Dagblaðið Vísir - DV - 22.08.2012, Blaðsíða 25
Sport 25Miðvikudagur 22. ágúst 2012
Nám í plastbátasmíði
Boðið verður upp á nám í plastbátasmíði við Fjölbrautaskóla
Norðurlands vestra skólaárið 2012-1013. Námið er afrakstur
samstarfsverkefnis sem styrkt er af Leonardo-hluta Menntáætlu-
nar Evrópusambandsins, en að því koma Nýsköpunarmiðstöð
Íslands, Sveitarfélagið Skagafjörður, Salpaus Further Edu-
cation í Finnlandi og Den jydske Haandværkerskole í Dan-
mörku. Námið er skipulagt í samvinnu við Siglingastofnun sem
viðurkennir námið. Námið hefst með lotu á Sauðárkróki í byr-
jun september.
Námið er skipulagt sem lotubundið fjarnám, en kennsla í verk-
legum áföngum, vika í senn hvora önn, fer fram við FNV á
Sauðárkróki. Námið samanstendur af 18 einingum á þessu
skólaári og veitir viðurkenningu til plastbátasmíði fyrir þá sem
hafa tilskylda starfsreynslu hjá viðurkenndu plastsmíðafyrirtæki.
Nánari upplýsingar og skráning á skrifstofu
skólans og í síma 455-8000.
Skráningu lýkur 30. ágúst.
B
elginn Marouane Fellaini átti
að líkindum besta leik ferils
síns á mánudag þegar hann
leiddi Everton til sigurs gegn
Manchester United í fyrstu
umferð ensku úrvalsdeildarinnar.
Fellaini skoraði eina mark leiksins með
góðum skalla á 57. mínútu leiksins.
Sparkspekingar hafa vart haldið
vatni yfir frammistöðu þessa stóra
og stæðilega Belga sem gekk í rað-
ir Everton frá Standard Liege í Belg-
íu árið 2008. Phil McNulty, einn helsti
sérfræðingur BBC um fótbolta, sagði
í pistli á heimasíðu sinni að Fella-
ini hafi aldrei litið betur út. „Óað-
finnanlegur í baráttunni á miðjunni,
tengdi saman vörn á sókn á frábær-
an hátt og virtist hafa ótakmark-
aða eiginleika til að taka hvaða bolta
sem er niður á kassann og losa hann
frá sér á samherja sína,“ sagði hann.
Michael Owen, fyrrverandi leikmað-
ur Manchester United, jós lofi yfir
frammistöðu hans á Twitter-síðu
sinni. „Eins og ég hef sagt þá er hann
frábær leikmaður. Var á þeirri skoðun
í fyrra og í kvöld staðfesti hann það.
Hann er svo grannur, hvernig fer
hann að því að vera svona sterkur?,“
spurði Owen og það ekki að ósekju.
Beindi stráknum á rétta braut
Fellaini er fæddur 22. nóvem-
ber árið 1987 í bænum Etterbeek
í Belgíu. Foreldrar hans eru fædd-
ir í Marokkó en fluttu til Belgíu á ní-
unda áratug liðinnar aldar. Fellaini
byrjaði ekki að æfa knattspyrnu fyrr
en hann var orðinn átta ára en þá fór
hann á æfingar hjá akademíu stór-
liðsins Anderlecht. Fellaini stund-
aði þó aðrar íþróttir meðfram fót-
boltanum því hann stundaði einnig
frjálsar íþróttir á sínum yngri árum
og hafði mest gaman af hlaupum, þá
einna helst 10 kílómetra hlaupi. Fað-
ir hans, sem sjálfur var atvinnumað-
ur í knattspyrnu, beindi syni sínum
á rétta braut, ef svo má segja, og fékk
hann til að einbeita sér algjörlega að
knattspyrnunni.
Fellaini var í akademíu Ander-
lecht í tvö ár en þegar hann var tíu ára
fluttu foreldrar hans til Mons þar sem
hann komst í samnefnda akademíu
knattspyrnuliðs borgarinnar.
Sautján ára atvinnumaður
Óhætt er að segja að ferill Fellaini hafi
komist á mikið flug á unglingsárunum
þegar hann tók að þroskast og stækka.
Þegar hann var sautján ára fór stórliðið
Standard Liege að bera víurnar í hann
og varð áhugi þeirra til þess að hann
gekk í raðir félagsins og skrifaði und-
ir sinn fyrsta atvinnumannasamning.
Aðeins einu ári síðar, eða árið 2006, lék
Fellaini sinn fyrsta leik með Standard
og á árunum 2006 til 2008 lék hann 84
leiki fyrir félagið og skoraði 11 mörk.
Hann vann Ebony-verðlaunin árið
2008, en það eru verðlaun sem veitt
eru besta leikmanni belgísku deildar-
innar af afrískum uppruna.
