Dagblaðið Vísir - DV - 12.11.2010, Blaðsíða 50

50 tækni umsjón: páll svansson palli@dv.is 12. nóvember 2010 föstudagur
Kinect komið
microsoft setti Kinect á markað í vikunni
en með þessu áhugaverða jaðartæki
geta eigendur Xbox-leikjatölva nú
notað líkama sinn og handahreyfingar
í Xbox 360-leikjum sem samhæfðir eru
við þessa tækni. Kinect tengist gegnum
usB við leikjatölvuna og er ekki ólíkt
vefmyndavél ásýndar en tækið notar
þrjár linsur til að skynja líkamsstöðu og
getur greint um 48 mismunandi punkta
á líkamanum, þar á meðal 20 liðamót.
Kinect notar sérstaka andlitsgreiningu til
að aðskilja notendur og tengja þá beint
við Xbox Live-þjónustuna. Kinect er að
auki búið næmum hljóðnema sem gerir
kleift að eiga raddsamskipti við tækið
auk þess að opna fyrir myndspjalls-
möguleika milli notenda.
Facebook
Zero
Það eru fjórir mánuðir síðan Face-
book tilkynnti að yfir 500 milljónir
notenda væru nú skráðir í þjónustu
samskiptasíðunnar vinsælu. Hins
vegar blasir við að aukning notenda
héðan í frá verði töluvert hægari
en áður þar sem sóknarfæri er nú
helst að finna í þróunarlöndunum
svokölluðu. Afríka er sem dæmi
gífurlega stór markaður en á móti er
almenn tölvueign með minnsta móti
í ríkjum álfunnar. Facebook hyggst
nú mæta þessum þröskuldi með því
að einbeita sér að „mobile”-útgáfu
samskiptasíðunnar eða Facebook
Zero sem er sérsniðin fyrir þá far- og
snjallsíma sem geta tengst við netið.
Facebook Zero er án mynda og mun
léttari og einfaldari í allri notkun.
Gagnamagn meðan á tengingu við
síðuna stendur er því aðeins brot af
því sem áður var og síðan því mun
vænlegri kostur fyrir íbúa fátækari
ríkja heimsins.
html 5 í stað
Flash
Apple-fyrirtækið hefur um langt skeið
gagnrýnt Flash-spilarann frá Adobe
og segir Flash-tæknina uppfulla af
öryggisholum auk þess sem hún noti
óeðlilega mikinn hluta af örgjörvaafli
tölva. Fyrirtækið tilkynnti í vikunni
að notendur ýmissa forrita frá Apple
þyrftu héðan í frá að sækja Flash-spil-
arann sjálfir og innsetja en hingað til
hefur hann fylgt með. Apple hefur
ötullega kynnt möguleika hins nýja html
5-veftungumáls til að taka við af Flash en
myndskeiðsvefsíður eins og YouTube og
Vimeo bjóða nú upp á hluta af efni sínu
með þessum hætti, meðal annars fyrir
hina vinsælu iPad-snertitölvu frá Apple.
Sjálfsagt er netvafrinn eitt mest not-
aða forrit í heiminum í dag, við les-
um fréttir, blogg, förum á Facebook
eða Twitter, sumir nota vafrann til að
skoða póstinn sinn og öll nýtum við
hann til margvíslegra verkefna í viku
hverri, hvort sem það er til að fletta
upp símanúmeri eða skoða fyndið
You Tube myndskeið.
lítið breyst
Grunnhugmynd vafrans hefur lítið
breyst í gegnum árin, einn gluggi sem
sýnir þá vefsíðu sem er í forgrunni,
aðrar í flipum sem hægt er að smella
í til að kalla þær fram. Framleiðend-
ur vinsælustu vafranna hafa hingað til
lagt mestu áhersluna á hraða, viðmót
og öryggi en látið aðra síðan um að
þróa viðbætur (plugins) sem uppfylla
að einhverju leyti hinar margvíslegu
og ólíku þarfir notenda.
sérhæfðir vafrar
Sérhæfðir vafrar fóru að líta dagsins
ljós strax á fyrri hluta tíunda áratugar-
ins en enduðu flestir annaðhvort sem
viðbætur við stóru vafrana eða logn-
uðust út af eftir stuttan tíma vegna
þess að ekki tókst að halda í við kröfur
sem gerðar voru til þeirra þegar á leið.
