manns til að lifa eðlilegu lífi.“ Hún
segir það áhyggjuefni fyrir íslenskt
samfélag hvernig komið er fram við
fatlað fólk. Íbúar Mýraráss viti alveg
hvað sé í vændum og hafi skoðanir
á því og Gerður segir nauðsynlegt að
virða það.
Ekki í samræmi við samning
ríkis og sveitarfélaga
Að sögn Gerðar stóð til að loka tveimur
heimilum. Á hinu heimilinu býr ungt
fólk og ættingjar þeirra mótmæltu svo
harðlega að horfið var frá lokun. Þó
stendur til að selja húsnæðið sem hýs-
ir það heimili en Gerður segir það mál
hafa verið sett í eðlilegan farveg. „Það
er alveg eðlilegt að fólk flytji en slíkt
þarf að vinna í samráði við einstaklinga
sem eiga í hlut en ekki henda fólki til
eins og hveitipokum.“
Gerður telur að pressa hafi verið
sett á svæðisskrifstofuna um að fram-
kvæma sparnaðaraðgerðir þó það sé
ekki í samræmi við þann samning sem
gerður hafi verið á milli ríkis og sveit-
arfélaga. Til stendur að flytja málefni
fatlaðra yfir til sveitarfélaga árið 2011
og Gerður segir að samið hafi verið um
óbreytta þjónustu og aukið fjármagn til
málaflokksins við yfir færsluna. Þroska-
hjálp hefur sent fyrirspurn til heilbrigð-
isráðuneytisins varðandi þetta mál en
erfitt hefur reynst að fá skýr svör.
Ekki mannlegt að fara
svona með fólk
Hildur Þórisdóttir, forstöðuþroska-
þjálfi Mýraráss, er miður sín yfir
ástandinu. Hún segir að það eina sem
þau viti sé að heimilinu verði lokað
um áramótin en frekari upplýsingar
hafa ekki fengist frá Svæðisskrifstof-
unni. Nú sé starfsfólkið bara að berj-
ast við að halda haus fyrir íbúa heim-
ilisins. „Þetta er bara ógeð en svona er
þetta hérna,” segir Hildur sem á varla
nógu sterk orð til lýsa vanþóknun sinni
á ákvörðun Svæðisskrifstofu fatlaðra
í Reykjavík. Hún segir íbúa Mýraráss
þurfa stöðuga umönnun og þetta verði
þeim gríðarlega erfitt. Auðvitað komi
þau til með að jafna sig einhvern tíma,
en það sé hræðilegt að leggja slíkar
raunir á þessa einstaklinga. Heimilið
virðist ekki skipta neinu máli að mati
Hildar. „Það er fullyrt að þau fari á
sambærilegt eða betra heimili, en við
eigum eftir að fá að vita hvaða heimili
það eru og ég er ekkert viss um að þau
séu til.“ Hún segir ekkert hugsað um
mannlegu hliðina enda sé ekki mann-
legt að fara svona með fólk.
Hildur bendir á að nú sé október
liðinn og því aðeins tveir mánuðir eftir
af árinu og enn á eftir að finna fólkinu
samastað á nýjum heimilum. Starfs-
fólkið reynir að hlífa íbúunum eins og
hægt er, en vissulega liggur óvissan í
loftinu og það kemur niður á þeim.
Hún segir þetta ekkert annað en nú-
tíma hreppaflutninga.
Svæðisskrifstofan segist
fylgja verklagsreglum
Svæðisskrifstofa fatlaðra í Reykjavík
hefur birt yfirlýsingu á heimsíðu sinni
varðandi sambýlið að Mýrarási 2 þar
sem greint er frá ástæðum lokunar-
innar. Krafa hefur verið gerð um hag-
ræðingu í rekstri Svæðisskrifstofunnar
fyrir árið 2011, líkt til annarra stofnana
í þjónustu við fatlaða. Miðast hagræð-
ingin við 5 prósent niðurskurð.
Í yfirlýsingunni segir meðal annars:
„Breyting á rekstri viðkomandi sam-
býlis er hluti endurskipulagningarað-
gerða SSR og forsenda þess að aðrar
aðgerðir geti gengið eftir. Ákvörðun um
þessa aðgerð tengist því að hún snert-
ir fáa einstaklinga á sama tíma og þessi
þjónusta er mjög kostnaðarsöm vegna
aðstæðna. Hluti ákvörðunarinnar felst
í því að íbúum sambýlisins verður gert
tilboð um sambærilegar búsetuað-
stæður eða betri en þeir njóta í dag.“
Þá segir Svæðisskrifstofan að verk-
lagsreglum hafi verið fylgt við þessa
ákvarðanatöku: „Verklagi SSR var fylgt
þegar íbúum umrædds sambýlis voru
veittar upplýsingar um þá stöðu sem
komin var upp varðandi starfsemina.
Voru íbúarnir og aðstandendur þeirra
þeir fyrstu sem upplýstir voru um hvað
væri framundan fyrir utan þröngan
hóp stjórnenda.“
mánudagur 1. nóvember 2010 fréttir 13
Búseta aldraðra, þroskahamlaðra einstaklinga sem eiga við geðræn vandamál að stríða verður í uppnámi frá ára-
mótum, þegar sambýlinu að Mýrarási 2 verður lokað.
FÓLK FLUTT „EINS
OG HVEITIPOKAR“
SóLrún LiLja ragnarSdóttir
blaðamaður skrifar: solrun@dv.is
Starfsfólkið er oft akkeri þessa
fólks, þekkir þarfir þeirra
og dynti og getur átt góð
samskipti við það.
Smiðjuvegur 9 • 200 Kópavogur • Sími 535 4300 • Fax 535 4301
Netfang axis@axis.is • Heimasíða www.axis
• Margar viðartegundir og litir.
• Mikið úrval á lager - skammur afgreiðslufrestur
• Rennihurðir smíðaðar eftir máli
• Íslensk framleiðsla á góðu verði!

FATASKÁPADAGAR
75 Ára
1935-2010
m
ag
gi
@
12
og
3.
is
1
74
.0
22
Allar nánari
upplýsingar í síma
535 4300
1.– 7. NÓVEMBER!
Í tilefni af 75 ára afmæli AXIS
bjóðum við vandaða fataskápa
á sérstöku afmælisverði.
Opnunartími: Mánud.–föstud. 9–18 • Laugard. 10–16 • Sunnud. 11–16.
Mýrarás 2 Sambýlinuverðurlokaðumáramótinogekki
erljósthvaðverðurumíbúana,semallirerualdraðir,
þroskahamlaðireinstaklingar.
Sveinn Birkir
ritstjóri
Sveinn Birkir Björnsson hefur
verið ráðinn ritstjóri vefmiðils-
ins Eyjunnar. DV greindi frá því
í síðasta helgarblaði að honum
hefði verið boðið starfið. Sveinn
Birkir tekur við ritstjórastöð-
unni af Þorfinni Ómarssyni.
Sveinn Birkir er heimspeking-
ur að mennt en hefur einn-
ig stundað M.A.-nám í blaða-
mennsku við Háskóla Íslands.
Hann ritstýrði áður götublaðinu
Reykjavik Grapevine, en hefur
síðustu tvö ár numið þjóðfræði
við Háskólann í Lundi í Svíþjóð.
„Ég er spenntur að takast á við
þetta verkefni og mun byggja á
því góða starfi sem Þorfinnur og
aðrir forverar mínir í starfi hafa
unnið með vefinn.“