Dagblaðið Vísir - DV - 29.08.2012, Blaðsíða 2

„Kjósa freKar
að sofa úti“
2 Fréttir 29. ágúst 2012 Miðvikudagur
Vildi mótmæla einelti:
Ók mótorhjóli
inn í grunnskóla
„Þetta voru nú mjög saklaus
mótmæli af minni hálfu, en við-
brögð skólans hafa verið alveg
yfirgengileg eins og ég hafi verið
þarna eins og geðveikur glæpa-
maður,“ segir Björn Steinars-
son, foreldri barns í Lágafells-
skóla í Mosfellsbæ, sem keyrði
á mótor hjóli sínu inn á ganga
skólans á mánudag.
Atvikið hefur verið kært til
lögreglu og foreldrum og for-
ráðamönnum hefur verið bent
á að hafa samband við stjórn-
endur skólans telji þeir að börn-
in gætu þurft á áfallahjálp að
halda. 
Hann vill meina að engin
hætta hafi skapast af athæfinu.
„Hættan var jafn mikil og ef ég
hefði farið þarna reiðhjóli.“
Björn segir ástæðuna fyrir því
að hann fór inn á mótorhjólinu
vera þá að einelti fái að viðgang-
ast í skólanum og að stjórnend-
ur skólans loki augunum fyrir
vandanum. „Þetta áttu nú bara
að vera saklaus mótmæli af
minni hálfu en skólinn er gjör-
samlega búinn að blása þetta
þvílíkt upp að það hálfa væri
nóg. Sonur minn kom heim eft-
ir fyrsta skóladaginn alveg mið-
ur sín út af einhverjum strákum
sem voru að hrella hann. Það
virðist vera voðalega lítið gert
í málinu og því er bara sópað
undir teppið og reynt að gera
lítið úr því.“
Hann segist vonast til þess
að skólinn fari að taka harðar
á eineltismálum og að athæfið
hafi vakið stjórnendur til um-
hugsunar. „Viðbrögðin eiga eftir
að koma fram. Mér skilst að það
sé búið að gera eitthvað aðeins
meira í eineltismálinu sem mig
snertir og þá hugsanlega hre-
yfir þetta þá við öðrum málum
líka. Og þá er svo sem tilgangin-
um náð.“
Stálu peningum
úr peningaskáp
Hundruðum þúsunda króna var
stolið úr peningaskáp Jarðbað-
anna í Mývatnssveit í byrjun
mánaðarins. Framkvæmdastjóri
Jarðbaðanna sagði í samtali
við RÚV á þriðjudag að greini-
lega hafi verið brotist inn í hús-
næði Jarðabaðanna og augljóst
hafi verið á ummerkjum að til-
gangurinn hafi verið að komast
yfir peninga sem geymdir voru á
staðnum.
Rannsóknardeild lögreglunn-
ar á Akureyri fer með rannsókn
málsins.
Þ
að er enginn að biðja um að
þarna sé einhver hótelgisting
en þrátt fyrir að þetta séu úti-
gangsmenn eiga þeir rétt á
mannsæmandi gistiaðstöðu,“
segir aðstandandi manns sem not-
aðist lengi við þjónustu Gistiskýlisins
sem Samhjálp rekur í Þingholtsstræti.
DV hefur rætt við nokkra núverandi
og fyrrverandi skjólstæðinga skýlis-
ins sem og aðstandendur nokkurra
manna sem þar hafa dvalið. Margir
þeirra gagnrýna starfsemi Gistiskýl-
isins, segja aðstöðuna slæma og setja
spurningarmerki við það hversu mikl-
um fjármunum sé varið í reksturinn.
Fyrir árið 2012 fékk Samhjálp rúmar
48 milljónir til að reka skýlið, þar af
fara 6.537.000 í leigu á húsnæðinu að
Þingholtsstræti 25 sem er í eigu borg-
arinnar. Heildargreiðslur vegna Gisti-
skýlisins eru því rúmar 42 milljónir á
ári, eða 3.827.288 krónur á mánuði,
sem ætlaðar eru til daglegs reksturs.
