Dagblaðið Vísir - DV - 09.05.2012, Blaðsíða 11

Plott Framsóknar og Kaupþings
Uppgjörið á Gift
bak við luktar dyr
Fréttir 11Miðvikudagur 9. maí 2012
F
ulltrúaráð Eignarhaldsfélags
Samvinnutrygginga, sem
Finnur Ingólfsson, Valgerð-
ur Sverrisdóttir og Helgi S.
Guðmundsson eiga meðal
annarra sæti í, hefur ákveðið að slíta
félaginu. Félagið var eini eigandi
fjárfestingarfélagsins Giftar sem
fjárfesti meðal annars í hlutabréf-
um í Kaupþingi í árslok 2007. Þetta
kemur fram í tilkynningu til ríkis-
skattstjóra sem birt er í Lögbirtinga-
blaðinu. Eigið fé Giftar er neikvætt
um rúmlega 56 milljarða króna og er
fyrirhugað að slíta því.
Orðrétt segir í auglýsingunni í
Lögbirtingablaðinu: „Á lögmætum
fundum fulltrúaráðs 29. febrúar
2012 og 7. mars 2012 í neðangreindu
félagi var ákveðið að slíta félaginu.
Voru þau Guðsteinn Einarsson, kt.
050654-4949, og Ragnheiður Þor-
kelsdóttir hdl., kt. 311278-5419,
kjörin í skilanefnd. Voru þau í kjöl-
farið löggilt til starfans af hluta-
félagaskrá ríkisskattstjóra.“ Kröfu-
lýsingar í bú félagsins skulu sendar
á lögmannsstofuna ADVEL á Suður-
landsbraut 18.
Gert á sömu lögmannsstofu
Athygli vekur að slit Eignarhalds-
félags Samvinnutrygginga munu
fara fram á sömu lögmannsstofu og
stofnaði félagið og hýsti það, ADVEL
á Suðurlandsbraut 18 sem Kristinn
Hallgrímsson hæstaréttarlögmað-
ur hefur stýrt um árabil. Annar af
skilanefndarmönnum Eignarhalds-
félags Samvinnutrygginga, Ragn-
heiður Þorkelsdóttir, er starfsmaður
ADVEL. Hinn skilanefndarmaður-
inn, Guðsteinn Einarsson, er kaup-
félagsstjóri í Borgarnesi og meðlim-
ur í fulltrúaráði Eignarhaldsfélags
Samvinnutrygginga. Sömu aðilar og
stofnuðu félagið og stýrðu því munu
því ganga frá uppgjörinu á Eignar-
haldsfélagi Samvinnutrygginga.
Líkt og komið hefur fram í fjöl-
miðlum hefur Gift gert nauðasamn-
ing við lánardrottna sína. Nauð-
samningurinn var samþykktur í lok
árs í fyrra og formlega staðfestur með
úrskurði Héraðsdóms Reykjavíkur í
janúar síðastliðnum. Nauðasamn-
ingurinn felur í sér að allar eign-
ir félagsins verða greiddar til lán-
ardrottna þess. Lögmannsstofan
ADVEL hefur einnig haft umsjón
með nauðasamningsumleitunum
Giftar, líkt og uppgjörinu á Eign-
arhaldsfélagi Samvinnutrygginga.
Líkt og áður segir er eiginfjárstaða
félagsins neikvæð um rúmlega 56
milljarða króna og var tap félags-
ins nærri 6,8 milljarðar króna árið
2010. Kröfuhafar Giftar munu því
ekki fá mikið upp í skuldir sínar.
Tryggingatakarnir sitja eftir
Sögu fjárfestingarfélagsins Giftar
má rekja aftur til ársins 2007. Þá var
Gift búið til utan um eignir trygg-
ingafélagsins Samvinnutrygginga.
Félagið var með um 30 milljarða
króna í eigið fé. Stærstu hluthaf-
ar félagsins á þeim tíma voru Sam-
vinnusjóðurinn, Samband íslenskra
samvinnufélaga og KEA. Rætt var
um það á þeim tíma að greiða ætti
20 milljarða af þessum 30 milljörð-
um til í kringum 40 þúsund trygg-
ingataka, einstaklinga og lögaðila,
sem áttu hlut í Samvinnutrygging-
um. Skiptin á félaginu drógust hins
vegar en upphaflega átti þeim að
ljúka haustið 2007. Hluthafar Giftar,
meðal annars 40 þúsund trygginga-
takar, fengu því aldrei þá fjármuni
sem þeim hafði verið lofað. Í stað
þess fjárfesti Gift í umtalsverðum
hlut í Kaupþingi í árslok 2007. Um
var að ræða hlut sem hafði áður ver-
ið í eigu fjárfestingarfélagsins Gnúps
sem lenti í rekstrarerfiðleikum í lok
árs 2007.
