Dagblaðið Vísir - DV - 15.12.2010, Qupperneq 11

Fréttir | 11Miðvikudagur 15. desember 2010
MENNINGARSJÓÐUR ÚTVARPSSTÖÐVA
Hverfisgötu 54, 101 Reykjavík
Sími: 6636245
Netfang: menningarsjodur@internet.is

Menningarsjóður útvarpsstöðva auglýsir

Hlutverk Menningarsjóðs útvarpsstöðva er að veita styrki til eflingar innlendri dagskrárgerð
fyrir hljóðvarp og sjónvarp, þeirri er verða má til menningarauka og fræðslu, sbr. reglugerð
um Menningarsjóð útvarpsstöðva dags. 11. febrúar 1986 með síðari breytingum.

Stjórn sjóðsins auglýsir hér með eftir umsóknum um styrki úr sjóðnum. Þetta er lokaúthlutun
sjóðsins og verður hann lagður niður að henni lokinni.

Stjórn sjóðsins er skipuð af mennta- og menningarmálaráðuneytinu og annast úthlutun. Í
henni sitja Laufey Guðjónsdóttir, formaður, Lovísa Óladóttir og Þorbjörn Broddason en
starfsmaður er Reynir Berg Þorvaldsson. Stefnt er á að ákvarðanir um styrki liggi fyrir í lok
febrúar 2011.

Í umsóknum skulu eftirfarandi upplýsingar koma fram:

1. Nafn umsækjanda, kennitala og heimilisfang, ásamt upplýsingum um aðstandendur
verkefnis og samstarfsaðila og skriflegum staðfestingum allra aðila um þátttöku í
verkefninu.
2. Handrit eða nákvæm lýsing verkefnis og greinargerð umsækjanda um verkefnið.
3. Fjárhæð styrks sem sótt er um.
4. Kostnaðar- og fjárstreymisáætlun.
5. Skriflegir samningar eða önnur staðfesting um fjármögnun eða fjármögnunaráætlun
auk tæmandi upplýsinga um aðra styrki sem sótt hefur verið um og/eða verkefnið
hefur fengið.
6. Nákvæm áætlun um framvindu verkefnis og greinargerð um það til hvaða verkþátta
sótt er um styrk til.
7. Upplýsingar um alla gerða eða fyrirhugaða framleiðslusamninga og áætlun um
tekjuskiptingu eftir því sem við á.
8. Markaðs- og kynningaráætlun.
9. Upplýsingar um framleiðslufyrirtæki.
10. Yfirlýsing sjónvarps- eða útvarpsstöðvar um að fyrirhugað sé að taka dagskrárefni,
sem sótt er um styrk til, á dagskrá.

Upplýsingar um úthlutunarreglur, skilyrði og umsóknargögn má nálgast í gegnum netfangið
menningarsjodur@internet.is eða í síma 6636245.

Frestur til að skila inn umsóknum í sjóðinn hefur verið framlengdur til 7. janúar nk.
Umsóknum og öllum fylgigögnum ber að skila í þríriti til Menningarsjóðs útvarpsstöðva,
Hverfisgötu 54, 101 Reykjavík. Með umsókn skal skila þar til gerðum eyðublöðum sem fást
afhent á sama stað eða í gegnum netfangið menningarsjodur@internet.is.

