Dagblaðið Vísir - DV - 07.03.2011, Page 22

22 | Úttekt 7. mars 2011 Mánudagur
Þ
að hefur heldur betur gust-
að um Carlos Irwin Este-
vez undanfarið. Ekki er fyr-
ir að þakka afrekum hans
á leiksviðinu heldur vafasömum
hótel partíum, nánum félagsskap við
klámleikkonur, ítrekuðum meðferð-
um vegna fíkniefna- og áfengisnotk-
unar og stórum orðum sem hann
hefur viðhaft um höfund þáttanna
Two and a Half Men. Carlos Irwin
Estévez, Charlie Sheen, er í stuttu
máli það sem flestir myndu kalla
vandræðagepil og mikið vatn hef-
ur runnið til sjávar síðan hann vakti
verðskuldaða athygli fyrir frammi-
stöðu sína í mynd Olivers Stone, Plat-
oon, árið 1986. En við nánari athug-
un er Charlie Sheen ekki alslæmur
eins og drepið verður á síðar í grein-
inni.
Uppruni og bernska
Charlie Sheen fæddist 3. september
1965 í New York-borg og var gef-
ið nafnið Carlos Irwin Estévez. Fað-
ir hans, Martin Sheen, nú fræg-
ur leikari, var þá að stíga nánast sín
fyrstu skref í leiklistinni í sýningum á
Broadway. Janet Sheen, móðir Charl-
ies, var fyrrverandi listanemi og hafði
hitt Martin skömmu eftir að hann
flutti til Manhattan. Char lie á þrjú
alsystkin, Emilio, Renée og Ramon
Estevez, sem öll urðu leikarar.
Charlie Sheen sýndi starfi föður
síns áhuga strax á unga aldri og árið
1974, þá níu ára að aldri, fékk hann
smáhlutverk í mynd sem pabbi hans
lék í, The Execution of Private Slovik.
Einnig brá honum fyrir í myndinni
Apocalypse Now. Myndin var tek-
in á Filippseyjum 1977 og litlu mátti
muna að faðir hans færi yfir móð-
una miklu þegar hann fékk alvarlegt
hjartaáfall.
Slæmt gengi í skóla
Leiklist og hafnabolti áttu hug hans
allan þegar hann var í Santa Mon-
ica-framhaldsskólanum. Á meðal
vina hans á þeim tíma voru leikar-
arnir Rob Lowe og Sean Penn og
framleiddi hann með þeim nokkrar
áhugamannakvikmyndir.
Einnig sýndi Charlie einhverja
hæfileika í hafnabolta og áhugi hans
og geta í íþróttinni áttu síðar eftir að
setja mark sitt á nokkrar mynda hans
en innan skólastofunnar var aðra
sögu að segja. Charlie átti í mesta
basli við að fá þokkalegar einkunnir
og nokkrum vikum fyrir væntanlega
útskrift var Charlie vísað úr skóla
vegna lélegra einkunna og bágrar
mætingar.
Í kjölfarið lagði Charlie hart að
sér til að fá hlutverk í kvikmyndum
en ferillinn fór hægt af stað og fyrsta
stóra hlutverkið sem féll honum í
skaut var í myndinni Red Dawn árið
1984. Í kjölfar þess komu smáhlut-
verk í sjónvarpsmyndum og öðru því
sem litla athygli vakti.
Oliver Stone og stóra tækifærið
Árið 1986 hljóp heldur betur á snær-
ið hjá Charlie Sheen þegar hann
landaði hlutverki í stórmynd Olivers
Stone, Platoon. Charlie fékk afbragðs
dóma fyrir túlkun sína á ungum
hermanni í viðjum siðferðislegrar
kreppu í stríðinu í Víetnam.
Frammistaða Charlies og vel-
gengni Platoon leiddi til þess að Oli-
ver Stone bauð Charlie aðalhlutverk
í sinni næstu mynd, Wall Street, þar
sem hann og faðir hans leiddu sam-
an hesta sína og myndin sló í gegn
hjá kvikmyndahúsagestum.
Nú skyldi hamra járnið meðan
það var heitt og Oliver Stone ámálg-
aði það við Charlie að hann léki
aðalhlutverk í næstu mynd sinni,
Born on the Fourth of July. En það
átti ekki eftir að ganga eftir; Tom
Cruise hreppti hnossið og í stað
þess að Oliver tilkynnti Charlie það
var það Emilio, bróðir Charlies, sem
flutti honum tíðindin. Olli það ósætti
á milli Olivers Stone og Charlies og
hafa þeir ekki unnið saman síðan.
