Dagblaðið Vísir - DV - 22.08.2012, Blaðsíða 24

Tíu TekjuhæsTu
kylfingar heims
24 Sport 22. ágúst 2012 Miðvikudagur
Áfram krísa
hjá United
Rio Ferdinand, Jonny Evans, Chris
Smalling og Phil Jones verða ekki
klárir í slaginn þegar Manchest-
er United mætir Fulham í ensku
úrvalsdeildinni um næstu helgi.
Þetta þýðir að einungis tveir
hreinræktaðir varnarmenn eru
leikfærir hjá United, þeir Nemanja
Vidic og Patrice Evra. United tap-
aði sem kunnugt er fyrir Everton
á mánudag 1:0 en í þeim leik lék
miðjumaðurinn Michael Carrick
í hjarta varnarinnar við hlið Vidic
á meðan vængmaðurinn Antonio
Valencia lék sem hægri bakvörður.
Sir Alex Ferguson, stjóri United,
segir að Jonny Evans verði von-
andi klár í slaginn eftir tvær vikur.
Lengra sé í hina þrjá.
Chelsea að
fá Azpilicueta
Forsvarsmenn Chelsea vonast
til þess að félagið nái að landa
spænska hægri bakverðinum Ces-
ar Azpilicueta hjá Marseille fyrir
helgina. Félögin hafa átt í viðræð-
um um leikmanninn og er talið
að þau hafi komist að samkomu-
lagi um að Chelsea greiði á bilinu
6,5 til 8 milljónir punda fyrir leik-
manninn. Azpilicueta er 22 ára og
er honum ætlað að veita Serban-
um Branislav Ivanovic samkeppni.
„Ef brottför mín þýðir að fjár-
hagur Marseille komist á rétt-
an kjöl þá tel ég að þetta verði
góð skipti,“ sagði Azpilcueta eft-
ir 2:0 sigur Marseille á Sochaux í
frönsku deildinni á sunnudag.
Barton til
Marseille?
Og meira af Marseille. Franska
félagið er nálægt því að fá enska
vandræðagemlinginn Joey Barton
að láni frá QPR. Barton var sem
kunnugt er úrskurðaður í tólf
leikja bann af aganefnd enska
knattspyrnusambandsins þegar
hann missti stjórn á sér í lokaleik
tímabilsins á Englandi í vor.
Barton var sektaður um sex vikna
laun í kjölfarið og þá missti hann
fyrirliðabandið hjá QPR.
Hvort af lánssamningnum
verður er væntanlega háð því
hvort forsvarsmenn QPR takist
að sannfæra Marseille um að láta
miðjumanninn Stephane Mbia í
skiptum fyrir Barton. Barton var
orðaður við enska annarrar deild-
ar liðið Fleetwood Town en ekkert
varð af því að Barton gengi í raðir
þess félags.
Þ
rátt fyrir mikla erfiðleika
í einkalífinu undanfar-
in ár og erfiðan tíma á golf-
vellinum í kjölfarið er Tig-
er Woods lang tekjuhæsti
kylfingur heims. Þetta kemur fram í
úttekt sem bandaríska blaðið Forbes
birti fyrir skemmstu. Þar eru tekn-
ar saman upplýsingar um tíu tekju-
hæstu kylfinga heims og er óhætt að
segja að tekjumöguleikarnir í þessari
vinsælu íþróttagrein séu talsverðir.
Tiger Woods hefur þénað 61,2
milljónir dala, eða 7,3 milljarða
króna, á síðastliðnum 12 mánuð-
um; tímabilinu frá 1. ágúst 2011 til 1.
ágúst 2012.
Magnaður árangur
Árangur Tigers undanfarin fimmt-
án ár hefur í raun verið ótrúlegur.
Hann hefur verið tekjuhæsti kylfing-
ur heims frá árinu 1996, en það ár var
hann einungis 21 árs. Árið 2001 tókst
honum í fyrsta skipti að verða tekju-
hæsti íþróttamaður heims og hélt
þeirri nafnbót samfleytt þar til í fyrra
þegar boxarinn Floyd Mayweather
skaust á toppinn.
Þó svo að Tiger sé langtekjuhæsti
kylfingur heims eru tekjur hans nú
aðeins helmingur af því sem þær
voru árið 2009, eða sama ár og upp
komst um framhjáhald hans með
fjölda kvenna. Árið 2009 þénaði Tig-
er 120 milljónir dala, eða rúmlega 14
milljarða króna á núverandi gengi,
en það ár vann hann sex mót, þar
á meðal FedEx-bikarinn sem færði
honum 10 milljónir dala, eða 1200
milljónir króna á núverandi gengi, í
verðlaunafé. Í kjölfarið tók ferill hans
mikla dýfu og liðu 30 mánuðir þar
til hann vann mót á PGA-mótaröð-
inni. Tiger virðist vera búinn að ná
sér eftir áfallið árið 2009 og er hann
sem stendur í öðru sæti á heimslist-
anum. Það sem af er ári hefur hann
auk þess unnið þrjú mót og þá skrif-
aði hann undir nýjan samning við
lúxusúraframleiðandann Rolex í lok
síðasta árs.