Það telst samkvæmt þjónustusamn-
ingnum vera: laun starfsmanna (þar
af eins áfengisráðgjafa), morgunverð-
ur alla daga ársins, létt kvöldhressing,
hita-, rafmagns- og símakostnaður,
innkaup á matvöru og eldhúsrekstur,
hreinlætisvörur og þrif, sængurfatn-
aður og umsjónar- og stjórnunar-
kostnaður.
Gagnrýnir reksturinn
Þorleifur Gunnlaugsson, borgarfull-
trúi Vinstri-grænna og fulltrúi flokks-
ins í velferðarráði, hefur gagnrýnt að
Samhjálp sjái um rekstur skýlisins.
Meirihlutinn í velferðarráði braut inn-
kaupareglur borgarinnar þegar samið
var við Samhjálp um reksturinn án
þess að bjóða hann út. Stuttu áður en
það var gert hafði rekstur Konukots
verið auglýstur eftir innkaupareglum
borgarinnar um útboð reksturs.
Gistiskýlið var fyrst opnað árið
1969 af Félagsmálastofnun Reykja-
víkur. Samhjálp tók við rekstrinum
haustið 1990 og rak skýlið til ársins
1999 en þá tók Reykjavíkurborg aft-
ur við. Samhjálp kom svo aftur að
rekstrinum 2006 og rak það þá mánuð
í senn en formlegur samningur var
gerður um reksturinn árið 2007 eftir
að Velferðarsvið auglýsti eftir rekstr-
araðila. Fulltrúar sjálfstæðismanna og
vinstri-grænna í velferðarráði Reykja-
víkurborgar hafa gagnrýnt að rekstur
Gistiskýlisins hafi ekki verið boðinn út
fyrir árið 2012.
Gildir ekki það sama
Þegar samið var við Samhjálp um
rekstur Gistiskýlisins voru inn-
kaupareglur borgarinnar brotn-
ar. Innkaupastofnun borgarinnar og
borgarlögmaður hafa staðfest það
samkvæmt fundargerðum velferð-
arráðs frá 7. júní á þessu ári. Þar segir:
„Innkaupastofnun og borgarlögmað-
ur hafa staðfest að innkaupareglur
borgarinnar voru brotnar þegar samið
var við Samhjálp um rekstur gistiskýl-
isins fyrir karla að Þingholtsstræti 25.
Ljóst er að um er að ræða meðvitað
brot þar sem sviðið hafði skömmu
áður samið við Rauða kross Íslands
um rekstur gistiskýlis fyrir konur og þá
fylgt innkaupareglum í hvívetna. Að
mati velferðarráðsfulltrúa VG og Sjálf-
stæðisflokks er brotið alvarlegt þar
sem ekki var auglýst eftir áhugasöm-
um eins og gera ber. Full ástæða er
til að ætla að áhugasamir hefðu gefið
sig fram eins og raunin var þegar síð-
ast var auglýst eftir áhugasömum um
rekstur gistiskýlis fyrir karla og SÁÁ
gaf kost á samvinnu. Það er nöturlegt
að fylgjast með því hvernig meirihluti
Besta flokks og Samfylkingar leyfir
sér að brjóta innkaupa- og siðareglur,
þær tvær samþykktir borgarinnar sem
helst eiga að verja íbúana gegn spill-
ingu í stjórnsýslunni,“ segir í bókun af
fundinum.
