Dagblaðið Vísir - DV - 18.06.2012, Blaðsíða 25

Sport 25Mánudagur 18. júní 2012
Hvað gerir van Persie?
n Framtíð hollenska framherjans ræðst á næstunni
U
m fátt er meira talað
meðal knattspyrnu­
áhugamanna en hugs­
anlega brottför Robins
van Persie frá Arsenal en þar
á leikmaðurinn aðeins ár eft­
ir af samningi sínum og hef­
ur þegar hafnað framlengingu
einu sinni. Persie er eitt allra
stærsta nafnið í boltanum sem
hugsanlega gæti skipt um félag
fyrir næstu leiktíð. Líkurnar á
brottför frá Arsenal telur faðir
hans þó ekki miklar.
Bob van Persie segir í við­
tali við spænska dagblaðið
El Mundo Deportivo að úti­
lokað sé að sonurinn haldi til
Manchester City sem vitað
er að hefur áhuga og þar séu
seðlar einnig lítið sem ekkert
vandamál. „Það er alveg úti­
lokað að Robin spili fyrir ann­
að félag á Englandi en Arsenal.
Spænsku liðin, Real Madrid
og Barcelona, eru heldur ekki
líklegir kostir. Hjá Barcelona
er varla pláss fyrir hann enda
Messi á staðnum og mér vit­
andi er áhuginn á að fara til
Madrid ekki til staðar.“
Sjálfur hefur Robin van
Persie alfarið neitað að gefa
út yfirlýsingu um hvað hann
hyggist fyrir fyrr en að loknu
Evrópumótinu í knattspyrnu.
Fregnir herma að nýr og enn
betri samningur við Arsenal
standi Hollendingnum til
boða en hann er algjör lykil­
maður í því félagi. Hvort boð
frá Ítalíu er líklegt til að hafa
áhrif skal ósagt látið en enskir
miðlar fullyrða að Juventus og
eitt annað ítalskt félagslið hafi
haft samband og forvitnast um
Persie.
Persie hefur verið hart
gagnrýndur fyrir leik sinn á
EM hingað til og sumir kenna
honum um að Hollendingar
hafi ekki staðið sig betur en
raun ber vitni. Undrast einnig
margir hvers vegna Persie leik­
ur mun betur með Arsenal en
raunin hefur verið með lands­
liðinu.
n Ólafur Kristjánsson segir leik enska liðsins gamaldags og leiðinlegan
E
nn einu sinni sést
hvað Englendingar
eru aftarlega á mer­
inni knattspyrnulega,“
segir Ólafur Kristjáns­
son, þjálfari Breiðabliks, að­
spurður um það sem upp úr
stendur á Evrópumótinu í
knattspyrnu það sem af er því
móti. Fátt hefur sérstaklega
komið honum á óvart nema
hvað enska landsliðið sé í
standandi vandræðum og þá
taldi Ólafur, eins og flestir, að
Hollendingar yrðu brattari en
raunin hefur verið.
Mótið skemmtilegt
„Mér finnst enginn leikur enn
sem komið er hafa verið leiðin­
legur þó það verði að segjast að
leikir Grikkjanna hafa ekki ver­
ið mikið til útflutnings. Á móti
kemur að landslið eins og Rúss­
land, Úkraína, Frakkland, Tékk­
land og jafnvel Danmörk hafa
komið sterk til leiks jafnvel þó
Rússarnir hafi klúðrað sínum
málum og séu úr leik. Allir leik­
irnir hafa verið tiltölulega frísk­
ir og fjörugir og það segir ým­
islegt að Rússar, sem spiluðu
frískan bolta fyrstu leiki sína,
eru úr leik þrátt mjög ferska og
skemmtilega byrjun. Keppn­
in það sem af er er ekki síðri en
síðustu Evrópumót sem hafa
verið í skemmtilegri kantinum.
Persónulega finnst mér þau
mót yfirleitt skemmtilegri en
heimsmeistaramótin.“
Daprir og daprari
Enska landsliðið er í litlu upp­
áhaldi hjá Ólafi sem segir það
ekki nýtt að lið þeirra sé í bull­
andi vandræðum á stórmót­
um. „En þeir leika leiðinlegan
bolta aftan úr fornöld og virðast
ekki komast á næsta stig eins og
Frakkar hafa til dæmis gert síð­
an á HM 2010. Það tala flestir
um ensku deildina sem þá allra
bestu í heimi en það er vand­
séð ef mið er tekið af landsliði
þeirra. Þeir voru bara heppnir
gegn Svíum og hefði Walcott til
dæmis hitt boltann sem rataði í
netið er vandséð að þeir hefðu
unnið þann leik.“
Hollendingar eru annað lið
sem ekki hefur staðið undir
væntingum að mati Ólafs og er
hann vart einn um þá skoðun.
