Dagblaðið Vísir - DV - 23.04.2012, Qupperneq 21

n Rétt matarsamsetning getur haft margvísleg góð heilsufarsleg áhrif
Lífsstíll 21Mánudagur 23. apríl 2012
K
ona er nefnd Samantha Brick
og olli allnokkru fjaðrafoki í
athugasemdakerfi einhverra
breskra miðla og varð einn-
ig viðfang spjallþáttar á sjón-
varpsstöðinni ITV. Samantha Brick
er bresk en býr í Frakklandi og vann
sér til frægðar að senda frá sér pistil
á Daily Mail þar sem hún barmaði
sér vegna þeirra byrði sem hennar
eigin fegurð hafði lagt á hana; kon-
ur hreinlega hötuðu hana vegna út-
lits hennar.
Reyndar, sagði hún í pistlinum,
var ekki alslæmt að vera slíkt augna-
yndi því það var ekki óþekkt með öllu
að henni væri meinað að greiða fyrir
hitt og þetta. Máli sínu til stuðnings
sagði hún frá því er hún sat í mestu
makindum í flugvél og vissi ekki fyrr
en flugfreyja vatt sér að henni: „Þetta
er frá flugstjóranum,“ sagði flugfreyj-
an og rétti Samönthu eina flösku af
kampavíni, „hann vill bjóða þig vel-
komna um borð og vonar að flug-
ferðin verði þér ánægjuleg.“
Nú skyldi maður ætla að Sam-
antha hefði orðið hissa, en nei. „Þrátt
fyrir að þetta hafi verið indælt, þá
kom þetta ekki á óvart. Í það minnsta
ekki mér,“ segir Samantha í pistlin-
um.
Að drukkna í freyðivíni
Samantha segir í pistlinum að obb-
ann af fullorðinsárum sínum hafi
hún reglulega fengið freyðivínsflösk-
ur að borði sínu á veitingastöðum frá
karlmönnum sem hún kunni ekki
deili á.
„Eitt sinn borgaði vel klæddur
náungi lestarmiðann minn þegar ég
stóð fyrir aftan hann í röð, og í ann-
að sinn greiddi heillandi herramað-
ur fyrir mig fargjaldið þegar ég steig
út úr leigubíl í París,“ segir Samantha.
Samantha segir að hún hafi eitt
sinn gengið um Portobello Road-
markaðinn og þá fengið gefins
blómavönd. „Jafnvel barþjónar af-
þakka greiðslu þegar ég hyggst gera
upp reikninginn. Og í hvert sinn sem
ég spyr um ástæður þess segja gef-
endur þessara gjafa ávallt það sama:
að heillandi útlit mitt og fallegt bros
hafi bjargað deginum.“ Svo mörg
voru þau orð.
Sett út af sakramentinu
Samantha Brick segist svo sem ekki
líta út eins og fyrirsæta, og nefnir
Elle Macpherson, en „ég er hávaxin,
grönn og – er mér oft sagt – fal-
leg kona. […] En þeirri fegurð fylgja
ókostir – og þá fyrst og fremst einn;
sá að konur hata mig af engri ástæðu
annarri en að ég er falleg.“
Samantha segist ekki vera sjálf-
umglöð og hún daðri ekki en engu að
síður hafi margar vinkvenna hennar
sett hana út af sakramentinu vegna
þeirrar ógnar sem þær töldu hana
vera ef hún var nálægt eiginmönnum
þeirra: „Ef makar þeirra dirfðust svo
mikið sem að tala við mig þá kólnaði
skyndilega andrúmsloftið í stofunni.“
Að sögn Samönthu hafa kvenkyns
yfirmenn hennar einnig fyllst óör-
yggi vegna fegurðar hennar og haml-
að frama hennar.
„En það sem er átakanlegast er að
engin vinkona hefur nokkurn tím-
ann beðið mig að verða brúðarmær.
[…] Því miður fer ekkert meira í taug-
arnar á konum en að komast að því
að einhver önnur er mest aðlaðandi
stúlkan í herberginu.“
Að mati Samönthu eru einkum og
sér í lagi ungar, laglegar konur þyrnir
í augum kvenna sem finna aldurinn
færast yfir og blóma sumars víkja fyr-
ir hallandi hausti.