Málefni Giftar hafa verið til skoð-
unar hjá embætti sérstaks sak-
sóknara, aðallega hvernig kaupum
félagsins á Kaupþingsbréfunum var
háttað en nokkrir af helstu stjórn-
endum Giftar höfðu unnið með eig-
endum stærsta hluthafa Kaupþings
í tryggingafélaginu VÍS á árunum
fyrir hrunið. Nokkur tengsl voru því
á milli stjórnenda Giftar og eigenda
Kaupþings.
n 56 milljarða skuldir Giftar n Finnur í fulltrúaráðinu
„Á lögmætum
fundum fulltrúa-
ráðs 29. febrúar 2012 og 7.
mars 2012 í neðangreindu
félagi var ákveðið að slíta
félaginu.
n Sérstakur saksóknari rannsakar Gift n Lýður ræddi við Giftarmenn
fyrir bankann að liðka fyrir sölunni
á bréfunum með lánveitingum.“
Hagsmunir Lýðs
Rannsókn Giftarmálsins er vel á veg
komin hjá embætti sérstaks saksókn-
ara en er ekki lokið samkvæmt heim-
ildum DV. Meðal þess sem embættið
mun örugglega beina sjónum sínum
að er aðkoma Lýðs Guðmundssonar
að Giftarviðskiptunum sem rætt er
um hér. Aðkoma Lýðs sýnir þá beinu
tengingu sem stærsti hluthafi bank-
ans hafði við söluna enda átti hann
ríkra hagsmuna að gæta vegna eign-
arhlutar Exista í Kaupþingi. Lækkun
bréfa í Kaupþingi hefði komið sér illa
fyrir bæði Lýð og Exista.
Uppgjör bak við luktar dyr Uppgjör eignarhaldsfélagsins Giftar og móðurfélags
þess, Eignarhaldsfélags Samvinnutrygginga, fer fram á lögmannsstofu Kristins Hall-
grímssonar á Suðurlandsbraut 18. Kristinn hefur um árabil unnið náið með Finni Ingólfs-
syni og Ólafi Ólafssyni og fleiri aðilum tengdum Framsóknarflokknum.
Þinglýstum
leigusamningum
fækkar milli ára
Heildarfjöldi þinglýstra leigu-
samninga um íbúðarhúsnæði
fækkaði um 27,6 prósent á milli
mars og apríl á þessu ári. Lækk-
unin nemur 18 prósentum á milli
apríl 2011 og apríl í ár. Mestur
samdráttur er á Austurlandi en
þar fækkaði þinglýstum húsa-
leigusamningum úr fimmtán í
mars í fjóra í apríl. Þetta sýna tölur
sem Þjóðskrá hefur tekið saman.
Langflestum samninganna var
þinglýst á höfuðborgarsvæðinu og
nam fækkunin á þeim 26,8 pró-
sentum á milli mánaða. Samning-
arnir voru 350 í apríl 2012, 478 í
mars 2012 en 413 í apríl á síðasta
ári. Næstflestir samninganna voru
gerðir á Suðurnesjum en þar nam
samdrátturinn 32,3 prósentum á
milli síðustu tveggja mánaða.
Auka stuðning
við íþróttamenn
Á fundi ríkisstjórnar Íslands á
Egilsstöðum á þriðjudag var sam-
þykkt að auka stuðning ríkisins við
Íþrótta- og Ólympíusamband Ís-
lands (ÍSÍ) vegna undirbúnings og
þátttöku íslenskra íþróttamanna á
ólympíuleikunum í London um 15
milljónir króna.
Gert er ráð fyrir að 29 íþrótta-
menn taki þátt í leikunum fyrir Ís-
lands hönd í sex íþróttagreinum.
Við þennan hóp bætast fararstjór-
ar, flokksstjórar, þjálfarar, læknar,
sjúkraþjálfarar og önnur fagteymi
alls um 26 manns. Heildarkostn-
aður ÍSÍ er áætlaður um 100 millj-
ónir króna og verður hann að
mestu greiddur úr Afrekssjóði ÍSÍ
auk þess sem ýmis sérsambönd
innan íþróttahreyfingarinnar hafa
veitt fjármagni til verkefnisins.
Í fjárlögum ársins 2012 er
stuðningur ríkissjóðs við ÍSÍ og
sérsambönd innan þess 156
milljónir króna og er því um 10
prósenta hækkun á heildarfram-
lögum. Með samþykkt fjárlaga
ársins 2012 voru framlög ríkisins
til Afrekssjóðs ÍSÍ hækkuð um 40
prósent, úr 24,7 milljónum króna í
34,7 milljónir.
Lýður
Guðmundsson
var eitt sinn stærsti
eigandi Exista.
Hreiðar Már
Sigurðsson
fyrrverandi
forstjóri Kaup-
þings.