Dagblaðið Vísir - DV - 18.05.2012, Blaðsíða 29

Erlent 29Helgarblað 18.–20. maí 2012
„Allir reyndu að bjarga börnunum“
n Sautján barna faðir missti sex börn í eldsvoða
M
ick Philpott, sautján barna
faðir í Derby í Bretlandi, brast
í grát á blaðamannafundi á
miðvikudag og lái honum
hver sem vill. Hann missti sex börn í
hræðilegum eldsvoða fyrir viku. Talið
er að bensíni hafi verið hellt inn um
bréfalúgu á heimilinu og eldur borinn
að. Mick og eiginkona hans Mairead
voru aðframkomin af sorg þar sem þau
reyndu að svara spurningum blaða­
manna en náðu að þakka slökkviliði
borgarinnar fyrir að reyna sitt besta við
að slökkva bálið.
Mick Philpott var á heimili sínu í Al­
lenton í Derby þegar eldurinn kom upp
snemma föstudagsmorguninn 11. maí.
Hann vaknaði við að reykskynjarinn á
neðri hæð hússins fór í gang og reyndi
allt hvað hann gat til að bjarga börnum
sínum út hið snarasta. Húsið stóð í ljós­
um logum og þar sem þau hjónin eiga
17 börn var nánast óvinnandi verk fyrir
föðurinn að bjarga þeim öllum. Fimm
létust af völdum reykeitrunar á vett­
vangi og þurftu hjónin að taka þá erf­
iðu ákvörðun að slökkva á öndunarvél
þess sjötta á sjúkrahúsi. Samúðin er
mikil með fjölskyldunni og málið hefur
vakið gríðarlegan óhug í Bretlandi sem
og víðar enda óhugnanlegt ef rétt reyn­
ist að kveikt hafi verið í húsinu.
„Í fyrsta lagi vil ég þakka elstu
þremur börnunum fyrir að hjálpa okk­
ur við að komast í gegnum þetta,“ sagði
Mick augljóslega bugaður. Hann þakk­
aði þá öllum sem komu á vettvang og
hjálpuðu. „Það reyndu allir að bjarga
börnunum okkar. Við getum aldrei
þakkað þeim nóg. Það erum ekki bara
við sem höfum mátt þjást vegna þessa,
þeir hafa gert það líka.“
S
amkvæmt tíðindum í fjöl­
miðlum í Danmörku verður
ekkert helgt talið í þríhliða
viðræðum ríkisstjórnar,
stéttarfélaga og samtaka at­
vinnulífsins þegar sest verður nið­
ur með það markmið að finna fjóra
milljarða danskra króna fyrir tilstilli
aukins „vinnuframboðs“ (d. arbejds­
udbud).
Samkvæmt vefsíðu BT sýna út­
reikningar danska vinnuveitenda­
sambandsins, DA, og Viðskiptaráðs
Danmerkur að framboð starfskrafta
gæti aukist sem næmi 10.000 manns
og tekjur þar af gætu numið tveimur
milljörðum danskra króna ef kóngs­
bænadagur, einn og sér, yrði lagður
niður.
Hugtakið „arbejdsudbud“ og
merking þess er nokkuð á reiki hjá
Dönum en það var innleitt í tíð Claus
Hjort Frederiksen í embætti atvinnu­
málaráðherra og hefur þann kost að
það getur þýtt ýmislegt.
Á vefsíðunni ledigesvilkaar.dk eru
viðraðar vangaveltur um hvort Claus
Hjort hafi verið að tala um fleiri störf/
vinnandi menn – eins og margir túlk­
uðu hugtakið, og gera enn – eða
meiri vinnu á þá sem hafa vinnu fyrir.
Á vefsíðu Berlingske eru leiddar
að því líkur að einhverjir helgidag­
ar verði felldir niður og fái annan lit
en rauðan á dagatalinu. Tilgangur­
inn væri að finna auka fjóra millj­
arða danskra króna. Því markmiði
má sennilega ná hvort heldur sem er
með aukinni vinnu og framleiðni af
hálfu þeirra sem hafa vinnu eða með
fjölgun vinnandi manna og auknum
tekjum þar af.
Í athugasemdakerfi á þeim
dönsku síðum sem fjalla um málið
má víða sjá ólíkan skilning sem lagð­
ur er í hugtakið.