Tveir góðir Tiger Woods og Phil Mickelson eru tveir tekjuhæstu kylfingar heims. Tiger
raunar lang tekjuhæstur. Hér sjást þeir saman á Opna bandaríska meistaramótinu sem fram
fór fyrr í sumar.
n Tiger Woods enn langtekjuhæstur n Kunnugleg andlit á topp 10
Einar Þór Sigurðsson
blaðamaður skrifar einar@dv.is
3 Ernie Els
42 ára
Tekjur: 22,3 milljónir dala (2,7 milljarðar króna)
n Els vann sigur á Opna breska meistara-
mótinu sem fram fór í júlí síðastliðnum.
Það var fjórði sigur hans á stórmóti og sá
fyrsti í áratug. Meðfram golfiðkun sinni á
Els fyrirtæki sem sérhæfir sig í að búa til
glæsilega golfvelli.
4 Luke Donald
34 ára
Tekjur: 20 milljónir dala (2,4 milljarðar króna)
n Luke Donald er besti kylfingur heims
ef marka má styrkleikalista kylfinga, en
hann hefur verið á toppnum í 55 vikur
í röð. Síðasta ár var afar gott hjá Luke
Donald en þá halaði hann inn 13,2 milljónir
dala í verðlaunafé á PGA-mótaröðinni og
Evrópumótaröðinni.
5 Rory McIlroy
23 ára
Tekjur: 16,4 milljónir dala (2 milljarðar króna)
n Þessi 23 ára Norður-Íri er einn allra
efnilegasti kylfingur heims og bar sigur úr
býtum á Opna bandaríska meistaramótinu
á síðasta ári. Hann er samningsbundinn
Titleist, FootJoy, Jumeirah Hotels og Oakley
sem færa honum miklar tekjur.
6 Sergio Garcia
32 ára
Tekjur: 16,2 milljónir dala (1,9 milljarðar króna)
n Þessi spænski kylfingur er samnings-
bundinn TaylorMade-Adidas Golf, en
samningur hans við fyrirtækið er einn sá
verðmætasti í golfheiminum.
7 Bill Haas
30 ára
Tekjur: 16,1 milljónir dala (1,9 milljarðar króna)
n Þessi þrítugi kylfingur vann lokamót
FedExCup, Tour Championship, á síðasta ári
og hlaut fyrir vikið 10 milljónir dala í bónus,
eða tæplega 1,2 milljarða króna.
8 Lee Westwood
39 ára
Tekjur: 12,8 milljónir dala (1,5 milljarðar króna)
n Lee Westwood hefur unnið 39 mót á
ferli sínum, þar á meðal eru 22 sigrar á
Evrópumótaröðinni. Westwood er næst
sigursælasti kylfingur Evrópumótaraðarinn-
ar en á þeim mótum hefur hann þénað 34
milljónir dala, eða rúmlega fjóra milljarða
króna á núverandi gengi.
9 Matt Kuchar
34 ára
Tekjur: 12,5 milljónir dala (1,5 milljarðar króna)
n Kuchar skorar hátt á listanum yfir
tekjuhæstu kylfinga heims og það ekki að
ástæðulausu. Í maí síðastliðnum vann hann
Players Championship-mótið en verðlauna-
féð á því móti er með því hæsta sem gerist í
golfinu. Fyrir sigurinn fékk hann 1,7 milljónir
dala, eða rúmar 200 milljónir króna í sinn
hlut.
10 Adam Scott
32 ára
Tekjur: 11,9 milljónir dala (1,4 milljarðar króna)
n Ástralinn Adam Scott hefur unnið
átján mót á ferli sínum. Hann varð fyrir
vonbrigðum á Opna breska meistaramótinu
í júlí þegar hann tapaði titlinum á ótrúlegan
hátt. Hann var með fjögurra högga forystu
þegar fjórar holur voru eftir en tapaði for-
ystunni niður. Fyrir annað sætið fékk hann
rúma 800 þúsund dali, eða 96 milljónir
króna í sinn hlut.
1 Tiger Woods
36 ára
Tekjur: 61,2 milljónir dala (7,3 milljarðar króna)
n Eins og kemur fram hér að framan hafa
tekjur Tiger Woods minnkað um 50 prósent
frá árinu 2009. Þá missti hann stóra samn-
inga við fyrirtæki á borð við AT&T, PepsiCo
og Gillette. Hann er þó enn samningsbund-
inn Nike og Electronic Arts sem færa honum
miklar tekjur í vasann á hverju ári.
2 Phil Mickelson
42 ára
Tekjur: 46,7 milljónir dala (5,6 milljarðar króna)
n Bandaríkjamaðurinn Phil Mickelson var
tekinn inn í frægðarhöll golfsins (e. World
Golf Hall of Fame) í maí síðastliðnum. Á ferli
sínum hefur hann halað inn 66 milljónir dala
í verðlaunafé fyrir velgengni sína á hinum
ýmsu mótum.