Fátt er svo með öllu illt
– eða hvað?
En Charlie var ekki af baki dott-
inn nema síður væri og ósætti hans
og Stones varð ekki til að skaða fer-
il hans. Síðla níunda áratugarins og
snemma þess tíunda treysti Charlie
sig í sessi sem einn vinsælasti leikari
ungu kynslóðarinnar með myndum
á borð við Young Guns 1988, Major
League 1989 og Hot Shots! 1991.
En svo virtist sem heilladísirnar
hefðu snúið við honum baki og undir
miðjan tíunda áratuginn virtist sem
Charlie væri heillum horfinn, bæði
í einkalífinu og leiklistinni. Þá þegar
hafði Charlie komist í kynni við með-
ferðarstofnun vegna eiturlyfjafíkn-
ar og getið sér orðspor fyrir að vera
kvennaflagari og partígaur.
Í ljósi vitnisburðar sem hann gaf
árið 1995 við réttarhöld yfir hóru-
mömmunni Heidi Fleiss í Holly-
wood var orðspor hans á rökum reist
því hann viðurkenndi að hafa eytt
um 50.000 bandaríkjadölum, um
5,9 milljónum króna, í 27 kaupakon-
ur Heidi, sem hver tók 2.500 banda-
ríkjadali, um 300 þúsund krónur, fyr-
ir næturlangan félagsskap. Á þeim
tíma var hann kvæntur fyrirsætunni
Donnu Peele en það hjónaband varð
skammlíft.
Charlie brotlendir
Vegferð Charlies niður í hyldýpið
hélt áfram árið 1996 þegar fyrrver-
andi kærasta hans, Brittany Ash land,
sakaði hann um líkamlegt ofbeldi.
Charlie var síðar ákærður fyrir minni
háttar brot og mótmælti ekki og fékk
eins árs dóm skilorðsbundinn til
tveggja ára. Einnig var honum gert að
greiða 2.800 dala sekt, rúmlega and-
virði einnar nætur með vændiskon-
um Heidi Fleiss.
Botninum, á þessum tíma, náði
Charlie í maí 1998 þegar hann var
lagður inn á sjúkrahús í Kaliforníu
eftir að hafa nánast drepið sig á of
stórum eiturlyfjaskammti. Síðar í
sama mánuði var honum skipað
að fara aftur á meðferðarstofnun-
ina sem hann hafði áður verið á, en
reyndar yfirgefið eftir einn dag.
Eðli málsins samkvæmt beið leik-
listarferill Charlies hnekki á þessum
tíma og á meðal þeirra mynda sem
hann lék í um þetta leyti og kolféllu
voru The Arrival 1996 og Shadow
Conspiracy 1997. En allt tekur enda
og þegar 20. öldin rann sitt skeið lauk
lánleysi Charlies – í bili.
Batnandi manni er best að lifa
Charlie Sheen heilsaði nýrri öld alls-
gáður og var fenginn til að taka við
af Michael J. Fox í sjónvarpsþátta-
röðinni Spin City. Þrátt fyrir að hann
tæki aðeins þátt í tveimur seríum
vakti frammistaða hans hrifningu
framkvæmdastjóra CBS-sjónvarps-
stöðvarinnar. Þeir voru, þegar þar
var komið sögu, 2003, að leita að ein-
hverri stjörnu sem gæti borið uppi
gamanþátt. Two and a Half Men varð
lyftistöngin sem Charlie þurfti en í
henni lék hann óábyrgan kvenna-
flagara sem nýtur lífsins þangað til
frændi hans knýr dyra.
Einnig virtist sem einkalíf Charlies
væri á uppleið, en árið 2002 kvæntist
hann leikkonunni Denise Richards
sem hann hafði kynnst þegar þau
léku saman í myndinni Good Advice
árið 2001. Þau eignuðust dóttur árið
2004 og innan skamms varð Denise
barnshafandi að nýju. Þrátt fyrir að
allt virtist slétt og fellt á yfirborðinu
var ljóst að stöðugleiki var ekki eitt
af því sem Charlie hafði tileinkað sér.
Í mars 2005 fór Denise fram á skiln-
að vegna óásættanlegs ágreinings og
tók skilnaðurinn gildi 2006.