Helgidagar undir hnífinn
Samkvæmt Berlingske nýtur sú skoð­
un mikils fylgis innan ríkisstjórnar­
innar og stéttarfélaganna að fara
róttæka og án efa umdeilda leið. Sú
leið felur í sér að afhelga ekki ein­
asta kóngsbænadag (d. store bede­
dag), sem fellur á fjórða föstudag frá
páskum, heldur einnig annan í hvíta­
sunnu eða skírdag.
Ástæða þess að þessi leið er talin
vænlegur kostur er, samkvæmt Berl­
ingske, í fyrsta lagi að helgidögum
fækkar og allir – frá launþega á tíma­
launum til yfirmanns – bera hitann
og skila meiri vinnu.
Í annan stað þarf forysta stéttar­
félaganna ekki að hafa fyrir því að
láta skjólstæðinga sína taka afstöðu
til fækkunar, því ákvörðunin verður
tekin á þingi.
Síðast en ekki síst munu nást fram
nánast öll fjáraukaáform sem áður­
nefndir þríhliða samningar munu
miða að.
Alls ekki tímabært
Á vefsíðu Berlingske er haft eftir Gretu
Christensen, formanni samtaka hjúkr­
unarfræðinga, að engan veginn sé
tímabært að fara þessa leið nú þegar
atvinnuleysi er mikið. „Ég vil ekki biðja
mitt fólk um að vinna meira á sama
tíma og verið er að reka kollega þess.
Og það fyrsta sem við verðum að vera
sammála um í þessum þríhliða við­
ræðum er hvenær er þörf fyrir fleiri
á vinnumarkað. Umræðuna um tvo
helgidaga eða eitthvert annað módel
getum við tekið í kjölfarið,“ sagði Greta.
Kim Simonsen, sem fer fyrir HK­
stéttarfélaginu, er opinn fyrir því að
slátra einum helgidegi í viðræðunum,
en tveir helgidagar eru að hans mati
of mikið: „Ef einn helgidagur verður
vandamál, þá verða tveir helgidag­
ar helmingi meira vandamál, ef við
sjáum ekki hvað við fáum fyrir þá.“
Formaður FOA­stéttarfélags, eins
hins stærsta í Danmörku, Dennis
Kristensen, hugnast ekki að hróflað sé
við helgidögunum yfirhöfuð.
Með blessun klerkastéttarinnar
Ef kóngsbænadegi verður kastað
fyrir róða hvað helgi varðar er útlit
fyrir að það verði gert með blessun
klerkastéttarinnar.
Karen­Bolette Berg, sóknarprest­
ur Lindehøj­kirkju í Herlev, norð­
vestur af Kaupmannahöfn, sér fátt
því til fyrirstöðu að kóngsbænadagur
verði tekinn til endurskoðunar. „Frá
trúarlegu sjónarhorni er afar erf­
itt að færa rök fyrir því að haldið sé
í kóngsbænadag, því um er að ræða
helgidag sem tengist ekki viðburði í
kristnidómi,“ er haft eftir séra Berg á
vefsíðu BT.
Samkvæmt umfjöllun á vefsíðu
BT deila margir kollega séra Karenar­
Bolette Berg þessari skoðun og eru
Viborg á Jótlandi og Kaupmanna­
höfn nefndar í því sambandi.
Prestarnir benda á að þar sem til­
urð kóngsbænadags megi rekja til
konunglegrar tilskipunar sem var lög­
fest árið 1686, og dagurinn þá hugs­
aður sem sérstakur bænadagur fyrir
allt danska ríkið, sé það engum vand­
kvæðum bundið að leggja hann niður.
Dagurinn – „sérstakur, almenni­
legur bænadagur“ – var reyndar hug­
mynd Hans Bagger, sem var biskup í
Hróarskeldu frá 1675 til 1693.
Böggull fylgir skammrifi
Það má teljast nokkuð ljóst að kóngs­
bænadagur er vænlegur fyrsti kostur
ef leggja á einhverja helgidaga niður,
en böggull fylgir skammrifi. Þannig
er nefnilega mál með vexti að fjöldi
danskra fjölskyldna kýs þann dag
fram yfir aðra til að láta ferma börn
sín.
Ástæðuna má að hluta til rekja
til þess að í kjölfar kóngsbæna­
dags fylgir löng helgi og því tilvalið
og hægara um vik að safna stórfjöl­
skyldunni á einn og sama stað. Ef um
venjulegan sunnudag væri að ræða
gæti það orðið þrautin þyngri.