Logandi athugasemdakerfi
Í pistli sínum fer Samantha Brick
mikinn í gagnrýni í garð kynsystra
sinna og segist lifa í þeirri von að þær
hætti að dæma hana svona harka-
lega vegna fegurðar hennar þegar
árin færast yfir: „Nú er ég 41 árs og
sennilega ein örfárra kvenna sem
eru rétt skriðnar á fimmtugsaldurinn
sem fagna hrakandi útliti sínu. Ég get
ekki beðið eftir hrukkunum og gráa
hárinu sem hjálpa mér að falla inn í
bakgrunninn.“
Það þarf oft minna til að athuga-
semdakerfi netmiðla logi og nánast
undantekningalítið gekk Samantha
fram af lesendum Daily Mail og má
lesa nokkrar athugasemdir hér á síð-
unni. En pistillinn vakti víðar athygli
og Samönthu var boðið í This Morn-
ing, morgunþátt sjónvarpsstöðvar-
innar ITV, þar sem hún fékk tæki-
færi til að svara þeirri gagnrýni sem á
henni dundi í kjölfar pistilsins.
Annar þáttarstjórnenda, Eamonn
Holmes, stillti Samönthu fljótlega
upp við vegg er hann spurði: „Þú trú-
ir að þú sért falleg?“ Samantha fór
undan í flæmingi en Holmes gaf sig
ekki og að lokum svaraði Samantha:
„Já,ég geri það. Er það glæpur?“ Sem
Eamonn Holmes svaraði neitandi.
Hundsuð af nágrannakonu
Eamonn Holmes sagði að í ljósi þess
moldviðris sem pistill hennar hafði
valdið þyrfti Samantha jafnvel að
meðtaka þá staðreynd að stór hluti
bresks almennings og kvenna deildi
ekki trú og skoðun hennar. Sam-
antha vísaði þeirri fullyrðingu til föð-
urhúsanna: „Konur kunna ekki við
fallegar konur. Ég fékk hugmyndina
að pistlinum eftir að ég veifaði til
nágrannakonu minnar í Frakklandi,
synir hennar leika sér heima hjá mér,
og hún hundsaði mig með öllu. Þá
fór ég að hugsa hvernig konur sem
samfélag ráðast á fallegar konur.“
Kollega Holmes, Ruth Langsford,
var þá nóg boðið og sagði að hvorki
henni né hennar vinkonum væri í
nöp við fallegar konur. „En við þol-
um ekki hroka,“ sagði Ruth.
Sálfræðingur á vegum þáttarins,
Emma Kenny, tók undir orð Ruth og
sagðist aldrei hafa upplifað fjand-
skap vegna eigin útlits en Samantha
taldi fráleitt að kynsystur hennar
yrðu frábitnar henni við fyrstu kynni
vegna persónuleika hennar. „Þetta
[viðbrögðin við orðum hennar] fær-
ir sönnur á fullyrðingar mínar. Konur
kunna ekki við fallegar konur.“
Hrokafull og hofmóðug?
Ruth leiddi að því líkur að mat Sam-
önthu væri á misskilningi byggt og
það sem færi fyrir brjóstið á öðrum
konum þegar hún kæmi aðvífandi
væri ekki fegurð hennar heldur sú
staðreynd að hún væri hrokafull og
hagaði sér eins og hún væri yfir þær
hafin? „Það er ekki að við kunnum
ekki við fallegar konur, heldur kunn-
um við ekki við hrokafullar konur,“
sagði Ruth.
Þeir sem hringdu inn í þátt-
inn virtust í flestum tilfellum vera
sammála Ruth; að Samantha væri
„greinilega hrokafull“, „ókurteis og
hrokafull“ og „móðgun við konur“.
Og einn sjónvarpsáhorfenda benti
á að upphaflegi pistillinn hefði haft
þann agnúa að Samantha kastaði
húmor með öllu fyrir róða og hvergi
hefði borið á kaldhæðni í eigin garð.
Samantha var ekki sammála þeim
náunga og taldi pistilinn þvert á móti
hafa haft kímni til að bera sem og
merki þess að ekki ætti að taka hann
bókstaflega.
Samantha bætti við að hvað sem
liði neikvæðni athugasemda á net-
inu þá hefði einkapóstur hennar
og –skilaboð skipst til helminga á
milli neikvæðni og jákvæðni. Marg-
ir hefðu þakkað henni fyrir frásögn-
ina, þar á meðal fyrirsætur sem hittu
sjálfar sig fyrir í grein Samönthu.