Samstarf og samráð innan stjórnsýsl-
unnar virðist hafa orðið undir við inn-
leiðingu nýskipunar í ríkisrekstri á
undanförnum árum, stundum með
afdrifaríkum afleiðingum. Þetta er mat
nefndar sem skilað hefur skýrslu og til-
lögum um breytingar á starfsháttum
stjórnarráðsins. Þar er einnig átt við
starfshætti ríkisstjórnarinnar.
Jóhanna Sigurðardóttir forsætisráð-
herra er hlynnt róttækum breytingum
á stjórnarráðinu, en með því er átt við
ráðuneytin og stofnanir þess.
Fram kemur í skýrslunni að á und-
anförnum aldarfjórðungi hafi rík
áhersla verið lögð á valddreifingu í
tengslum við nýskipan í ríkisrekstri.
Þessi nýskipan hefur sætt vaxandi
gagnrýni á undanförnum árum, ekki
síst vegna þess að margar þeirra breyt-
inga sem gerðar voru í nafni NPM (New
Public Management) voru innleidd-
ar án þess að gæta að ýmsum þátt-
um. „Nýlegar úttektir OECD á stjórn-
sýslu Finna, Íra og Eistlendinga benda
til þess að æ fleiri lönd séu að átta sig
á þessum veikleikum NPM og að rík-
ur vilji sé til að taka á þeim vanda sem
upp er kominn vegna skorts á samráði
og samstarfi innan opinbera kerfisins,“
segir í skýrslunni.
Innbyggðar hömlur gegn sam-
starfi
Stjórnsýslan hér á landi byggist með-
al annars á miklu sjálfstæði ráðuneyta
og litlum afskiptum ráðherra af verk-
sviði hvers annars. Þetta endurspeglast
meðal annars í viðtölum sem nefnd-
in tók við embættismenn og ráðherra.
Fram kom í máli þeirra að samstarf
þvert á ráðuneyti væri í sumum tilvik-
um viðkvæmt mál vegna mikils sjálf-
stæðis ráðherra. Það skapaði að sínu
leyti óvissu fyrir starfsmenn um hversu
langt þeir gætu gengið í samstarfi við
önnur ráðuneyti. Nefndin telur því
nokkuð ljóst að slíkt samstarf verði
veikburða og gagnslítið nema til komi
afdráttarlaus leiðsögn ráðherranna eða
ráðuneytisstjóra um nánara samstarf.
Nefndin gerir í skýrslu sinni starf
samráðshóps um fjármálastöðugleika
að umtalsefni í þessu sambandi. Þrátt
fyrir allnokkra fundi og haldgóða vitn-
eskju um alvarlega stöðu bankanna
mánuðum og jafnvel misserum áður
en þeir féllu virtist lítið á samráðinu
að græða. Fram hefur komið, meðal
annars frammi fyrir rannsóknarnefnd
Alþingis og í réttarsal í máli Baldurs
Guðlaugssonar fyrrverandi ráðuneyt-
isstjóra í fjármálaráðuneytinu, að upp-
lýsingar virtust nægjanlegar til þess að
grípa til aðgerða með býsna löngum
fyrirvara. 29. júlí árið 2008 sagði Baldur
meðal annars á slíkum fundi að ef þær
upplýsingar sem nefndin hefði undir
höndum yrði á almannavitorði yrði það
banabiti bankanna.
Í skýrslu stjórnarráðsnefndarinnar
er dæmið um samráðið um fjármála-
stöðugleika talið misheppnað. „Ef til
vill er samráðshópur forsætisráðuneyt-
is, fjármálaráðuneytis, viðskiptaráðu-
neytis, Fjármálaeftirlits og Seðlabanka
Íslands um fjármálastöðugleika og við-
búnað sem skipaður var á árunum fyr-
ir bankahrunið eitt afdrifaríkasta dæm-
ið um samstarf þvert á ráðuneyti, sem
leið fyrir skort á skýrum skilgreiningum
á hlutverki, umboði og ábyrgð.“
Einangrunarhyggja
Það sem einkum stendur í nefndar-
mönnum og gert er að umtalsefni er
það sem kallað er einangrunarhyggja
í skýrslunni. Vísað er til þess að slík
einangrunarhyggja sé einn af stærstu
ágöllum finnskrar stjórnsýslu. Ein-
angrunarhyggja hamli velgengni og
framþróun og dragi úr getu til þess að
innleiða sameiginlega stefnu eins og
hún kann að birtast í stefnuáherslum
ríkisstjórnarinnar. Til þess er tekið að
stefnuyfirlýsing núverandi ríkisstjórn-
ar sé mun lengri og ítarlegri en nokkur
annar stjórnarsáttmáli í sögu lýðveldis-
ins sem geti verið vísbending um breyt-
ingar og alvarlegri tilraunir til að fylgja
slíkum sáttmála.
Einangrunarhyggjan, sem lýst er í
skýrslunni, og vandamálin henni sam-
fara eru af nefndarmönnum talin eiga
rætur í því að hér á landi fari saman
mjög sterkt forræði ráðherra í ákveðn-
um málaflokkum og samsteypustjórnir
þar sem hver stjórnmálaflokkur telji sig
bera ábyrgð aðeins á sínu fólki. „Þessi
samsetning og áhrif hennar eru ef til vill
undirrót þeirrar óvissu og óöryggis sem
gætir meðal starfsmanna ráðuneyta
undir kringumstæðum þegar reynir á
samstarf milli ráðuneyta.“
Margvíslegar tillögur
Nefndin telur vænlegt til árangurs
að efla möguleika til meira samráðs
og yfirsýnar. Áþreifanlegt dæmi um
ágalla í regluverkinu tengist vinnu-
skjölum innan ráðuneyta. Svo hátt-
ar til að þau eru undanþegin ákvæð-
um upplýsingalaga þá og því aðeins
að þau séu notuð innan viðkomandi
ráðuneytis. Um leið og þau eru send
milli ráðuneyta breytist þetta; þau
hætta að vera vinnuskjöl og verða
ekki lengur undanþegin áðurgreind-
um ákvæðum. Þetta er augljóslega
talið hamla samstarfi milli ráðu-
neyta og því lagt til að þessu verði
breytt.
Vilja styrkja stöðu forsætisráð-
herra
Að öllu samanlögðu telur nefndin
að skilgreina ætti nánar ábyrgð og
stöðu forsætisráðherra sem verk-
stjóra innan ríkisstjórnarinnar, ekki
síst við að framfylgja yfirlýstum
stefnumiðum hennar í stjórnarsátt-
mála. Þess er getið að ákvörðun Al-
þingis um að stefna Geir H. Haarde
einum fyrir landsdóm bendi til þess
að litið sé svo á að forsætisráðherrar
hafi nú þegar víðtækara stjórnunar-
hlutverk í ríkisstjórn en ætla mætti.
Þótt nefndin mæli ekki með því
að ríkisstjórninni verði breytt í fjöl-
skipað vald, sem taki ákvarðanir alla
daga með atkvæðagreiðslum á rík-
isstjórnarvettvangi, telur hún æski-
legt að ríkisstjórnir hér á landi feti
sig í þá áttina. Slíkt fyrirkomulag
tíðkast innan sænsku ríkisstjórnar-
innar sem heldur tíða fundi og tekur
ákvarðnir með áðurgreindum hætti.
Afdrifaríkt að stunda
ekki meira samstarf
n Einangrunarhyggja innan stjórnkerfisins hefur haft afdrifaríkar afleiðingar n Hún birtist í því að ráðherrar
hafa vald yfir málaflokkum og þurfa ekki að stunda samráð n Stjórnarráðsnefnd vill einangrunarhyggjuna burt
n Rekja má skelfingar bankahrunsins til skorts á kerfisbundnu samstarfi og samráði
Jóhann Hauksson
blaðamaður skrifar johannh@dv.is