Dagblaðið Vísir - DV - 27.04.2011, Blaðsíða 14

14 | Neytendur Umsjón: Baldur Guðmundsson baldur@dv.is 27. apríl 2011 Miðvikudagur
Lögreglan sektar ökumenn frá 1. maí:
Burt með nagladekkin
Frá og með sunnudeginum 1. maí
geta ökumenn átt von á því að fá
sektir vegna nagladekkja. Lögum
samkvæmt er lögreglunni heimilt
að sekta ökumenn fyrir að aka um á
nagladekkjum frá og með 15. apríl
en lögin gera ráð fyrir því að vor og
sumar frjósi saman. Heimild er til
þess að fresta því að sekta ökumenn
ef veðurfar er með þeim hætti að
von sé á hálku eða erfiðum skil-
yrðum til aksturs. Samkvæmt upp-
lýsingum frá lögreglunni á höfuð-
borgarsvæðinu stendur ekki til að
sekta ökumenn fyrir 1. maí. Þó eru
ökumenn hvattir til að nota hjól-
barða sem henta aðstæðum hverju
sinni. Ef sumarið er í raun komið
og kulda spár ekki framundan ættu
flestir að geta skipt yfir á sumar-
dekkin. Þetta kann þó að vera mis-
jafnt eftir landshlutum.
Dýrt getur verið að gleyma eða
trassa að taka nagladekkin undan.
Lögreglan hefur heimild til að sekta
ökumann um 5.000 krónur fyrir
hvert nagladekk sem er undir bif-
reiðinni.
Þess má geta að nagladekk
spæna upp malbik margfalt hrað-
ar en önnur dekk og eru áhrifamik-
ill valdur að svifryki í Reykjavík. Í
mars reyndust 34 prósent bifreiða
vera á nagladekkjum. Svifryk fór
einu sinni yfir heilsuverndarmörk
í marsmánuði en það hefur gerst
átta sinnum á árinu.
Bílastæðagjöld
hækka
Óánægður viðskiptavinur Icepark,
fyrirtækis sem heldur utan um bíla-
stæðin við Keflavíkurflugvöll, hafði
samband við DV og kvartaði yfir
miklum hækkunum. Viðskiptavinur-
inn sem hafði farið utan í þeirri trú
að dagsafnot af bílastæði kostuðu 630
krónur brá heldur betur í brún þegar
í ljós kom að gjaldið hafði hækkað
í 800 krónur án þess að hann væri
látinn vita. Guðmundur Ásgeirsson,
rekstrarstjóri Icepark segist í sam-
tali við DV skilja óánægju viðskipta-
vinarins, en að í skilmálum sem við-
skiptavinir skrifi undir komi skýrt
fram að gjaldið geti hækkað hvenær
sem er. Hann viðurkennir að hækk-
unin sé nokkuð drjúg en tekur fram
að gjöldin hafi ekkert hækkað síðan
2006. Þá bendir hann á að bílastæðin
við Keflavíkurflugvöll séu ennþá ein-
hver þau ódýrustu í Evrópu.
Svartsýni eykst Væntingavísitala Gallup lækkar nú
þriðja mánuðinn í röð. Í Morgunkorni Íslandsbanka kemur fram
að vísitalan lækkaði um 2,3 stig milli mánaða og mældist gildi
hennar 55,5 stig sem er svipað og það var í apríl fyrir ári. Allar
undirvísitölur Væntingavísitölunnar, að undanskildu mati á
efnahagslífinu, lækkuðu á milli mars og apríl. Þannig lækkuðu
væntingar íslenskra neytenda til aðstæðna í efnahags- og
atvinnumálum þjóðarinnar eftir 6 mánuði um 2,3 stig og mælist
sú vísitala nú 86 stig.
E
ld
sn
ey
ti Verð á lítra 238,4 kr. Verð á lítra 242,3 kr.
Bensín Dísilolía
Verð á lítra 238,1 kr. Verð á lítra 242,1 kr.
Verð á lítra 239,8 kr. Verð á lítra 242,3 kr.
Verð á lítra 238,0 kr. Verð á lítra 242,0 kr.
Verð á lítra 238,1 kr. Verð á lítra 242,1 kr.
Verð á lítra 238,1 kr. Verð á lítra 242,3 kr.
Algengt verð
Almennt verð
Algengt verð
Höfuðb. svæðið
Melabraut
Algengt verð
Besta kaffið
n Nemi í Háskólanum í Reykjavík
vildi lofa starfsmenn Tes og kaffis,
sem staðsett er í Sólinni í skólan-
um. „Það ríkir almennt góður andi
á þessum stað. Starfsmennirnir taka
manni ávallt með bros á vör. Viðmót
og þjónusta ávallt til fyrirmyndar
og kaffið auðvitað það besta í
bænum,“ sagði hann ánægður
með kaffihúsið. Stuttu síðar
barst annar póstur frá nem-
anum þar sem fram
kom að hann hefði
varla verið búinn að
senda fyrri póstinn þeg-
ar þjónninn gaf honum
kaffibolla, upp úr þurru.
