Dagblaðið Vísir - DV - 18.06.2012, Blaðsíða 18

18 Neytendur 18. júní 2012 Mánudagur
Græðandi jurtir í náttúrunni
n Í náttúrunni er að finna góð meðul sem kosta ekki krónu
það þarf ekki að hlaupa út í apótek við minniháttar slys í útivistinni. Í jurtarík-inu eru fjölmargar græðandi
og barkandi jurtir sem kosta ekki
krónu. Barkandi jurtir eru not-
aðar á minniháttar sár og skrám-
ur til þess að flýta blóðstorknun
og gróandi í sári. Flestar barkandi
jurtir eru einnig græðandi og eru
því notaðar jafnt á brunasár sem
önnur sár.
Barkandi jurtir til útvortis nota
eru meðal annars ljónslappi,
maríustakkur, kornsúra, hjartaarfi,
jakobsfífill, jarðarber, blágresi, ló-
fótur, mýrasóley, lyfjagras, selgresi,
burnirót, njóli, víðir og blóðkollur.
Græðandi jurtir til útvortis
nota eru meðal annars vallhum-
all, fagurfífill, morgunfrú, vatns-
arfagras, sigurskúfur, undafífill,
fjallagrös, litunarjafni, græðisúra,
blákolla, kamilla, bjöllulilja, kross-
fífill, haugarfi, hóffífill, hárdepla og
regnálmur.
Einnig er gott að nota olíu úr
djöflakló, en hana má þó einungis
nota ef húðin er heil.
Ef sár gróa illa eða sýking hef-
ur komist í þau er gott að nota sól-
blómahatt og hvítlauk, bæði með
öðrum jurtum útvortis til þess að
vinna á sýkingunni og eins til inn-
töku í því skyni að örva ónæm-
iskerfið.
E
ld
sn
ey
ti
Algengt verð 248,9 kr. 248,7 kr.
Algengt verð 248,7 kr. 248,5 kr.
Algengt verð 248,6 kr. 248,4 kr.
Algengt verð 248,9 kr. 248,7 kr.
Algengt verð 250,9 kr. 248,7 kr.
Algengt verð 248,7 kr. 248,5 kr.
Gott kaffi og
góð þjónusta
n Lofið fær Stöðin á Vestur-
landsvegi á leiðinni niður í bæ.
Þar er opnað klukkan hálf átta á
morgnana og hægt að fá
rosalega gott kaffi. Starfs-
fólkið er jákvætt og er yfir-
leitt mjög fljótt að koma og
afgreiða í lúgunni.
Starfsfólkið gefur sér
oft tíma til að segja
manni frá tilboðum
sem eru í gangi.
Vantar í
pantanir
n Lastið fær KFC í Grafarholti.
Það kemur til vegna þess að neyt-
andi sagði DV frá því að nánast
í hvert skipti sem hann verslaði
við þá í lúgunni og færi með heim
þá vantaði eitthvað í pöntunina
hans. DV talaði við vaktstjóra KFC
í Grafarholti vegna þessa og sagði
hún: „Að sjálfsögðu erum við bara
mannleg og svona mistök geta
orðið, en ef fólk hringir í okkur og
lætur okkur vita bætum
við fólki það alltaf upp.
Við viljum að við-
skiptavinurinn láti
okkur vita ef svona
gerist því það er eina
leiðin til að við getum
lagað svona og bætt fyrir
mistökin.“
SENDIÐ LOF EÐA LAST Á NEYTENDUR@DV.IS
Lof&Last
Vönduð
viðarhúsgögn
n Að þekkja vandað handbragð frá
fúski er vandasamt. Með tilkomu
lágvöruverðsverslana hefur verð
á húsgögnum lækkað töluvert, oft
á kostnað gæða. Gegnheill viður
er merki um gæði þegar velja skal
húsgögn. Sé krossviður notaður við
smíðina er gott að athuga hversu
margra laga viðurinn er. Krossvið-
ur undir níu lögum þykir ekki góð
latína. Kvistir í viðnum auka líkur
á sprungum og hafa um leið áhrif
á endingartíma. Það telst nokkuð
skýrt merki um lélegt handbragð
ef samskeyti eru heftuð eða negld
saman. Merki um betra handverk
eru svokallaðir geirnaglar eða snið-
eða tappaspor. Nánari upplýsingar
á getrichslowly.org
Bensín Dísilolía
Vissir þú að?
n Beitilyngste er frábært gegn svefn-
leysi?
n Gleym-mér-ei er góð á brunasár?
n Ilmreyr nýtist vel gegn frjókornaof-
næmi?
n Söl virkar vel við timburmönnum?
Heimild: úr Íslenskar lækningajurtir
Hvítlaukur Ef sár gróa illa eða
sýking hefur komist í þau má nota
hvítlauk. Bæði útvortis og innvortis.
MYND: GUÐRúN TRYGGVADóTTIR.
