Dagblaðið Vísir - DV - 12.09.2012, Blaðsíða 2

2 Fréttir 12. september 2012 Miðvikudagur
Í
bréfi sem Bragi Kristjónsson ritar
til rannsóknarnefndar um starfs-
hætti kaþólsku kirkjunnar, segir
hann frá því að biskup kaþólsku
kirkjunnar hafi á dánarbeði iðr-
ast þess að hafa ekki skipt sér af mál-
um séra Ágústs Georgs og Margrétar
Müller.
Mál tengd þeim séra Georg og
Margréti voru áberandi á sumar-
mánuðum í fyrra. Þá stigu fjölmargir
fram og lýstu harðræði og andlegu,
líkamlegu og kynferðislegu ofbeldi
sem þau töldu sig hafa sætt af hendi
þeirra en þau eru talin hafa átt í leyni-
legu sambandi.
Ógeðfellt atvik rifjaðist upp
Sonur Braga, Valgarður, var einn
þeirra sem stigu fram en í viðtali við
DV lýsti hann því hvernig það rifjaðist
upp fyrir honum ógeðfellt atvik sem
hann varð fyrir af hálfu séra Georgs.
„Ég man eftir því að Georg leiddi mig
inn í herbergi sem hann bjó í, í gamla
prestsbústaðnum. Ég man bara að ég
sat við stórt borð og svo man ég eft-
ir honum með hneppt frá skyrtunni
og hann var að strjúka mér eitthvað á
efri hluta líkamans og sífellt að lykta af
mér. Hann talaði um að honum væri
heitt og eitthvað svona. Því næst fór
hann afsíðis og stundi eitthvað.“
Valgarður virtist hafa lokað á
minninguna frá því að atvikið átti sér
stað þegar hann var um 8–9 ára gam-
all. Atvikið rifjaðist upp þegar hann
las lýsingu annars fórnarlambs í
Fréttatímanum og eftir það fór hann
og braut 21 rúðu í safnaðarheimili
kirkjunnar. Valgarður ætlaði þá að
segja sig úr kirkjunni en fjölskyldan
hafði lengi verið í söfnuðinum. Faðir
hans gekk í skólann sem og Valgarð-
ur og bræður hans tveir.
Sérstæður kennsluhættir
umtalaðir
Þegar rannsóknarnefndin var
stofnuð bauðst fyrrverandi nem-
endum í skólanum sem og fólki
tengdu starfi hans að koma í viðtal
hjá nefndinni og segja frá reynslu
sinni. Bragi var einn þeirra sem
sendu nefndinni bréf en hann þekkti
vel til starfsins, bæði sem fyrrver-
andi nemandi, foreldri nemenda við
skólann sem og vegna þess að hann
starfaði sem bréfritari fyrir séra Ge-
org í 10–15 ár sem mun aldrei hafa
náð nægilega góðum tökum á ís-
lenskunni.
Bragi segir í bréfinu að það hafi
verið umtalað innan skólans að
kennsluhættir Margrétar væru sér-
stæðir. „Einn daginn tók hún til
dæmis einn nemanda fyrir og hældi
á hvert reipi, en daginn eftir lét hún
skammirnar dynja á sama nemanda.
Var hún því ekki sérlega vel þokkuð
meðal nemenda og barst þetta auð-
vitað til foreldra, sem voru margir
mjög ósáttir við kennslu- og upp-
eldisaðferðir hennar. Annars lifði
og starfaði umrædd Margret fyrir
börnin, var þeim mjög góð, kenndi
handavinnu og börnin voru jafn-
an velkomin í vistarverur hennar,
sem voru í turni skólans,“ segir Bragi
en segir syni sína yfirleitt ekki hafa
kvartað undan kennslukonunni.
Greindi biskupnum frá
Hún hafi „kannski vegna þessara
tengsla við skólastjórann“ látið syni
hans nánast í friði. „En þó kom það
fyrir í nokkur skipti, að þeir kvörtuðu
undan framkomu hennar við þá,“ seg-
ir Bragi í bréfinu. Hann, ásamt þá-
verandi eiginkonu sinni Nínu Björk
Árnadóttur, fór þá á fund Georgs til
þess að ræða framkomu kennslukon-
unnar við syni þeirra. „Vorum við ekki
búin að bera fram erindi okkar, fyrr
en skólastjórinn bókstaflega trylltist,
jós úr sér fúkyrðum og sagðist vera
orðinn þreyttur á að hlusta á lygasög-
ur um nefnda Margret.“ Því næst hafi
þau farið af vettvangi. „Skömmu síðar
greindi ég þáverandi biskupi, Henrik
Frehen, af sömu reglu, frá framgöngu
frökenarinnar og sagði hann okk-
ur, að hann hefði fengið margar svip-
aðar kvartanir um hana. Það orð lék
á innan skóla og utan, að þau sr. Ge-
orge og Margret væru svo nánir vinir
og hlífiskjöldur hans yfir henni alger,
að stappaði nærri því að vera óeðli-
legt. Margt er jú skrafað og var talað
um að þau væru ekki bara vinir held-
ur elskendur, en satt að segja hef ég
aldrei, sem von er, vitað sannleikann í
því máli. En dálítið var þetta dularfullt
allt saman og þótti mörgum foreldr-
um þetta hið fúlasta mál. Bar ég þetta
einnig undir áðurnefndan biskup, en
hann vildi ekki svara því með neinum
hætti í það skipti,“ segir Bragi.
