Dagblaðið Vísir - DV - 18.05.2012, Blaðsíða 8

8 Fréttir 18.–20. maí 2012 Helgarblað
Leigubílstjóri með óra dæmdur
n Framdi skyndilegt kynferðisbrot á Austurvelli eftir að hafa lent í tjóni með bílinn sinn
H
æstiréttur dæmdi á miðviku­
dag leigubílstjórann Ólaf
Guðmundsson í átján mán­
aða óskilorðsbundið fang­
elsi fyrir nauðgun konu á Austur­
velli þann 3. maí í fyrra. Ólafur, sem
fæddur er árið 1981, þarf einnig að
greiða konunni 700 þúsund krónur
í skaðabætur. Staðfesti Hæstiréttur
þar með dóm Héraðsdóms Reykja­
víkur frá því í september í fyrra. Mál­
ið vakti gríðarlega athygli þegar það
kom upp enda þykir það sérstakt.
Þannig var mál með vexti að kon­
an var stödd ásamt vinafólki á Aust­
urvelli þegar hún ákvað að kasta af
sér vatni. Ólafur sem var að vinna við
leigubílaakstur þessa nóttina kom
skyndilega aftan að konunni meðan
hún var að pissa og stakk fyrirvara­
laust tveimur fingrum sínum inn
í endaþarm hennar. Konan hrökk
skiljanlega við og spurði hvað Ólafi
gengi til sem hún sagði hafa hlaup­
ið hlæjandi á brott, látið sig hverfa
upp í leigubílinn sinn og ekið af vett­
vangi.
Ólafur neitaði ávallt að um hefði
verið að ræða nauðgun, en játaði að
hafa veist að konunni. Kvaðst hann
hafa verið að fá útrás fyrir reiði og
kynferðislega óra þegar hann réðst
á konuna. Fram kom í dómi hér­
aðsdóms á sínum tíma í skýrslu sál­
fræðings að Ólafur hafi þegar brot
hans átti sér stað átt við fjárhags­
vanda að stríða og að hann hefði
snöggreiðst við að tjóna bílinn sinn.
Í skýrslu sálfræðingsins kom einn­
ig fram að Ólafur hafi um nokkurt
skeið haft óeðlilega kynferðislega
„fantasíu sem hafi tengst hugsunum
um konur sem hefðu þvaglát og hafi
sú ímynd örvað hann kynferðislega.“
Sálfræðingurinn tók einnig fram að
Ólafur ætlaði að gangast undir meðferð
vegna þessara tilfinninga og hegðunar.
Bæði héraðsdómur og Hæstirétt­
ur töldu að háttsemi mannsins teld­
ist vera kynferðismök í skilningi al­
mennra hegningarlaga og sakfelldu
hann fyrir nauðgun.
Kaupir laugina
og íþróttahúsið
E
nn leikur vafi á rekstrarhæfi
sveitarfélagsins Álftaness
þrátt fyrir að fjárhagstaða
þess hafi skánað nokkuð á
milli ára. Í fyrsta skipti frá ís­
lenska bankahruninu árið 2008
dugðu tekjur sveitarfélagsins fyrir
útgjöldum. Skuldir Álftaness nema
nú rösklega 5,7 milljörðum króna
en þær má meðal annars rekja til
byggingar glæsilegrar sundlaugar og
íþróttahúss fyrir hrunið. Þetta kemur
fram í ársreikningi sveitarfélagsins
sem undirritaður var í bæjarstjórn
þann 14. maí síðastliðinn.
Bæjarstjóri Álftaness, Pálmi Þór
Másson, er bjartsýnn á framtíð bæj­
arins í ljósi þess að nýverið var lokið
við fjárhagslega endurskipulagningu
hans með samningum við Eignar­
haldsfélagið Fasteign. Endurskipu­
lagningin felur meðal annars í sér
að bærinn kaupir sundlaugina og
íþróttahúsið í bænum af fasteigna­
félaginu. Staða Álftaness í ársreikn­
ingnum er hins vegar dökk.