Hvað varðaði viðbrögð sjónvarps-
áhorfenda vegna sjónvarpsþáttarins
sagði Samantha, full sjálfstrausts:
„Ég er lánsöm, ég bý í sveitaþorpi í
Frakklandi. Meðalaldurinn er 72 ár.
Það verður í lagi með mig.“
Í leiðara Stylist-tímaritsins, sem
bar yfirskriftina Okkur er ekki illa
við þig, Samantha Brick, er bent á
áhugavert sjónarhorn: „Það er okk-
ar skoðun að Samantha Brick kunni
að hafa verið óheppin hvað varðar
vini og vinnufélaga, en þessi grein
er bara enn eitt dæmið um konur
sem ráðast á konur – nákvæmlega
það sem Samantha er að kvarta
yfir.“
Byggt á umfjöllun Daily Mail
Spegill, spegill …
n Sjálfsöryggi er talið hið besta mál n Sjálfsánægja er yfirleitt litin hornauga
„En þeirri fegurð
fylgja ókostir – og
þá fyrst og fremst einn;
sá að konur hata mig
vegna einskis annars en
góðs útlits míns.
Fegurð er afstæð Mörgum þykir sem mikils misskilnings gæti í röksemdafærslu Samönthu Brick.
Fegurð er ekki í andliti fólgin „Já,ég geri það. Er það glæpur?“ svaraði Samantha
aðspurð hvort hún teldi sig fallega.
Ummæli hjá
Daily Mail
Dæmi um ummæli úr athugasemdakerfi
Daily Mail við grein Samönthu Brick
n jæja hver ætlar að verða fyrstur til að
segja það …
- alan, New York
n Ég myndi ekki segja hana ljóta, en
hún er svo sannarlega ekki fallegasta
konan þarna, og sem kona er ég ekki
hið minnsta afbrýðisöm út í hana. Hún
er hrokafull persóna og ég held að hún
ruglist á hroka og öryggi […] en ég trúi
ekki eitt andartak að henni hafi, bara
si sona, verið gefin kampavínsflaska
um borð í flugvél fyrir að vera falleg
og að ókunnugur maður hafi greitt
leigubílsfargjald fyrir hana, vægast sagt
undarlegt.
- Lauren , Leicester
n Vá, fólk hefur heldur betur tekið Sam-
önthu af lífi vegna þess að hún deildi
persónulegri reynslu sinni. Við lestur
þessara athugasemda verð ég undrandi
á að ekki taki fleira fólk undir orð hennar.
Ég viðurkenni fúslega að mér fannst á
árum áður ég vera ófullkomin, og var
afbrýðisöm og full vanþóknunar í garð
kvenna sem voru aðlaðandi og hugsuðu
um útlit sitt. Síðar gerði ég mér grein
fyrir því að tilfinningar mínar í garð þess-
ara kvenna áttu ekki að vera neikvæðar,
en ég þyrfti að líta mér nær og spyrja hví
ég hugsaði svona.
- Rachel G, Rotherham, England
n Fegurð er bara ytra byrði, en ljótleiki
dafnar hið innra. Hrokinn og sjálfbirg-
ingshátturinn hjá þessari konu er með
ólíkindum. […] Hroki og sjálfsálit gera
þessa konu mjög mjög ljóta.
- TLC, Hampshire
n Þetta er grín, ekki satt? 1. apríl
nokkrum dögum of seint? Alveg
frábært, „átakanlegi“ kaflinn um að vera
aldrei beðin að vera brúðarmær er alveg
meiri háttar fyndinn. Ég tek ofan fyrir
raunverulegum höfundi þessa pistils.
- Helen, Höfðaborg, Suður-Afríka
n Ég ætlaði að segja að það væri örugg-
lega eitthvað sem ég skildi ekki, og að ég
teldi frú Brick bara miðlungsfallega og
að ég gæti ekki lagt trúnað á sumt sem
hún segir. En hún myndi eflaust segja að
ég væri afbrýðisöm, svo ég sleppi því …
- Gina Hearn, Prag, Tékkland
n OMG (Guð minn góður) meinar
þessi kona þetta? Hvern telur hún sig
vera? Ég þekki og hef séð fjölda meira
aðlaðandi kvenna en hún er. Sjálfsmat
hennar er svakalegt. Hættu að blekkja
þig gæskan. Þú munt ekki sigra í Ungfrú
alheimi á næstunni!
- MaryAnn, Nýja-Sjálandi