Dagblaðið Vísir - DV - 05.03.2012, Page 24

„Gott að fá pressulaust hlaup“
n Kári Steinn Karlsson kom þriðji í mark í maraþonhlaupi á Ítalíu
É
g var nú eiginlega þreyttur frá
byrjun og ekkert að fíla mig neitt
glimrandi vel,“ segir langhlaup-
arinn Kári Steinn Karlsson sem
var nálægt því að bæta eigið Íslands-
met í maraþonhlaupi á sunnudag-
inn. Hann kom þriðji í mark í hlaupi
sem fram fór í Treviso á Ítalíu á tím-
anum 2:18,53 en Íslandsmetið er
2:17,21. Þetta er aðeins í annað skipt-
ið sem Kári hleypur maraþon en það
gerði hann fyrst í Berlín síðasta sum-
ar þegar hann sló Íslandsmetið. Þar
tryggði hann sér þátttökurétt á Ól-
ympíuleikunum í Lundúnum í sum-
ar.
„Ég er bara nokkuð sáttur með
þetta því ég hef verið í stífum æfing-
um og það sat í mér þreyta eftir síð-
ustu vikur og mánuði. Ég var strax
orðinn lúinn eftir 10–15 kílómetra en
það virðist vera góður styrkur í mér
því ég náði að halda mér þokkalega.
Það fór aðeins að hægjast á mér eft-
ir 20–30 kílómetra en ekkert að ráði,“
segir Kári sem notaði hlaupið í Trev-
iso til að prófa sig áfram.
„Ég var aðallega að hugsa um
drykkjainntöku og fá jákvæða upp-
lifun og það heppnaðist. Ég vildi ekki
setja neina pressu á mig. Það gerði
ég í Berlín og mun gera það aftur í
Lundúnum. Það var því gott að fá eitt
pressulaust æfingahlaup og þetta var
alveg frábært sem slíkt.“
Kári mun ekki hlaupa fleiri mara-
þonhlaup áður en hann heldur á Ól-
ympíuleikana í Lundúnum en mið-
að við árangurinn í Treviso sér hann
fram á að geta bætt Íslandsmetið aft-
ur þar. „Alveg hiklaust. Það er eng-
in spurning að ég stefni að því,“ seg-
ir hann en hversu sterkt var að ná
þriðja sætinu á Ítalíu?
„Þetta hlaup hefur verið sterk-
ara en samt var þetta alveg þokka-
legt. Þarna voru þrír Keníamenn og
tveir af þeim voru á undan mér. Svo
kom ég og einhver Bandaríkjamað-
ur í fjórða sæti sem var frekar langt
á eftir. Eftir á að hyggja var 3. sætið
bara nokkuð gott og ég er mjög sátt-
ur,“ segir Kári Steinn Karlsson sem
tekur því rólega næstu tvær vikurnar
áður en hann fer að gíra sig upp fyrir
lokaátökin. Ætlar hann meðal annars
í þriggja vikna æfingabúðir til Spánar
og mun hlaupa nokkur 10 kílómetra
hlaup sem og hálfmaraþon í undir-
búningi fyrir ÓL.
24 Sport 5. mars 2012 Mánudagur
Gerpla vann
Evrópumeistarar Gerplu í hópfim-
leikum fá tækifæri til að verja titil
sinn því stelpurnar urðu bikar-
meistarar í hópfimleikum kvenna
áttunda árið í röð á sunnudag.
Gerpla hlaut 50,70 fyrir æfingarnar
þrjár. Gerpla mætti aðeins einum
andstæðingi á mótinu en það var
lið Selfoss sem fékk 45,60 stig.
Gerpla vann einnig í blönduðum
flokki og í 1. flokki kvenna. Ármann
var eina liðið í meistaraflokki karla.
Villas-Boas
rekinn
Enska úrvalsdeildarliðið Chelsea
losaði sig við knattspyrnustjórann
Andre Villas-Boas á sunnudaginn
en tap gegn WBA á útivelli, 1–0,
fyllti mælinn. Villas-Boas kostaði
liðið 13 milljónir punda þegar
hann var keyptur frá Porto í sumar
og er talið að þetta ævintýri muni
kosta Chelsea 30 milljónir punda
því það þarf að greiða Portúgal-
anum háar fjárhæðir til að losna
við hann. Eftir frábært gengi með
Porto hefur Villas-Boas aldrei náð
tökum á Chelsea-liðinu og aðeins
unnið 19 af 40 leikjum sínum með
liðið. Roberto Di Matteo tekur við
liðinu og stýrir því út tímabilið.
Þrenna á
14 mínútum
Zlatan Ibrahimovic snéri aft-
ur með stæl í lið AC Milan um
helgina þegar liðið valtaði yfir
Palermo, 4–0, í ítölsku A-deild-
inni. Zlatan hafði klárað að af-
plána þriggja leikja bann en vegna
þess missti hann meðal annars
af stórleiknum gegn Juventus um
síðustu helgi. Zlatan tók sig til og
skoraði þrennu á aðeins fjórtán
mínútum í fyrri hálfleik en það var
síðan miðvörðurinn Thiago Silva
sem skoraði fjórða markið í seinni
hálfleik. AC Milan heldur enn
toppsætinu á Ítalíu með 54 stig en
erkifjendurnir í Juventus sem mis-
stigu sig og gerði aðeins jafntefli
gegn Chievo, 1–1, eru þremur stig-
um á eftir en eiga leik til góða.
