Dagblaðið Vísir - DV - 02.05.2011, Qupperneq 18

18 | Umræða 2. maí 2011 Mánudagur
„Hann ætti að
vera formað-
ur órólegu
deildarinnar,
sjálfkjörinn.“
n Guðfríður Lilja Grétarsdóttir
þingmaður VG um son sinn Harald sem er
að vera tveggja ára. Hún segir hann
óborganlega skemmtilegan og
uppátækjasaman prakkara. – DV
„Ég hef ein-
faldan smekk
og vel aðeins
það best,a
eins og segir í
kvæðinu.“
n Stórsöngvarinn Björgvin Halldórsson
sem sportar 200.000 króna gleraugum
og á nokkur til skiptanna.– DV
„Myrkur fyllti huga minn
þegar ég áttaði mig á því
að kolvetnin yrðu tekin
frá mér.“
n Guðrún Baldvina Sævarsdóttir
matarfíkill sem náði ekki tökum á
þyngdinni fyrr en hún tókst á við fíknina.
Hún léttist um 61 kíló á fyrsta árinu. – DV
„Þegar ég er að reyna að
gera eitthvað í því þá fara
þeir að rústa lífi manns.“
n Húsráðandi í íbúð sem lögreglan réðst
inn í ásamt tökuliði þáttanna Löggur,
sem nýlega hófu göngu sína í Mbl - Sjón-
varpi. – DV
„Hann er of dýr leikmaður
fyrir okkur sem stendur.“
n Eigandi danska handboltaliðsins AGK,
Jesper Nielsen, um landsliðsmanninn
Róbert Gunnarsson. Peningar hafa ekki
verið hindrun fyrir Jesper hingað til og því
nokkuð ljóst að Róbert er á ágætum
kjörum. - Vísir
Vælandi kerlingar
P
áll Scheving Ingvarsson, for-
maður þjóðhátíðarnefndar,
sagði á borgarafundi í Vest-
mannaeyjum á fimmtudag að
Stígamót, sem sérhæfa sig í baráttu gegn
kynferðisofbeldi og viðbrögðum við því,
ýttu undir vandamál tengd kynferðisof-
beldi á þjóðhátíð. „Það er þannig að þar
sem þær hafa birst er eins og vandamálið
hafi stækkað,“ sagði hann.
Til að skilja ásökun Páls á hendur
Stígamótum er nauðsynlegt að skoða
málið í samhengi við hugmyndaheim
íslenskra stjórnenda og leiðtoga í gegn-
um árin, sem hann virðist sækja viðhorf
sitt til. Í honum skiptir oft meira máli
hvernig hlutirnir virðast vera en hvernig
hlutirnir eru raunverulega. Páll þjóðhá-
tíðarstjóri virðist vera þungt haldinn af
ímyndarsýki, sem brenglar gjarnan sýn
ábyrgðaraðila á Íslandi.
Ímyndarsýkin hefur átt sér margar
birtingarmyndir á Íslandi, sérstaklega í
góðærinu, en líka eftir hrun. Út frá sjón-
arhóli ímyndarsjúklingsins geta Stíga-
mót hreinlega verið til trafala á útihátíð.
Fleiri ábendingar um vandamál eins og
nauðganir fara ekki saman við að halda
partíinu gangandi. Afstaða Páls er þann-
ig eins og bjöguð spegilmynd af afstöðu
íslenskra ráðamanna í góðærispartí-
inu, þar sem það var löstur að benda á
vandamál, en dyggð að breiða yfir það.
Ímyndarsjúkir álíta að sá sem varpar ljósi
á vandamálið sé í raun vandamálið sjálft;
að sjáist vandamálið ekki, sé það ekki.
Þegar Páll var spurður af sveitunga
sínum á borgarafundinum hvernig
koma mætti í veg fyrir það ímyndarlega
vandamál að Stígamótakonur væru „allt-
af vælandi, þessar kellingar“ í fréttunum
yfir aðstöðuleysi á þjóðhátíð varpaði Páll
fram kenningu. „Það er ljótt að segja það,
en ég segi það samt, það er eins og sam-
tökin nærist á því að vandamálið sé til
staðar og þau reyni frekar að ýta undir
það heldur en hitt.“ Með sömu rökum
mætti segja að spítalar ýttu undir veik-
indi, Rauði krossinn undir stríð og Am-
nesty International undir pyndingar. Á
sama hátt mætti segja að ef lögreglan
hætti að svara í símann og taka við til-
kynningum um glæpi myndi nást stór-
kostlegur árangur í baráttu gegn glæp-
um. Tölfræði um glæpi byggir nefnilega á
því að fólk tilkynni glæpinn og það byggir
aftur á því að fólk trúi því að tilkynningin
skili einhverju.