Síðan þá hafa reglulega sprottið upp
áhugaverðir vafrar, ekki síst Flock árið
2007, þróendur þessa vafra virðast
hafa séð fyrir þá miklu byltingu sem í
vændum var á sviði netsamskipta en
fyrir utan það að vera hefðbundinn
netvafri býður Flock upp á sérstaka
samhæfni við hinar ýmsu þjónustur
á vefnum. Má þar sem dæmi nefna
Facebook, Twitter, Myspace, flickr og
Gmail.
Mikið lof en minni vinsældir
Flock fékk strax í byrjun mikið lof
og hlaut meðal annars hin eftirsóttu
Webby-verðlaun árið 2008 í flokki
vefsamskipta (Social Networking)
en þess má geta að Facebook var
á meðal annarra tilnefnt í þessum
flokki. Í mars 2008 höfðu þrjár millj-
ónir manna sótt vafrann sem var um
135 prósent aukning á aðeins tveim-
ur mánuðum. En þrátt fyrir lof og
viður kenningar hefur Flock aldrei náð
verulegum vinsældum og fæstir kann-
ast jafnvel við nafn vafrans! Mikil þró-
un hefur átt sér stað á Flock í ár, vafr-
inn sem áður keyrði á Gecko-vélinni
líkt og Firefox er nú kominn í útgáfu 3
og hefur skipt yfir í Chromium líkt og
Chrome frá Google keyrir á. Útgáfu
3 er þegar hægt að sækja fyrir Wind-
ows og Linux en Mac-útgáfunnar er að
vænta í byrjun desember.
Rockmelt
Flock er ekki eini vafrinn sem sérhæfir
sig við vefþjónustur, á næstunni kem-
ur á markað Rockmelt-vafrinn sem
eins og Flock keyrir á Chromium. Að
baki Rockmelt stendur valinkunnur
hópur fyrrverandi starfsmanna fyr-
irtækja eins og Apple, Google, Fac-
ebook og Netscape sem hafa þá sýn
að vafri dagsins í dag eigi að snúast
um meira en að fletta á milli vefsíðna.
Líkt og Flock gerir viðmót Rockmelt
notendum meðal annars kleift að
hafa hinar ýmsu þjónustur við hönd-
ina, fylgjast með stöðuuppfærslum á
Face book eða deila með einum smelli
áhugaverðum tengli yfir til Twitter.
Tvö ár í þróun
Rockmelt mun einnig bjóða upp á
nýtt viðmót fyrir vefleit og, að sögn
fyrirtækisins, auðvelda notendum að
finna rétta niðurstöðu á skemmri tíma
en áður hefur þekkst. Rockmelt hefur
verið um tvö ár í þróun og er nú í beta-
prófun meðal valins hóps. Innan tíð-
ar verður síðan hægt að sækja þennan
áhugaverða vafra fyrir Mac- og Wind-
ows-notendur.
viðmót og eiginleikar
Talið er að um 20 prósent allrar net-
umferðar í dag komi til vegna stöðu-
uppfærslna á Facebook. Þegar við
teljum síðan saman aðrar vinsælar
þjónustur eins og Twitter, Gmail, flickr
og YouTube er ljóst að hlutfallið verð-
ur töluvert hærra og rökrétt að viðmót
og eiginleikar netvafra taki tillit til þess
að einhverju marki. Það eru því fram-
undan áhugaverðir tímar í þróun net-
vafra. Íhaldssemi almennings er þó
mikil á þessu sviði og fyrir marga virð-
ist mjög erfitt að skipta yfir í annan
vafra og tileinka sér þær nýjungar sem
þeim fylgja.
Talið er að um 20 prósent allrar netumferðar í dag komi til vegna stöðuuppfærslna á
Facebook. Það er því ekki að undra að hinn hefðbundni netvafri muni á marga vegu
samlagast þeirri byltingu sem átt hefur sér stað á síðustu tveimur árum í netheimum.
netvafrar
á tí a ótum
Flock Er nú kominn í útgáfu 3 og keyrir nú á Cromium eins og Chrome frá Google.
Rockmelt-vafrinn Hefur verið tvö ár í þróun og ætti að koma fyrir almenningssjónir
áður en langt um líður.