Tómas Þór Þórðarson
tomas@dv.is
Fótbolti
Þ
etta er svona leynivopn sem
maður er með. Ég nota þetta
við sérstök tækifæri,“ segir
landsliðsframherjinn Alfreð
Finnbogason sem skoraði
fyrsta mark Lokeren í sigri á Wes-
terlo, 4–0, um helgina með skalla.
Hann er ekki þekktur fyrir þrumu-
skalla. „Svona að öllu gamni slepptu
er þetta fyrsta skallamarkið mitt í
mjög langan tíma. Það þarf að rekja
söguna langt til baka til að finna það
síðasta,“ segir Alfreð léttur. Alfreð
hefur verið úti í kuldanum í nokkr-
um tíma hjá þjálfara Lokeren eftir
að hafa verið lofað stærra hlutverki.
Hann svaraði kallinu eftir aðeins
átján mínútur í leiknum í gær með
marki og kom svo við sögu í tveimur
öðrum.
Hefur verið mjög þolinmóður
„Ég var búinn að bíða lengi eftir
þessu tækifæri og hef verið „mjög“
þolinmóður, svo vægt sé til orða tek-
ið. Þegar tækifærið kom var maður
ekkert að fara að sleppa því. Ég var
búinn að undirbúa mig lengi fyrir
þennan leik og gekk vel,“ segir Alfreð.
„Ég var nokkuð frískur í fyrri hálfleik
en í seinni hálfleik fjaraði þetta svo-
lítið út enda leikurinn búinn mjög
snemma.“
Hann segir síðustu vikur hafa ver-
ið erfiðar. „Þetta er búið að vera mjög
kómískt. Ég spilaði síðustu fimm
leiki fyrir vetrarhlé og svo í æfinga-
ferðinni tók þjálfarinn mig á eintal og
sagði að hann ætlaði að gera mig að
lykilmanni. Svo spilaði ég ekki fyrstu
sjö leikina eftir hléið þannig að ég
veit ekki hvað gerðist. Ég vil bara láta
verkin tala inni á vellinum en það er
erfitt þegar maður fær ekki að spila.
Þetta er búinn að vera mjög erfið-
ur tími en maður hefur styrkst mjög
mikið,“ segir Alfreð.
Fleiri Íslendingar en Brassar
Það þarf nánast hagfræðigráðu til að
skilja deildarfyrirkomulagið í Belgíu
en eftir að liðin fimmtán hafa spil-
að heima og að heiman gegn hvert
öðru er henni skipt upp í riðla. Efstu
sex liðin bítast þá um meistaratit-
ilinn en afar hæpið er að Lokeren
komist þangað inn þó enn sé séns.
„Við komum of seint inn í þetta. Við
klúðruðum okkar málum fyrr á tíma-
bilinu þannig að þetta er ólíklegt hjá
okkur. Við erum komnir í bikarúr-
slitaleikinn og hugur allra er þar.“
Alfreð er langt frá því eini Íslend-
ingurinn sem spilar í Belgíu en hef-
ur hann tekið eftir auknum áhuga
um Ísland eða meiri umfjöllun með
komu manna eins og Birkis Bjarna-
sonar? „Já, það eru held ég fleiri Ís-
lendingar hérna en Brassar eða Arg-
entínumenn. Alltaf þegar það kemur
einhver nýr Íslendingur er maður
spurður hvort við séum ekki bara
örugglega 300.000 manna þjóð.
Þeim sem aftur á móti þekkja til í
boltanum og hafa séð uppganginn
í íslenskri knattspyrnu kemur þetta
minna á óvart. En það er auðvitað
frábært þegar menn eins og Birkir
eru að koma hérna í stóru liðin og
standa sig svona vel,“ segir Alfreð.
Engin afsökun fyrir að skora ekki
Síðasta vika var Alfreð nokkuð góð
en hann kom einnig inn á sem vara-
maður í fyrsta alvöru landsleik Lars
Lagerbäck með Ísland og skoraði
jöfnunarmarkið í leiknum. „Það var
kærkomið að spila og ekki skemmir
fyrir að hafa skorað,“ segir Alfreð sem
hefði getað komið Íslandi yfir, 2–1, í
næstu sókn. „Það eru engar afsakn-
ir fyrir því. Ég á ekki að klúðra svona
færi,“ segir hann og hlær við. Hann
var ánægður með leikinn en vildi
vinna sigur.
„Það var leiðinlegt að vinna ekki
því við fengum færin. Við verðum að
vera venja okkur á að vinna leiki því
það léttir svo mikið á hópnum,“ seg-
ir Alfreð sem er ánægður með fyrstu
kynni sín af Svíanum. „Mér líst gríð-
arlega vel á hann. Ég held að allir
sem hafa komið nálægt honum tali
vel um hann. Hann er mikill fagmað-
ur og það er alltaf gaman að vinna
með þannig mönnum,“ segir Alfreð
Finnbogason.
n Alfreð Finnbogason fékk loks tækifæri með Lokeren og átti stórleik
Tók 18 mínútur
að svara kallinu
„Búið
að vera
mjög kómískt
Markaskorari Alfreð skoraði bæði fyrir
landsliðið og Lokeren í síðustu viku.
Mynd ToMaSz KolodziEjSKi
næsta stopp, lundúnir Kári hleypur
ekki fleiri maraþon fyrir átökin á ÓL.
Mynd HEiMaSÍða ÍR