Nauðganir eru flóknari en aðrir
glæpir, einmitt vegna þess að þær eru
síður tilkynntar. Nauðganir valda niður-
broti og skömm hjá þeim sem er nauðg-
að, sem veldur því að viðkomandi eiga
erfiðara með að tilkynna um glæpinn.
Auk þess vinnur það gegn tilkynningum
hversu erfitt er að fá nauðgara dæmda.
Árið 2009 voru 130 nauðganir tilkynnt-
ar til neyðarmóttöku, en aðeins var sak-
fellt í sjö tilvikum. Barátta gegn nauðg-
unum verður því að fela í sér viðleitni til
að fjölga tilkynningum.
Brengluð sýn Páls Scheving á nauðg-
anir er ekki aðeins viðhorf heldur verkn-
aður. Hann er ábyrgur fyrir stærstu útihá-
tíð landsins og hefur sem slíkur náð að
halda Stígamótum frá hátíðinni. „Vanda-
málin eru alltaf miklu fleiri og stærri þeg-
ar Stígamót eru á staðnum, þannig að
við höfum sagt: Þið eruð velkomnar, þið
bara borgið ykkur inn á svæðið eins og
allir aðrir, og komið ykkur fyrir og verð-
ið með ykkar aðstöðu og það hefur hald-
ið þeim frá,“ sagði hann á borgarafund-
inum.
Páll sendi frá sér yfirlýsingu á sunnu-
dag til að lagfæra ímyndarbrestinn. Þar
fetaði hann í fótspor margra íslenskra
stjórnmálamanna og tók hagsmuni sína
fram yfir hagsmuni þjóðhátíðar og Vest-
mannaeyja. Þrátt fyrir viðurstyggilegar
ásakanir hans á hendur grasrótarhreyf-
ingu gegn kynferðisofbeldi, um að hún
auki bara á vandamálið, bað hann Stíga-
mótakonur ekki afsökunar og tilkynnti
ekki um afsögn sína. Hann sagði að starf
Stígamóta væri „ekki hafið yfir gagn-
rýni“ og gaf til kynna að ásakanir hans
nú byggðu á því að Stígamót hefðu sjálf
gagnrýnt þjóðhátíð fyrir að vera vanda-
málið. Það er risaeðla í Herjólfsdal.
Leiðari
Myndir þú nota
kommúnista í þitt
knattspyrnulið?
„Ég nota alla góða
leikmenn. Það er
sama hvaðan gott
kemur,“ segir Guð-
jón Þórðarson
knattspyrnu-
þjálfari. Guðjón
lýsti því í samtali
við Fréttatímann
í síðustu viku hvernig honum þætti
málshöfðun Alþingis gegn Geir H.
Haarde, mági sínum, vera aðför
kommúnista að honum.
Spurningin
Bókstaflega
Jón Trausti Reynisson ritstjóri skrifar.„ Ímyndarsjúkir álíta
að sá sem varpar
ljósi á vandamálið sé í
raun vandamálið sjálft.
Axarsköft Vilhjálms
n Innan ferðaþjónustunnar leikur allt
á reiðiskjálfi vegna framgöngu Sam-
taka atvinnulífsins í þágu sægreifa
Landssam-
bands íslenskra
útgerðarmanna.
Mörgum þykir
sem Vilhjálmur
Egilsson fram-
kvæmdastjóri
hafi gengið allt of
langt í yfirlýs-
ingum sínum um
að ekki verði samið nema kvótakerfið
standi sem minnst breytt. Nú þegar
alvara allsherjarverkfalla blasir við
beinast augu manna að Vilhjálmi
sem mun hafa fengið það óþvegið
hjá einhverjum ferðaþjónustumanna
sem vilja að hann verði látinn fara
vegna axarskafta sinna.
