Dagblaðið Vísir - DV - 05.03.2012, Side 23
Afmæli 23Mánudagur 5. mars 2012
Búið að halda
stórkostlega veislu
Helena Árnadóttir læknir þrítug mánudaginn 5. mars
Lúðvík Gizurarson lögmaður verður áttræður þriðjudaginn 6. mars
L
úðvík er fæddur í Reykjavík 6.
mars 1932 sonur Dagmarar
Lúðvíksdóttur húsfreyju og
Hermanns Jónassonar for-
sætisráðherra.
„Það var skrautlegt og stundum
slæmt að vera sonur Hermanns
en mega ekki vera það. Móðir mín
sagði mér frá því að þegar hún átt-
aði sig á því að hún væri með barni
hefði henni verið brugðið en trú því
að engin klípa væri svo slæm að ekki
mætti nýta hana til góðs fann hún
lausn.
Hermann vildi ekki gangast við
mér opinberlega því hann taldi það
eyðileggja pólitíska framtíð sína að
eiga barn fram hjá hjónabandi með
starfskonu sinni og náfrænku konu
sinnar.
„Steingrímur hafði
aldrei roð í mig“
Þarna um morguninn þegar hún
áttaði sig á þungun sinni fann hún
farsæla lausn, Gizur Bergsteins-
son sem var skrifstofustjóri í dóms-
málaráðuneytinu hjá Jónasi frá
Hriflu hafði gefið henni auga og um
hádegið dreif hún sig á hans fund
og ræddi við hann um að hún vildi
halda barninu, ekki fara í fóstur-
eyðingu né gefa það frá sér. Hann
sagði henni að ef hún væri gift gæti
enginn gert neina kröfu á hana. Það
þarf ekki að orðlengja það að þau
höfðu gift sig hjá fógeta um kaffi-
leytið þann sama dag. Ég hef það því
frá móður minni að trúa á lífið og
lukkuna.“
Lúðvík var sem barn daglegur
gestur á heimili forsætisráðherra en
oft var stirt milli hans og Steingríms
og oftlega tekist á enda báðir þekktir
ákafamenn. „Steingrímur hafði
aldrei roð í mig þrátt fyrir að vera
fjórum árum eldri, það var miklu
meira af Hermanni í mér en honum.
Stundum reyndi hann að láta Clau-
senbræður jafna um mig en þeim
gekk það ekki heldur neitt,“ segir
Lúðvík og brosir við minningunni.
Kennedy þekkti vel
til Íslendingahópsins
Eftir menntaskóla hélt Lúðvík til
Bandaríkjanna í framhaldsnám í
rafmagnsverkfræði. Hann komst
í ruðningslið skólans og bauðst
íþróttastyrkur til að vera áfram við
skólann og í liðinu. En hann hafði
góðan grunn á að byggja eftir þrot-
lausar hnefaleika- og glímuæfingar
hér heima árum saman.
„Kannski er það stærsta stund
lífs míns þegar ég var í þessu liði,
við komum á Hilton-hótelið í
Buffalo og mig langaði óskaplega
mikið í bjór, ég dreif mig strax að
lyftunum til að komast upp í veit-
ingasalinn en við lyfturnar var röð
af öryggisvörðum og þar sem ég
var að fara að lyftunni potaði einn
þeirra við mér. Ég var kannski full-
fljótur á mér en ég losaði mig við
þá alla og fór í lyftuna. Þar var þá
sjálfur Kennedy ásamt Jacqueline
konu sinni.
Hann var þarna í forkosningum
til að fá útnefningu fyrir forseta-
kosningarnar, það var ekki með það
að mér var boðið í morgunverð með
honum morguninn eftir. Það var
skemmtilegur morgunverður, kom
í ljós að hann þekkti vel til í íslenska
sendiráðinu og til Íslendingahóps-
ins sem bjó í Boston en hann vildi
nota mig til að ná góðu sambandi
við þann hóp.
Dagblaðið aftur baráttutæki
Hann var ótrúlega kurteis og þægi-
legur maður og gjörþjálfaður því
á meðan við ræddum saman sagði
hann ekki eitt orð sem ekki gagn-
aðist honum í pólitík. Hann var
heillandi persóna og gaman að sjá
hann síðar verða forseta.“
Eftir nám í Bandaríkjunum fór
Lúðvík í lagadeild Háskóla Íslands.
