Dagblaðið Vísir - DV - 27.04.2011, Blaðsíða 8

8 | Fréttir 27. apríl 2011 Miðvikudagur
fyrstu hæð
Sími 511 2020
FLOTTIR ÍTALSKIR DÖMUSKÓR, TÖSKUR, JAKKAR OG SKÓSKRAUT - MIKIÐ ÚRVAL
MESTA ÚRVAL LANDSINS AF ÍTÖLSKUM SPARISKÓM OG SPORTSKÓM
BARNASKÓR FRÁ KR 2490 - FLOTTIR BARNASKÓR FYRIR SUMARDAGINN FYRSTA
Erum á
Einkahlutafélag sem ber nafn Hreið-
ars Más Sigurðssonar, fyrrverandi
forstjóra Kaupþings, var úrskurð-
að gjaldþrota í Héraðsdómi Reykja-
víkur 13. apríl síðastliðinn. Félagið
skuldaði skilanefnd Kaupþings
nærri sjö milljarða króna í lok árs
2009, samkvæmt ársreikningi félags-
ins. Kröfulýsingarfrestur í þrotabúið
rennur hins vegar ekki út fyrr en 26.
júní og skiptafundur verður haldinn
12. júlí. Því liggur ekki enn ljóst fyr-
ir hversu háar endanlegar kröfur í
þrotabúið verða.
Eigið fé neikvætt um átta
milljarða
Hreiðar Már var fyrsti stjórnandinn
hjá Kaupþingi sem færði hlutabréfa-
eign sína yfir í einkahlutafélag. Sam-
kvæmt hlutafélagaskrá var Hreiðar
Már Sigurðsson ehf. stofnað þann 3.
maí árið 2006. Eigið fé félagsins var
neikvætt í árslok 2009 um nærri átta
milljarða króna. Eina eign félagsins
var sögð 260 milljónir króna í fjár-
festingarsjóðnum Kaupthing Capi-
tal Partners II Fund (KCPII) og var
þá miðað við markaðsverðmæti í
lok árs 2008. Kaupþing lánaði helstu
stjórnendum bankans og völdum
starfsmönnum hans alls 43 milljarða
króna án veða í gegnum fjárfesting-
arsjóðinn KCPII. Var nokkuð fjallað
um þennan sjóð í skýrslu rannsókn-
arnefndar Alþingis.
Með þrjá milljarða í laun
2004–2008
Óhætt er að segja að Hreiðar Már sé
líklega ekki á flæðiskeri staddur þó
að einkahlutafélag hans sitji uppi
með nærri sjö milljarða króna skuld-
ir og nánast engar eignir á móti. Líkt
og sjá má í töflu með fréttinni þénaði
Hreiðar Már rúmlega þrjá milljarða
króna á árunum 2004 til 2008.
Ef ársreikningar Hreiðars Más
Sigurðssonar ehf. eru skoðaðir sést
að félagið fékk nærri 400 milljónir
króna í arð á árunum 2006, 2007 og
2008. Þess skal þó getið að félagið
greiddi sér aldrei út arð og því runnu
engir fjármunir til Hreiðars Más út
úr einkahlutafélagi hans sem nú er
gjaldþrota.
Glæsilegt hús og bílafloti í Lúx
Líklega hefur enginn Íslendingur
það eins gott í Lúxemborg og Hreiðar
Már. Hann býr ásamt fjölskyldu sinni
í fjögurra hæða raðhúsi við götuna
Rue Des Pommiers, í hverfinu Cents,
nærri miðbæ Lúxemborgar. Bílafloti
fjölskyldunnar er samsettur af ný-
legum Audi S8 sem er vart verðmet-
inn á minna en 17 milljónir króna,
BMW-jeppa sem kona Hreiðars Más
ekur um á og nýlegum svörtum Land
Cruiser 200-jeppa. Auk þess að búa
vel í Lúxemborg eiga Hreiðar Már og
kona hans nærri 300 fermetra hús
að Hlyngerði 6 í Reykjavík en engar
skuldir hvíla á húsinu.
Hreiðar Már var sem kunnugt
er handtekinn og dæmdur í tveggja
vikna gæsluvarðhald í maí í fyrra. Var
ástæðan rannsókn sérstaks saksókn-
ara á málefnum Kaupþings. Hreiðar
Már sagði rannsóknarnefnd Alþingis
að kaupréttarkerfi Kaupþings hefði
verið mistök og hann myndi ekki
endurtaka að koma á slíku kerfi ef
hann myndi byggja upp nýjan banka.
„Ef ég væri að stofna banka í dag
þá mundi ég ekki byggja svona kerfi
aftur, það er mitt – ég held að það hafi
ekki verið gott kerfi. [...] Þetta er bara
mjög sárt hvernig þetta hefur farið
og hvað þetta hefur valdið fyrrum
samstarfsmönnum mínum miklum
vandræðum,“ sagði hann í skýrslu
fyrir rannsóknarnefnd Alþingis 21.
júlí 2009.
Starfsmenn Kaupþings fengu
47 milljarða að láni
Lán til starfsmanna Kaupþings
námu 47 milljörðum króna af eig-
in fé bankans þegar hann var yfir-
tekinn af Fjármálaeftirlitinu í októ-
ber árið 2008. Samkvæmt skýrslu
rannsóknarnefndar Alþingis námu
skuldir Hreiðars Más um 5,8 millj-
örðum króna við fall bankans. Sam-
kvæmt ársreikningi Hreiðars Más
Sigurðssonar ehf. var skuldin kom-
in í 6.850 milljónir króna í lok árs
2009.
n Hreiðar Már Sigurðsson ehf. var úr-
skurðað gjaldþrota 13. apríl n Skuldar
skilanefnd Kaupþings nærri sjö millj-
arða króna n Var með rúmlega þrjá
milljarða króna í laun 2004 til 2008
HREIÐAR MÁR LAUS VIÐ
SJÖ MILLJARÐA SKULDIR
Annas Sigmundsson
blaðamaður skrifar as@dv.is
Sleppur undan sjö milljarða skuld Talið er að Hreiðar Már Sigurðsson þurfi ekki að
standa skil á nærri sjö milljarða króna skuld einkahlutafélags með hans nafni.