Gamli Charlie vaknar
Charlie kvæntist sinni þriðju konu,
fasteignafjárfestinum Brooke Muell-
er, í maí 2008 og eignuðust þau tví-
bura í mars ári síðar. En hjónabands-
sælan entist ekki lengi frekar en fyrri
daginn og 25. desember 2009 var
Char lie handtekinn. Hann var kærð-
ur fyrir heimilisofbeldi, þar á meðal
annarrar gráðu líkamsárás, gagnvart
Brooke.
Charlie var sleppt úr fangelsi
gegn 8.500 dala tryggingu og þann
8. febrúar var hann formlega ákærð-
ur fyrir ofbeldi af ýmsum toga. Þann
2. ágúst játaði Charlie sig sekan um
minni háttar afbrot og fékk sam-
kvæmt samningi við saksóknara-
embættið felld niður önnur ákæru-
atriði. Samkvæmt frétt Associated
Press var Charlie Sheen aukinheldur
dæmdur til „30 daga vistar á endur-
hæfingarstofnun, 30 daga skilorðs og
36 daga meðferðar í reiðistjórnun“
og má ekki eiga skotvopn það sem
eftir er ævinnar.
Í febrúar 2010 tilkynnti Charlie
að hann myndi taka sér hlé frá þátt-
unum Two and a Half Men og inn-
ritast sjálfviljugur á meðferðarstofn-
un. Mánuði seinna var tilkynnt að í
bígerð væri að hann myndi yfirgefa
stofnunina og taka upp þráðinn þar
sem frá var horfið í þáttunum. Charl-
ie skrifaði undir samning um tveggja
ára vinnu við þættina gegn 1,8 millj-
óna dala, um 209 milljóna króna,
greiðslu fyrir hvern þátt.
Í vafasömum félagsskap
Þann 26. október í fyrra var Charlie
Sheen fjarlægður með lögregluvaldi
af Plaza-hótelinu í New York. Charlie
Sheen var, og er enn, kvæntur Brooke
Mueller þegar þar var komið sögu en
það kom ekki í veg fyrir að hann væri
þar í félagsskap fylgdardömu að nafni
Capri Anderson. Þegar upp var staðið
hafði Charlie valdið 7.000 dala tjóni
á hótelsvítu og viðurkenndi að hann
hefði neytt bæði áfengis og kókaíns.
Farið var með fjörkálfinn á sjúkrahús,
þar sem hann gekkst undir rann-
sóknir og var síðan útskrifaður.
En sagan var ekki öll því Capri full-
yrti að hann hefði tekið hana kverka-
taki meðan á öllum djöfulganginum
stóð. Lögfræðingur Charlies vísaði
fullyrðingunni til föðurhúsanna og
sagði að um væri að ræða „óskamm-
feilna tilraun til að hagnast á frægð
hans“.
Sjálfur virtist Charlie vera svell-
kaldur þegar hann tjáði sig um mál-
ið í fréttaþættinum Extra: „Ef einhver
náungi á eina slæma nótt verða allir
bilaðir og eru með óðagot. Ég er ekki
með óðagot.“
Charlie Sheen sótti um skilnað frá
Brooke Mueller nokkrum dögum eft-
ir hina afdrifaríku skemmtun í svít-
n Leikarinn Charlie Sheen er í ólgusjó n Hefur verið í og úr meðferð
n Sækir stíft í villt partí og vafasaman félagsskap n Gælunöfnin Vélin
og Skemmtunar-Charlie virðast eiga vel við hann n Óvissa um framtíð
Two and a Half Men n Leikarinn krefst um milljón dala launahækkunar
Búinn að missa Börnin,
konurnar og vinnuna
Barnapían og klámstjarnan Bree
Olson er önnur tveggja „gyðja“ sem Charlie
býr með nú um stundir.
Mynd GLenn FranCiS, www.PaCiFiCPrOdiGiTaL.COM
Kacey Jordan Klámmyndaleikkonan
Kacey hefur nýtt sín stuttu kynni af Charlie
til hins ítrasta.
Mynd GLenn FranCiS, www.PaCiFiCPrOdiGiTaL.COM
„en svo
virtist sem
heilladísirnar hefðu
snúið við honum
baki og undir miðjan
tíunda áratuginn
virtist sem Charlie
væri heillum horfinn,
bæði í einkalífinu og
leiklistinni.