Hannes fagnaði einn
n Á laugardaginn urðu þau merku
tímamót í örlagasögu Íslands að 30
ár voru liðin frá því Davíð Oddsson
myndaði fyrstu ríkisstjórn sína. Fátt
var um dýrðir á afmælisdaginn. Það
var þó einn sem fagnaði ákaft. Hannes
Hólmsteinn Gissurarson, prófessor og
hugmyndafræðingur Davíðs, skrifaði
uppskrúfaða færslu á blogg sitt.
„Davíð sá hættuna fljótar og skýrar en
aðrir og reyndi að vera við henni,“ orti
Hannes um átrúnaðargoð sitt og einn
helsta örlagavald hrunsins. Hannes
áréttar síðan að hrunið hafi verið
Jóni Ásgeiri Jóhannessyni að mestu að
kenna en nefnir ekki Björgólf Guð-
mundsson eða Kjartan Gunnarsson.
Hreinn, ekki Sveinn
n Hæstaréttarlögmaðurinn Sveinn
Andri Sveinsson þykir vera mistækur
í störfum sínum fyrir dómstólum.
Hann nýtur
þó virðingar í
undirheimum
og eru menn
á borð við Jón
Trausta Lúthers-
son og Jón
„stóra“ Hallgríms-
son í aðdáenda-
klúbbi hans auk
þess sem Guðlaugur Þór Þórðarson,
þingmaður og styrkjakóngur, er
hæstánægður með hann. Aðrir eru
óhressir, eins og skjólstæðingur hans
Hjördís Svan Aðalheiðardóttir, ein-
stæð móðir sem berst fyrir forræði
barna sinna. Hún telur að Sveinn
hafi stórskaðað mál sitt og orðið til
þess að hún fékk það ekki tekið fyrir
í Hæstarétti. Nú er Sveinn fokinn en
hún hefur fengið Hrein Loftsson til að
gæta hagsmuna sinna.
Aðdáun á Davíð
n Davíð Oddsson ritstjóri nýtur enn
hylli meðal ungra sjálfstæðismanna
í Reykjavík. Í Gjallarhorni, nýjasta
blaði Heimdallar, er farið yfir vetrar-
starfið í félaginu og þar er greint frá
því að Davíð hafi verið heiðursgestur
á árshátíð félagsins „og sló hann í
gegn með ræðu sinni“. Það kom á
óvart að annar Davíð fékk endurbirta
langa grein í blaðinu um vonleysi
ríkisstjórnarinnar. Höfundurinn var
enginn annar en Sigmundur Davíð
Gunnlaugsson, formaður Framsóknar-
flokksins, sem virðist njóta hylli í
systurflokknum.
Sandkorn
tRyGGVAGötu 11, 101 REyKJAVíK
Útgáfufélag: DV ehf.
Stjórnarformaður:
Lilja Skaftadóttir
Ritstjórar:
Jón trausti Reynisson, jontrausti@dv.is
og Reynir traustason, rt@dv.is
Fréttastjóri:
Ingi Freyr Vilhjálmsson, ingi@dv.is
Ritstjórnarfulltrúi:
Jóhann Hauksson, johann@dv.is
Umsjón helgarblaðs:
Ingibjörg Dögg Kjartansdóttir, ingibjorg@dv.is
Umsjón innblaðs:
Ásgeir Jónsson, asgeir@dv.is
DV á netinu: dv.is
Aðalnúmer: 512 7000, Ritstjórn: 512 7010,
Áskriftarsími: 512 7080, Auglýsingar: 512 7050.
Smáauglýsingar: 512 7004.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
í
heitu pottum gumar elítan sig af
dugnaði atvinnurekenda. Þeir
séu eins og 1000 spena gylta sem
brauðfæði alþýðuna, sjái til þess
að hún lifi sómasamlegu lífi, lepji ekki
dauðann úr skel, standi ekki í matar-
röðum eða gangi í Rauðakrossfötum,
njóti menntunar og heilsugæslu, eigi
sitt hús og jeppa, fari í World Class,
ferðist innan- sem utanlands, fari í
bíó, leikhús, á Hörpu-tónleika, snæði
á Hótel Holti, drekki eðalvín og reyki
Havanavindla. Því séu kröfur ASÍ um
40 prósent af launum alþýðunnar í
Danmörku eða Noregi óforskamm-
aðar og sýni ekkert annað en van-
þakklæti og frekju. Því án elítunnar
lifði alþýðan enn í moldarkofum á
súrmeti, trosi, harðfiski, hvalrekum
og strandgóssi. Alþýða þessa lands
skuli bara þakka fyrir að vera laus við
fangafæðið og fjallagrösin. Allt þetta
og aukinheldur sjálfstæði Íslendinga
hvíli á visku og framsýni elítunnar.