United hafði áhuga
Fellaini, sem er 194 sentímetrar á
hæð, ógnaði stöðugt með hæð sinni
og dugnaði á miðju Standard. Fjöl-
mörg stórlið fóru að sýna honum
áhuga og meðal liða sem sögð eru
hafa haft áhuga á leikmanninum
má nefna Manchester United, Aston
Villa, Real Madrid, Tottenham og
Bayern Munchen. Fellaini ákvað hins
vegar að ganga í raðir Everton árið
2008 og greiddi enska félagið 15 millj-
ónir punda fyrir þjónustu hans og
varð hann þar með dýrasti leikmað-
urinn í sögu félagsins. Hann lék sinn
fyrsta leik fyrir Everton í 3:2 útisigri
á Stoke og skoraði sitt fyrsta mark í
2:2 jafntefli gegn Newcastle þann 5.
október 2008. Á sínu fyrsta tímabili
skoraði hann 9 mörk og nældi sér
í 13 gul spjöld. Þrátt fyrir það varð
hann útnefndur besti ungi leikmaður
Everton vorið 2009.
Ánægður með hárið
Fellaini þykir með hárprúðari leik-
mönnum ensku úrvalsdeildarinnar
eins og sést á meðfylgjandi mynd og
sitt sýnist hverjum um hárgreiðslu
hans. „Það er ómögulegt að dekka
Fellaini. Á æfingum höldum við
honum í skefjum með því að toga í
hár hans en það má víst ekki í leikj-
um,“ sagði Phil Jagielka eftir sigur-
inn á mánudagskvöld. Sjálfur kveðst
Fellaini kunna vel við hár sitt. „Ég
byrjaði á þessu á öðru ári mínu hjá
Standard. Síðan ég byrjaði að greiða
hárið svona hefur allt gengið eins og
í sögu hjá mér þannig að ég ætla að
halda þessu,“ sagði hann í viðtali við
Daily Mail árið 2009. Miðað við þetta
– og frammistöðu hans gegn United
á miðvikudag – er ólíklegt að Fellaini
muni nokkurn tíma skerða hár sitt. n
Einar Þór Sigurðsson
blaðamaður skrifar einar@dv.is
Ætlar ekki
að skerða
hár sitt
n Marouane Fellaini funheitur fyrir Everton
Hárprúður Marouane
Fellaini segir að síðan
hann breytti hárgreiðsl-
unni hafi allt gengið eins
og í sögu. Ólíklegt er
að hann breyti um hár-
greiðslu á næstunni.
„Síðan ég
byrjaði
að greiða hárið
svona hefur allt
gengið eins og í
sögu hjá mér
n Úrslitaleikur Borgunarbikars kvenna
Áhorfendum
fer fjölgandi
Þ
að er of snemmt að segja til
um það núna. Við verðum
að sjá hvað gerist þegar nær
dregur,“ segir Þórir Hákonar-
son, framkvæmdastjóri
Knattspyrnusambands Íslands (KSÍ),
um það hvort hann búist við því að
áhorfendamet verði sett á laugardag
þegar Stjarnan og Valur mætast í úr-
slitaleik Borgunarbikars kvenna.
Á heimasíðu KSÍ eru rifjaðar upp
áhorfendatölur á úrslitaleik bikar-
keppni kvenna undanfarinna ára en
athygli vekur að síðastliðin fjögur
ár hafa ávallt mætt fleiri en þúsund
áhorfendur á völlinn. Áhorfendamet
var sett árið 2010 þegar þessi sömu
lið, Stjarnan og Valur, mættust í úr-
slitum en þá létu 1.449 manns sjá sig
á Laugardalsvelli.
Óhætt er að segja að tvö af sterk-
ustu liðum landsins mætist í úr-
slitaleiknum á laugardag. Valsstúlkur
eru núverandi bikarmeistarar en þær
hafa leikið til úrslita síðastliðin fjög-
ur ár. Stjörnustúlkur eru hins vegar
Íslandsmeistarar eftir glæsilegan sig-
ur í deildinni á síðasta tímabili. Valur
situr sem stendur í fjórða sæti Pepsi-
deildarinnar með 26 stig í 14 leikjum
en Stjarnan er í öðru sæti deildarinn-
ar með 29 stig, sex stigum minna en
Þór/KA sem er á toppnum.
Eins og sést á meðfylgjandi töflu
er augljóst að áhorfendum á úr-
slitaleik bikarkeppni kvenna hefur
fjölgað talsvert undanfarin áratug.
Áhorfendatölur síðustu ára
Ár Lið Áhorfendur
2011 KR – Valur 1.121
2010 Stjarnan – Valur 1.449
2009 Valur – Breiðablik 1.158
2008 Valur – KR 1.019
2007 Keflavík – KR 757
2006 Breiðablik – Valur 819
2005 Breiðablik – KR 743
2004 ÍBV – Valur 735
2003 ÍBV – Valur 1.027
2002 KR – Valur 729