Fjárhaldsstjórn stýrir sjóðnum
Í skýrslu endurskoðanda bæjarins,
Grant Thornton, er lýsing á stöðu
sveitarfélagsins þar sem gerður er
fyrirvari við álit endurskoðandans á
reikningnum. Orðrétt segir þar: „Eins
og fram kemur í skýrslu stjórnar og
skýringu 38 í ársreikningi sveitar­
félagsins á sveitarfélagið í miklum
greiðsluerfiðleikum. Bæjastjórn Álfta­
ness sendi Eftirlitsnefnd með fjár­
málum sveitarfélaga (EFS) tilkynn­
ingu, í nóvember 2009, þess efnis að
sveitarfélagið væri komið í fjárþröng
og að bæjarstjórn teldi sér eigi unnt
að standa í skilum. Að tillögu EFS
skipaði ráðherra sveitarfélaginu fjár­
haldsstjórn þann 8. febrúar 2010 með
skipunartíma til 1. ágúst 2010. Fjár­
haldsstjórn er nú skipuð til 2. júlí 2012.
Fjárhaldsstjórn tók við stjórn fjármála
sveitarfélagsins og er bæjarstjórn
óheimilt að inna greiðslur af hendi úr
bæjarsjóði án samþykkis hennar. Því
ríkir veruleg óvissa um áframhaldandi
rekstrarhæfi sveitarfélagsins.“
Samkvæmt vinnureglum fjárhalds­
stjórnarinnar sem eftirlitsnefnd með
fjármálum sveitarfélaga skipaði, má
bæjarstjórn Álftaness ekki nota fjár­
muni bæjarins nema með samþykki
hennar. Álftanesbær þarf að sýna fram
á hallalausan rekstur eigi síðar en á
næsta ári samkvæmt tilmælum eftir­
litsnefndarinnar.
Endurskipulagningu lauk ekki
Álftanes tapaði rúmlega 400 milljón­
um króna í fyrra en samkvæmt fjár­
hagsáætlun sem gerð var fyrir árið
í fyrra var gert ráð fyrir rekstraraf­
gangi upp á 1.380 milljónir króna af
rekstri sveitarfélagsins. Eigið fé sveit­
arfélagsins var neikvætt um ríflega
1.650 milljónir í lok árs í fyrra. Rekstr­
arniðurstaða bæjarins var hins vegar
jákvæð fyrir fjármagnsgjöld upp á
nærri 217 milljónir króna.
Rekstraráætlun bæjarins gerði
ráð fyrir því að fjárhagslegri endur­
skipulagningu bæjarins lyki í fyrra
en í ársreikningnum kemur fram að
þetta hafi ekki tekist. Viðsnúningur­
inn í rekstraráætlun bæjarins byggði
á því að þessi áætlun væri raunhæf.
„Í fjárhagsáætlun fjárhaldsstjórnar
fyrir árið 2011 var gert ráð fyrir að
fjárhagslegri endurskipulagningu
lyki fyrir árslok 2011. Nú liggur fyrir
að það tókst ekki.“ Miðað við fjár­
hagsáætlunina áttu skuldir Álftaness
að lækka úr 5,7 milljörðum króna
niður í 3,3 milljarða og eigið fé bæj­
arins átti að fara frá því að vera nei­
kvætt um 1.600 milljónir og niður í
að vera jákvætt um ríflega 215 millj­
ónir króna.
Metur stöðuna góða
Pálmi Þór segir að það sem hafi
gerst frá reikningsskiladegi, í lok
síðasta árs, sé að bærinn hafi náð
samkomulagi við Eignarhaldsfélag­
ið Fasteign, eiganda sundlaugar­
innar og íþróttahússins sem byggð
voru í bænum. „Það voru nokkr­
ir samningar sem við náðum ekki
að klára, sérstaklega samningur­
inn við Eignarhaldsfélagið Fast­
eign. Við vorum hins vegar að ljúka
samningi við Eignarhaldsfélagið
Fasteign, líkt og kemur fram í bók­
un frá nýliðnum bæjarstjórnar­
fundi. Samningurinn við Fasteign
markar endalokin á fjárhagslegri
endurskipulagningu bæjarins.“
Pálmi segist meta stöðu Álfta­
ness sem góða. „Reksturinn er í góðu
standi hjá okkur og við vorum að
klára þessa fjárhagslegu endurskipu­
lagningu. Við erum bara að einbeita
okkur að því að halda áfram viðræð­
um við Garðabæ um sameiningu
sveitarfélaganna. Vonandi geta íbú­
arnir kosið um sameininguna síðar
á þessu ári.“
Bæjarstjórinn segir að í samn­
ingnum við Fasteign felist að Álfta­
nes kaupi sundlaugina í bænum og
íþróttahúsið, sem og lóðirnar undir
eignunum, af fasteignafélaginu fyrir
rúmlega 1.300 milljónir króna. Pálmi
Þór segir að bærinn hafi tryggt sér
fjármögnun fyrir kaupunum. „Við
förum út úr Fasteign og kaupum
þessar eignir. Fjármagnið er tryggt í
allan pakkann hjá okkur. Bæði með
nýju fjármagni og með endurskipu­
lagningu á eldri skuldum. Við kom­
um til með að fá lánsfé frá Lána­
sjóði sveitarfélaga til að fjármagna
verkefnið. Tillögur fjárhaldsstjórnar
sveitarfélagsins eru því allar að
ganga eftir þó þetta hafi tekið tíma
hjá okkur.“
n Endurskipulagningu Álftaness lokið n Óvissa um rekstrarhæfi
Ingi Freyr Vilhjálmsson
fréttastjóri skrifar ingi@dv.is
Þungar framkvæmdir Álftanesbær byggði glæsilega sundlaug og íþróttahús í bænum fyrir hrunið 2008. Samkomulag við Eignarhalds-
félagið Fasteign gerir ráð fyrir að bærinn kaupi eignir af því á rösklega 1.300 milljónir króna.