Í viðtali við BT sagði Andreas
Christensen, sóknarprestur í Frí­
hafnar­kirkjunni á Austurbrú, að
flestar fermingar sem heyrðu und­
ir hann færu fram á kóngsbæna­
degi og kollega hans á Jótlandi,
Marianne Koch við Viborgar­dóm­
kirkjuna tók undir orð hans – að
kóngsbænadagur væri vinsæll sem
fermingardagur. Marianne benti
einnig á að margar fjölskyldur
kynnu að lenda í vandræðum ef
kóngsbænadagur yrði lagður niður
– ekki síst vegna þess að margar fjöl­
skyldur hefðu fyrir þó nokkru pant­
að veislusali sem væru ekki á hverju
strái á þessum slóðum.
n Helgidagar hugsanlega skiptimynt á dönskum atvinnumarkaði
Hart sótt að
helgidögum
Møgeltønder-kirkjan í Danmörku Stjórnvöld og aðilar vinnumarkaðarins í Danmörku
hyggjast fórna helgum dögum á altari aukinna tekna.
Kolbeinn Þorsteinsson
blaðamaður skrifar kolbeinn@dv.is
Handtekin
fyrir kynlíf
Breski mannauðsráðgjafinn Re­
becca Blake sér fram á allt að
þriggja ára fangelsi fyrir að hafa
verið handtekin við að stunda
kynlíf í leigubíl. Hin 29 ára gamla
Blake hafði kynnst írskum manni
á írskum hótelbar í Persaflóaríkinu
Dúbaí, þar sem aðeins kostar tvö
þúsund krónur að fá ótakmarkaða
drykki. Eftir 12 tíma drykkju end­
aði hún í leigubíl með manninum,
með fyrrgreindum afleiðingum.
Leigubílstjóranum var misboðið
og kallaði hann á lögreglu. Dúbaí
er vinsæll áfangastaður hjá vest­
rænum ferðamönnum, en þar eru
ölvun á almannafæri og kynlíf utan
hjónabands alvarlegir glæpir.
Hvítir verða
í minnihluta
Komið er að tímamótum í kyn­
þáttasögu Bandaríkjanna. Í fyrsta
skiptið eru hvítir í minnihluta með
tilliti til barnsfæðinga í landinu.
Fæðingar þeldökkra, suðuramer­
ískra og asískra eru nú 50,4 prósent
allra barnsfæðinga í landinu. Frá
árinu 2008 hefur fæðingum hvítra
fækkað um 11 prósent, en fæðingar
„minnihlutahópa“ eru aðeins 3,2
prósentum minni. Nú flokkast
36,6 prósent íbúa landsins undir
minnihlutahópa, en það stefnir í að
minnihlutinn verði meirihluti.
Spánn á
ystu brún
Lánsfjárkostnaður spænska
ríkisins hefur tvöfaldast og titr­
ingur er á fjármálamörkuðum í
allri Evrópu vegna þess. Óttast
er að Spánn sé næsta Grikk­
land og endi á gjörgæslu vegna
efnahagsástandsins.
Nýjar tölur sýna að þjóðar­
framleiðsla Spánar minnkaði
um 0,3 prósent á fyrsta árs­
fjórðungi. Atvinnuleysi er 24
prósent, þar af eru 51 prósent
ungmenna frá 15 til 24 ára
aldurs atvinnulaus. Leiðtogar
helstu Evrópuríkja funduðu
um þetta og ástandið á Grikk­
landi í myndsímtali í gær.
Frakki án útlima
syndir milli álfa
Franskur maður, sem missti
hendur og fætur þegar hann
fékk raflost við að laga sjón­
varpsloftnet á þaki húss síns
fyrir átján árum, hefur hafið þá
þrekraun að synda á milli fimm
heimsálfa. Philippe Croizon
fór fyrsta legg leiðarinnar, milli
Papúa Nýju­Gíneu og Indónes­
íu, eða Ástralíu og Asíu, á sjö og
hálfum tíma. Leiðin er 20 kíló­
metrar. „Þetta var mjög, mjög
erfitt,“ sagði Croizon eftir sund­
ið. Næst syndir hann milli Jórd­
aníu og Egyptalands í Aqaba­
flóa, svo Gíbraltar og Marokkó,
og að lokum yfir Beringssund
milli Alaska og Rússlands.
Gríðarleg sorg Philbott-hjónin þökkuðu öllum sem reyndu að bjarga börnunum í elds-
voðanum hræðilega í síðustu viku. MynD: SkjáSkot Af DAily MAil