„Þeir sömdu beint við Samhjálp
núna í byrjun árs og fóru fram hjá nýj-
um innkaupareglum borgarinnar sem
segja að það eigi að auglýsa rekstur-
inn. Þeir brutu reglurnar og um leið
hækkuðu þeir verulega við þá,“ segir
Þorleifur. Hann segir að síðast þegar
reksturinn var auglýstur hafi SÁÁ boð-
ið í hann. „Upphæðin sem þeir buðu
var aðeins yfir því sem Samhjálp bauð
en langt undir því sem upphæðin er
komin í núna. Á sama tíma og samið
var um áframhaldandi rekstur við
Samhjálp var auglýst eftir áhugasöm-
um aðilum við rekstur á Konukoti sem
Rauði krossinn hefur rekið. Þannig að
það gildir ekki það sama fyrir Rauða
krossinn og Samhjálp.“
Sumir kjósa frekar að sofa úti
Þeir sem DV ræddi við sögðu aðbún-
að vera slæman í Gistiskýlinu. Vont
loft væri þar og starfsemin hentaði
engan veginn í því húsnæði sem hún
væri í en samkvæmt heimildum DV
er leitað að hentugra húsnæði und-
ir starfsemina. Rúmin sem skjól-
stæðingar skýlisins svæfu í væru kom-
in vel til ára sinna. „Rúmin eru mjög
léleg og óþægileg. Auðvitað er maður
þakklátur fyrir að sofa ekki úti en ég
veit að sumir kjósa frekar að sofa úti,
allavega þegar það er ekki kalt, það er
varla skárra að sofa inni,“ segir einn
útigangsmannanna sem DV ræddi
við og sagði sængurfötin líka gömul
og léleg og að sjaldan væri skipt um
þau. Reyndar nefndu nokkrir að að-
eins væri skipt á rúmunum einu sinni
í viku, burtséð frá því hvort mismun-
andi aðilar notuðu rúmin. „Ef maður
kemur seint eða missir úr dag og miss-
ir þá rúmið sem maður vanalega hef-
ur þá getur maður lent í því að sofa í
rúmi sem einhver annar hefur dval-
ið í, stundum er búið að míga í þau
og það er ekki skipt um á þeim,“ seg-
ir maðurinn.
Bara rugl
Þórir Haraldsson, dagskrárstjóri Gisti-
skýlisins, segist kannast við að menn
þurfi að sofa í rúmum sem aðrir hafi
sofið í, með sömu rúmföt. „Já, já, og
það er ekkert athugavert við það ef
rúmið er hreint. En við setjum engan í
rúm sem er búið að míga í, það er nátt-
úrulega bara rugl,“ segir hann. „Hitt er
annað mál að þetta er gistiskýli og það
á enginn rúm. Þetta er allt önnur hug-
myndafræði en ef þetta væri heimili.
Það gildir reglan fyrstur kemur, fyrstur
fær,“ segir hann.
Viðmælendur DV töluðu einnig
um að matvara sem boðið væri upp
á í skýlinu væri oft útrunnin. „Þetta
er eldgamall og vondur matur. Nú er
hætt að vera brauð á morgnana og
maður fær bara hafragraut og súr-
mjólk,“ segir útigangsmaður sem sef-
ur oft í skýlinu.
Þórir vísar því á að bug að boð-
ið sé upp á útrunninn mat. „Það er
bara rangt. Við fáum gjarnan brauð að
kvöldinu sem er dagsgamalt úr bak-
aríinu. Það er yfirleitt ekki söluvara
og því er annars hent að kvöldi til. Það
er ekkert að þessu brauði og maður
borðar oft dagsgamalt brauð heima
hjá sér,“ segir hann. Boðið er upp á
morgunmat í skýlinu og hressingu að
kvöldi til.
Ekki faglærðir starfsmenn
Þorleifur hefur gagnrýnt ýmislegt
er snýr að rekstri Gistiskýlisins. Til
að mynda vill hann að borgin taki
reksturinn yfir og telur það ekki sam-
ræmast vinnureglum borgarinnar að
Samhjálp, sem séu trúarleg samtök,
sjái um rekstur á vegum borgarinnar.
Í enda árs 2010 var gerð úttekt á
starfsemi Gistiskýlisins. Þá var rætt við
starfsmenn og skjólstæðinga. Þar kem-
ur fram ýmislegt sem snýr að rekstrin-
um og sumt setja skýrsluhöfundar út
á. Meðal annars að starfsemin sé ekki
Viktoría Hermannsdóttir
blaðamaður skrifar viktoria@dv.is
Gistiskýlið Viðmælendur DV sögðu
aðbúnað í Gistiskýlinu vera lélegan.
Rúmin væru gömul og það kæmi fyrir
að menn svæfu í hlandblautu rúmi
eftir aðra. Dagskrárstjóri skýlisins
vísar þessu á bug.
„Auðvitað er maður
þakklátur fyrir að
sofa ekki úti en ég veit að
sumir kjósa frekar að sofa
úti, allavega þegar það
er ekki kalt, það er varla
skárra að sofa inni.
n Segja aðbúnað í Gistiskýlinu lélegan n Innkaupareglur brotnar þegar samið var við Samhjálp