Bjartsýnn Pálmi Þór Másson, bæjarstjóri
Álftaness, er bjartsýnn á stöðu bæjarins í
ljósi þess að fjárhagslegri endurkipulagn-
ingu hans er lokið.
„Því ríkir veruleg
óvissa um áfram-
haldandi rekstrarhæfi
sveitarfélagsins.
Átján mánaða dómur Dómur yfir Ólafi Guðmundssyni var staðfestur í Hæstarétti á
miðvikudag. Mynd: dV/SViðSEtt
Sigurður greiði
hálfan milljarð
Sigurði Einarssyni, fyrrverandi
stjórnarformanni Kaupþings, er
gert að greiða 550 milljónir af 5,5
milljarða láni frá Kaupþingi. Það
var Héraðsdómur Reykjavíkur
sem komst að þessari niðurstöðu
á miðvikudag eftir að þrotabú
Kaupþings hafði höfðað riftunar­
mál á hendur Sigurði vegna láns
sem hann fékk í stjórnartíð sinni
hjá bankanum á árunum fyrir
hrun. Lánið, sem Sigurður notaði
til að kaupa hlutafé í bankanum,
nam 5,5 milljörðum króna en
hann bar ábyrgð á tíu prósentum
lánsins. Stuttu eftir hrun ákvað
stjórn bankans að fella niður
ábyrgðir á hlutabréfalánum til
starfsmanna og æðstu stjórnenda
bankans en þrotabúið ákvað að
ógilda þá ákvörðun. Hvorki Sig­
urður né lögmaður hans voru við­
staddir dómsuppkvaðninguna.
Í síðustu viku féll dómur í Hér­
aðsdómi Reykjavíkur þar sem
komist var að þeirri niðurstöðu
að þrotabúi bankans væri heimilt
að snúa við ákvörðun um að fella
niður ábyrgðir á lánunum.
Nammigrísir
gripnir
Tveir nammigrísir voru hand­
teknir í miðborg Reykjavíkur á
þriðjudag en þeir stálu sælgæti úr
ónefndri verslun. Eftir að þjófarnir
höfðu stungið sælgætinu inn á sig
mættu þeir lögreglunni nánast
við inngang verslunarinnar. Hinir
síðarnefndu voru óeinkennis­
klæddir en þeir þekktu annan
mannanna vegna fyrri afskipta
og sáu jafnframt að viðkomandi
var með eitthvað innan klæða. Sá
hinn sami á það til að vera ansi
fingralangur, eins og stundum er
sagt og virðist eiga erfitt með að
láta af þessari iðju. Sælgætinu var
skilað óskemmdu aftur til kaup­
mannsins.
Kjallara breytt
í kannabisrækt
Lögreglan á höfuðborgarsvæð­
inu stöðvaði kannabisrækt í
húsi í Garðabæ um miðjan dag
á þriðjudag. Við húsleit var lagt
hald nokkra tugi kannabis­
plantna auk lítilræðis af öðrum
fíkniefnum. Ræktunin var vel
falin í kjallara hússins í rými
sem var sérstaklega útbúið fyrir
þessa starfsemi.