Yfirleitt skítugt
n Kaffiterían í Þjóðarbókhlöðunni
fær lastið að þessu sinni. Viðskipta-
vinur hafði samband við DV og sagði
að þar væri sjaldnast hægt að setjast
niður við hreint borð, þau væru yfir-
leitt skítug. Enn fremur sagði hann
að veitingarnar væru bæði dýrar og
óspennandi í samanburði við veit-
ingar á öðrum kaffiteríum. „Kaffið er
líklega það versta sem
ég hef smakkað,“ sagði
viðskiptavinurinn en
bætti við að næðið væri
það sem Þjóðarbók-
hlaðan hefði fram yfir
aðra staði. Það væri hentugt í
próflestri.
SENDIÐ LOF EÐA LAST Á NEYTENDUR@DV.IS
Lof&Last
Undan fyrir 1. maí 34
prósent ökutækja voru á
nagladekkjum í mars.
Nú þegar sumarleyfin eru á næsta
leiti er mikilvægt að hafa í huga þær
hættur sem fyrir hendi eru þeg-
ar verslað er á netinu. Íslendingar
kaupa utanlandsferðir og hótelgist-
ingu erlendis í þúsundatali og því
miður er raunin sú að alltaf verða
einhverjir fyrir barðinu á þjófum. Á
vefsíðunni kreditkort.is er farið yfir
ýmsar varúðarráðstafanir sem vert
er að hafa í huga áður en fólk verslar
á netinu.
Ekki gefa upp PIN-númer
Á vefsíðunni er fólk hvatt til þess að
skipta einungis við þá aðila sem það
treystir. En hvernig veit maður hverj-
um maður á að treysta í netheimum?
Gakktu úr skugga um að vefversl-
unin sé á öruggu svæði. Hefjist slóð
hennar á https:// í stað http:// ert þú
í góðum málum. Á öruggri síðu sýnir
vafrinn einnig yfirleitt tákn, eins og
til dæmis læstan smekklás, sem gef-
ur til kynna öruggt svæði.
Þá geturðu notað fyrirframgreitt
kreditkort til þess að koma í veg fyrir
mögulegan skaða. Kosturinn við það
er sá að ef einhver kemst yfir kredit-
kortanúmerið þitt á netinu getur hann
ekki notað það þar sem engir pening-
ar eru inni á kortinu. Þú skalt aldrei
gefa upp PIN-númerið á kreditkortinu
þínu á netinu, PIN-númer kreditkorta
á aldrei að gefa upp nema annaðhvort
segulrönd eða örgjörvi séu lesin á af-
greiðslustað.
Varast tölvupósta
Fólk er beðið um að varast það eins og
heitan eldinn að senda kortanúmer í
tölvupósti. Það er vegna þess að tölvu-
póstur er ekki öruggur nema til sér-
stakra ráðstafana sé gripið og að hann
sé dulkóðaður. Annars er alltaf sá
möguleiki fyrir hendi að einhver geti
lesið tölvupóstinn. Fólk á einnig að
varast að nota tölvur sem það treyst-
ir ekki fullkomlega. Þá á ekki að nota
kreditkortaupplýsingar til þess að sýna
fram á aldur, en engin vefsíða sem vill
láta taka sig alvarlaega biður um slíkt.
Önnur leið til að versla á netinu er í
gegnum paypal, en þá þarf ekki að gefa
upp kreditkortanúmer í hvert skipti
sem eitthvað er keypt. Þá er gott að at-
huga vel áður en fólk gengur frá samn-
ingi hvort um alvöru netsíðu sé að
ræða – að þú sért til að mynda á pay-
pal.com, en ekki paypalnet.com.
Vefveiðar
Á vefsíðunni kemur einnig fram að
„vefveiðar“ séu nokkuð áhyggjuefni.
Þær ganga þannig fyrir sig að þú færð
tölvupóst sem virðist vera frá fyrir-
tæki sem þú ert í viðskiptum við og
ert beðinn um að breyta skráningu
þinni af einhverjum ástæðum, gjarn-
an af tækni- eða öryggisástæðum.
Smellirðu á hlekkinn í póstinum
ferðu á síðu sem líkist upprunalegu
síðunni en er í raun á vegum tölvu-
þrjóta sem eru á höttunum eftir not-
andanafni og lykilorði þínu.
Einfaldasta leiðin til að var-
ast svona er að fara beint inn á vef-
síðuna, en smella aldrei á hlekki í
slíkum pósti. Farðu gætilega með
kreditkortið sjálft og gögn þar sem
kortnúmer og gildistími koma fram.
Það er til lítils að gera öll tölvusam-
skipti örugg ef einhver kemst yfir
þessar upplýsingar eftir öðrum leið-
um. Þá er auðvitað mikilvægt að
fylgjast með færslum á kreditkortinu
upp á gamla mátann eða í heima-
bankanum frá degi til dags.
Láttu ekki stela af þér
n Kreditkortaviðskipti á netinu eru varasöm n Verslaðu á síðum þar sem netslóðin byrjar
á https en ekki http n Ekki smella á tengla sem þú færð í tölvupósti
Jón Bjarki Magnússon
blaðamaður skrifar jonbjarki@dv.is
„Aldrei gefa upp
PIN-númerið á
kreditkortinu þínu á
netinu.
Varasamur verslunarmáti Gott
er að hafa allan varann á þegar maður
verslar á netinu.