Mikil vakning í endurvinnslu
V
iðtökurnar voru strax mjög
góðar,“ segir Helgi Páls-
son, rekstrarstjóri Gáma-
þjónustu Norðurlands
ehf., en akureyrsk heimili
hafa flokkað lífrænan úrgang í sérs-
taka poka og tunnur með góðum ár-
angri síðan í janúar 2011. Akureyrar-
bær leggur íbúum til 150 poka á ári
en pokarnir eru framleiddir úr maís-
sterkju og eyðast upp í aðgerðarferl-
inu.
Samkvæmt Helga nota nánast all-
ir bæjarbúar lausnina fyrir lífræna
úrganginn. „Eina vandamálið er
með orlofsíbúðir sem lítið er dvalið í.
Hins vegar er stærsta breytingin fyr-
ir fólk í fjölbýli því í flestum tilfellum
hefur ruslarennunum verið lokað og
því þarf fólk að fara niður með ruslið.
Það er samt með ólíkindum hvað
þetta hefur tekist vel til. Á mánuði
eru það 70 tonn sem fara í lífræna
úrganginn en um það bil 120 tonn í
urðun. Svo eru 50–60 tonn sem eru
svokölluð endurvinnsluefni,“ segir
Helgi og útskýrir að á árinu 2011 hafi
44 prósent farið í urðun, 27 prósent
í lífrænan úrgang í moltugerð og 29
prósent sem endurvinnsluefni. „Það
er samt rétt að taka fram að þessi tala
er aðeins frá heimilum, fyrirtækin
eru ekki inni í þessari tölu.“
Skyr í dós skemmir
Gámaþjónusta Norðurlands hefur
einnig komið upp grenndarstöðvum
á tólf stöðum í bænum þar sem einn
gámur er fyrir hvern flokk af endur-
vinnsluefni. Þeir sem vilja geta svo
keypt afnot af tunnu til að hafa við
hús sitt. Helgi segir flokkunina heilt
yfir vandaða. „Það er erfiðast að eiga
við plastið þar sem margar tegundir
af plasti berast inn á heimilin. Í stað
þess að kenna íbúunum að flokka allt
þetta plast erum við sjálfir að koma
okkur upp aðstöðu til að flokka nið-
ur í fjóra flokka. Auðvitað má alltaf
gera betur en það er engin ástæða
til að kvarta. Það koma slæm tímabil
og eins og við vitum þarf ekki mörg
skemmd epli í kassann til að eyði-
leggja allt saman. Oftast eru dósir og
plast vel þvegið en það ber stundum
á því að til dæmis skyrdósirnar séu
ekki skolaðar nógu vel. Ef þú setur
fulla dós af skyri í gám ertu ekki að-
eins að skemma dósina þína held-
ur heilan gám af dósum. En þetta er
sjaldnast vandamál og þar sem þess-
ir gámar standa óvaktaðir úti í bæ og
treyst er á að fólk geri þetta skynsam-
lega þá held ég að ástandið sé mjög
gott.“
Plastið er erfiðast
Raddir þess efnis að allt rusl í bæn-
um endi hvort sem er á sama stað
hafa verið lífseigar. Helgi kannast
við það en vill meina að slíkt sé fyrst
og fremst frá fólki sem nenni ekki að
endurvinna. „Þetta er töluverð fyrir-
höfn en þess vegna hafa einhverj-
ir talið sér trú um að það sé verið að
hafa þá að fíflum. Það sem er safn-
að hérna fer fyrst og fremst til jarð-
gerðar en ekki í urðun eins og í Kópa-
vogi. Dagblöðin eru að stórum hluta
nýtt í moltugerðina sem stoðefni eða
kolefni og drykkjarfernurnar fara í
útflutning. Fernurnar eru tættar nið-
ur og úr þeim búnir til alls kyns hlut-
ir,“ segir Helgi og bætir við að pappa
sé hægt að endurvinna allt að sjö
sinnum. „Verðmætasta plastið, glæra
plastfilman, er flutt út og komið í verð
en eins og ég sagði áðan eigum við í
mestum erfiðleikum með plastið
þar sem það er ekki alltaf gefið hvort
hægt sé að endurvinna það. Hins
vegar höfum við safnað baggaplasti
Indíana Ása Hreinsdóttir
blaðamaður skrifar indiana@dv.is
n Helgi Pálsson, hjá Gámaþjónustu Norðurlands ehf., segir betra að henda skyrdós en að sleppa skolun
Af hverju að
endurvinna?
n Nýtir hráefni og viðheldur hringrás
efna í náttúrunni. Dregur úr urðun og
sparar þannig landsvæði.
n Dregur úr ýmiss konar umhverfis-
mengun.
n Orka sparast .
n Það er ódýrara fyrir samfélagið að
endurvinna en urða.
n Gerir okkur meðvituð um eigin neyslu.
n Minnir okkur á að við erum ábyrg fyrir
umhverfi okkar.
n Ferðum með ruslapoka út í tunnu
fækkar.
n Úrgangur er afgangshráefni. Hráefni
í notkun eru verðmæti. Hráefni sem
úrgangur er mengun .
Heimild: urvinnslusjodur.is og ust.is
„Ef þú setur fulla dós af
skyri í gám ertu ekki að-
eins að skemma dósina þína
heldur heilan gám af dósum