Hann hefur sinnt ótrúlegum fjölda
opinberra starfa auk þess að reka
lögmannsstofu og fasteignasölu í
áratugi. Með fram þessu hefur hann
skrifað mikið í blöð og tímarit.
„Mér lætur vel að skrifa og í laga-
deildinni var ég ritstjóri Úlfljóts og
síðar starfaði ég á Alþýðublaðinu,
það var kannski magnaðasti skólinn
sem ég fór í. Það var mér því mikill
heiður þegar Dagblaðið var stofnað
og vantaði í það efni að Haukur,
vinur minn, Helgason blaðamaður
skyldi hringja í mig og biðja mig um
að skrifa greinar í blaðið, helst ein-
hverjar sem kölluðu á viðbrögð. Það
var skemmtilegt og ekki stóð á við-
brögðunum, maður lifandi.
Þá hafði allt aðsent efni verið rit-
skoðað af blöðunum en nú var kom-
inn nýr miðill sem var engum háður
og fljótlega sáu menn hvað blaðið
hafði gríðarleg áhrif á þjóðmálaum-
ræðuna og þeir sem ekki skrifuðu í
Dagblaðið voru bara ekki með í um-
ræðunni. Þetta var mikið fjör og nú
sýnist mér Dagblaðið vera orðið aft-
ur það baráttutæki sem það var.“
Sáttur við guð og menn
Mest allt sitt líf hefur Lúðvík barist
fyrir því að fá faðernið viðurkennt og
loks kom að því að hann hafði sigur
í því máli.
„Kannski var mér erfiðast á lífs-
leiðinni baráttan um að fá faðern-
ið viðurkennt og það var mér stór
stund þegar það var loksins klárað.
Kannski að maður sé andstæða
eineggja tvíbura, sem eins konar
tvíeggja einbirni. En ég er sáttur
við guð og menn núna þegar þetta
er frá. Það er áreiðanlega vont að
eldast ósáttur við lifið,“ segir Lúðvík
glaður á brá.
11. júní 1954 kvæntist Lúðvík
konu sinni, Valgerði Guðrúnu Ei-
ríksdóttur, en hún lést 18. júní 2008.
Börn þeirra eru Dagmar Sigríður
meinatæknir, Dóra læknir og Einar
skóg- og fiskræktarmaður.
Barnabörn þeirra eru Valgerður
Dóra læknanemi, Dagmar Helga
Verzlunarskólanemi, Valgerður
Saskia grunnskólanemi og Lilja Sig-
ríður leikskólanemi.
Lúðvík tekur á móti gestum á af-
mælisdaginn að heimili Dóru dóttur
sinnar að Grenimel 32 frá klukkan
16–19.
Stærsta stundin
að hitta Kennedy
Stórafmæli „Steingrímur
hafði aldrei
roð í mig þrátt fyrir
að vera fjórum
árum eldri
É
g er búin að halda stórkostlega
veislu með Björk Ólafsdóttur
vinkonu minni, við héldum
dúndurmagnaða sextíu manna
veislu til að fagna afmælum okkar.
Það var óendanlegt fjör hjá okkur
langt fram á nótt,“ segir Helena
Árnadóttir, læknir á Landspítalan-
um, sem í dag fagnar þrítugsafmæli
sínu.
Helena mun taka daginn eftir
venju og mæta í vinnu sína og gleðj-
ast þar með vinnufélögunum. „Ég
mun mæta með köku í vinnuna í
dag en fara svo út að borða með
pabba og mömmu, systrum mínum
og vinkonum í kvöld. Þetta verður
örugglega fínt þrátt fyrir að manni
standi ógn af þessum aldri, þetta er
nærri því að vera hræðileg tilhugs-
un,“ segir hún með bros á vör og
hyggur á góða gleði með fjölskyld-
unni sinni.
Foreldrar Helenu eru Árni Árna-
son vélstjóri og Dröfn Björnsdóttir
ferðamálafræðingur. Systkini henn-
ar eru Rebekka Árnadóttir, Birgitta
Hassell og Hörður Þorgilsson.
Afmælisbarnið
Hönnuður
óskast
DV ehf. leitar að áhugasömum og metnaðargjörnum
prent- og vefhönnuði. Reynsla af InDesign,
Photoshop og Flash er æskileg. Einnig þekking
á HTML, CSS og Javascript.
Viðkomandi þarf að geta hafið störf sem fyrst.
Umsóknir sendist á dv.is/atvinna/honnudur
Frestur er til og með 15. mars 2012.