Lið þeirra virðist heillum horfið
en það samanstendur af tiltölu­
lega sama hópi knattspyrnu­
manna og þá. „Ég hélt í barns­
legri einfeldni minni að þeir
yrðu betri en raunin hefur ver­
ið enda með vel skipað lið. Þeir
eru hins vegar með leikmenn
innanborðs sem skemma fyrir
liðinu í heild og það hefur haft
mikil og slæm áhrif.“
Nýstirnin vantar
Oftar en ekki hefur það ver­
ið raunin á Evrópumótum
að einn eða fleiri lítt þekktir
leikmenn koma sérstaklega
sterkir inn og vekja athygli
stórliða strax í fyrstu leikjum
EM. Ef frá eru taldir nokkrir
frambærilegir hefur ekkert
nýstirni beinlínis skinið skært
það sem af er og undir það
tekur Ólafur. „Auðvitað hafa
nokkrir leikmenn sérstaklega
vakið athygli. Rússinn Dza­
goev kemur strax upp í hug­
ann en hann var þó nokk­
uð þekktur fyrir og kemur
kannski lítt á óvart. Annar
sem mér finnst hafa staðið sig
afar vel er pólski fyrirliðinn
Blaszczykowski en hann er
vitaskuld enginn nýliði held­
ur. Varnarmaðurinn þýski
Hummels hefur líka verið frá­
bær en hann sömuleiðis er ekki
alveg óþekktur.
Englendingar
aftan úr fornöld
Englendingar Þjálfari Breiðabliks hefur lítið álit á enska landsliðinu sem hann segir spila bolta aftan úr fornöld. Liðið hafi verið stálheppið að vinna sigur á
Svíum á EM en sé vart á pari við betri liðin í þeirri keppni.
Óvissa Faðir van Persie
segir soninn alls ekki geta
hugsað sér að spila fyrir
önnur lið á Englandi en
Arsenal.
Bosque
framlengir
Spænska knattspyrnu­
sambandið var ekkert að
bíða eftir að niðurstaða
fengist í Evrópukeppn­
inni í knattspyrnu. Ákveðið
var að framlengja samning
sambandsins við hinn þétt­
vaxna Vicente del Bosque,
þjálfara landsliðsins, um
helgina um eitt ár til viðbót­
ar en fyrri samningur náði
til næsta sumars. Fram­
lengingin hefur í för með sér
að Bosque stýrir Spánverj­
um á heimsmeistaramótinu
í Ríó árið 2014 ef Spánverjar
komast þangað. Sem má
telja mun líklegra en ekki.
Puyol fær sín
verðlaun
Ekki alls fyrir löngu var skýrt
frá því að varnarbolurinn
Carles Puyol hjá Barcelona
hefði alfarið hafnað vænleg­
um tilboðum annars staðar
frá til þess eins að enda feril
sinn hjá Barcelona en samn­
ingur hans átti að renna út
í júní 2013. Nú hefur Pu­
yol fengið sín verðlaun því
samningur hans hefur ekki
aðeins verið framlengdur
til 2014 heldur hyggst fé­
lagið ráða karlinn í starf hjá
Barcelona í kjölfar þess. Ekki
liggur þó fyrir hvers kyns
það starf verður en jákvætt
að menn njóti þess að sýna
félagsliðum sínum hollustu
eins og Puyol hefur gert.
Lukkudýrið
Torres
Fernando Torres hefur verið
öfugu megin við mikla gagn­
rýni undanfarna mánuði
og það ekki síst hjá Chelsea
en þar hefur hann vart þótt
tækur nema til setu á vara­
mannabekknum. En þótt
gengi hans í ensku deildinni
sé fallvalt er kappinn í guða­
tölu hjá Spánverjum enda
hefur spænska landsliðið
aldrei tapað landsleik þegar
Torres skorar mark. Og mörk
hans gegn Írlandi í Evrópu­
keppninni þýddu að hann
er nú fjórði markahæsti
maðurinn sem leikið hefur í
landsliðstreyjunni spænsku.
Torres hefur alls skorað 30
mörk í 22 landsleikjum og
eru nú aðeins David Villa, 51
mark, og goðsögnin Raúl, 44
mörk, honum grimmari fyrir
framan markið.
Albert Eyþórsson
albert@dv.is