Í málgagni hennar er haft eftir ein-
um talsmanni að „fyriræki myndu
hrynja“ ef farið yrði í verkfall. Og ráð-
herra velferðar segir að fólk þurfi að
læra betur að sjúga beinmerginn og
læra afneitun draumanna.
Að hafa vit fyrir alþýðunni
Fáfróð en kurteis alþýðan biðst af-
sökunar fyrir að vera til og að vera
stöðugt til ama. Segir að ef hún
mætti velja vildi hún frekar kjósa kjör
alþýðu frændþjóðanna. Hvort ekki
væri hægt að kenna norsku og grafa
göng til Noregs til að hún fengi að
kjósa með fótunum milli íslenskra og
norskra atvinnurekenda – og leysa í
eitt skipti fyrir öll vandamálin sam-
fara óbilgirninni og kröfuhörkunni.
Elítan svarar að í lýðræðinu séu
fulltrúar kosnir á þing til að hafa
vit fyrir alþýðunni. Hún sé nefni-
lega skert á viti (geti þó kosið full-
trúana) og eigi ekki að trufla elítuna
við að halda lífi í alþýðunni. Á svona
bull sé ekki hlustandi. Aukinheldur
þurfi íslensk menning á alþýðunni
að halda til að byggja Hörpuna og
jafnvel kaupa eina og aðra bók til að
upplagið standi undir sér. Ekki má
gleyma fjármálastofnunum, lífeyris-
sjóðum og sparifé alþýðunnar til að
fjármagna stórframkvæmdir eins og
Landeyjahöfn. Og að án fátækrar al-
þýðu væri ekki hægt að sýna mannúð
og gefa ölmusur.
Eldmóður elítunnar magnast
þegar talið berst að óreiðufólkinu í
lausamennsku þegar vistarböndin
voru sett á. Það gangi ekki að alþýð-
an hafi of mikið frelsi, hún geti lagst
í óreglu, óreiðu og farið sér að voða.
Og til að geta haldið uppi vinnu, frelsi
og sjálfstæði alþýðunnar verði elít-
an auðvitað að fá aðgang að ódýru
vinnuafli. Annars sé ekkert upp úr
þessu að hafa. Svo skáluðu menn
og hrópuðu þrefalt húrra fyrir eigin
ágæti og sungu Brennið þið vitar.
Söngurinn truflaður
Lítillátir og hógværir fulltrúar al-
þýðunnar – sem bera sig að eins og
fávitinn í sögu Dostojevskys – biðj-
ast afsökunar á að malda í móinn,
segja að íslensk alþýða geti varla ver-
ið skertari á vitsmunum en alþýða
frændþjóðanna því ættir sínar geti
hún rakið þangað. Það sé óréttlátt
að fá aðeins greitt 40 prósent af taxta
frændans í Noregi eða Danmörku.
Að það sé einfalt mál að gera samtök
launafólks að deildum í samböndum
frændþjóðanna og nota þeirra kjara-
samninga. Það sé ekki samboðið
æruverðugum og göfugum atvinnu-
rekendum að halda niðri kjörum al-
þýðunnar á Íslandi og lítið mál sé að
skipta þeim út. Segjast miklu frekar
vilja leggja sitt fé inn í norræna lífeyr-
issjóði eða banka til að fá sparnaðinn
óskertan til baka.
Þeir beygja sig og bugta og biðjast
velvirðingar á að hafa truflað söng
elítunnar.
Undir skínandi maísól
Kjallari
Sævar
Tjörvason„Svo skáluðu menn
og hrópuðu þrefalt
húrra fyrir eigin ágæti og
sungu Brennið þið vitar.