Iðraðist á dánarbeðinum
Bragi heimsótti svo áðurnefndan
biskup nokkrum sinnum þegar hann
lá banaleguna. „Heimsótti ég hann
nokkrum sinnum, enda hafði alltaf
farið mjög vel á með okkur. Nokkrum
dögum áður en hann lézt heimsótti
ég hann í hið þá nýlega prestahús við
Hávallagötu. Var þá mjög af honum
dregið. Sem ég sat þarna hjá honum,
rétti hann mér hendi og mælti veikum
rómi: Kæri Bragi, þetta sem þú talaðir
um við mig fyrir nokkrum árum, hefði
ég átt að stöðva eða grípa inn í með
einhverjum hætti. Tók ég það sem gef-
ið að þar ætti hann við þau skötuhjú
Margret og sr. George. En ekki skýrði
hann þetta nánar, enda við dauðans
dyr,“ segir Bragi.
Biskupinn iðraðist
á dánarBeðinum
n Bréf Braga lýsir upplifun hans af séra Georg og Margréti Müller
Viktoría Hermannsdóttir
blaðamaður skrifar viktoria@dv.is
„Hitler var góður maður, Hitler
var góður maður og hann
var líka svo duglegur og byggði alla
þessa fínu vegi í Þýzkalandi
Leynilegt samband Margrét Müller og séra Georg kenndu við skólann í tugi ára. Þau eru
sögð hafa verið leynilegir elskendur.
Landakotsskóli Rannsóknarnefndin fer
ofan í kjölinm á því sem gerðist.
Ritaði bréf fyrir séra
Georg Bragi segir í bréfi til
rannsóknarnefndarinnar
frá því hvernig biskupinn
iðraðist þess á dánarbeði að
hafa ekki skipt sér af málum
séra Georgs og Margrétar.
Ölvaður reykti
í flugvél
Rúmlega fimmtugur karlmaður
var staðinn að því að reykja inni á
salerni flugvélar Icelandair á leið
til landsins á dögunum. Maður-
inn var að koma frá heimalandi
sínu, Noregi, og reyndist hann
vera verulega ölvaður þegar lög-
reglan á Suðurnesjum ræddi
við hann. Í tilkynningu frá lög-
reglunni á Suðurnesjum kemur
fram að maðurinn hafi í fyrstu sagt
að hann hafi ekki reykt í vélinni.
Hann breytti síðan framburði sín-
um og sagðist sjá eftir athæfi sínu,
sem ekki myndi endurtaka sig.
Hann var frjáls ferða sinna að svo
búnu, en málið er í höndum lög-
reglunnar á Suðurnesjum.
Stal samloku
og heyrnartólum
Héraðsdómur Reykjavíkur hefur
dæmt 25 ára karlmann í fjögurra
mánaða skilorðsbundið fang-
elsi fyrir þjófnað. Maðurinn var
ákærður fyrir að hafa í ársbyrjun
stolið samloku að verðmæti 529
krónur í verslun Stöðvarinnar við
Suðurfell. Þá var hann ákærður
fyrir að hafa í mars stolið heyrnar-
tólum af gerðinni Sennheiser að
söluverðmæti 5.995 krónur. Mað-
urinn játaði brot sitt fyrir dómi en
á talsverðan brotaferil að baki sem
nær aftur til ársins 2005. Þannig
hefur hann meðal annars hlot-
ið sex dóma vegna auðgunar-
brota, síðast í desember í fyrra
þegar hann var dæmdur í þriggja
mánaða fangelsi, skilorðsbund-
ið í tvö ár.
Fíkniefni
í bílskúr
Lögreglan á Suðurnesjum hafði
um helgina afskipti af manni,
sem var að reyna að brjótast
inn í hús með barefli. Í ljós kom
að þarna var að verki húsráð-
andi sem hafði læst sig úti.
Hann var kominn inn í inngang
að bílskúr húsnæðisins þegar
lögreglumenn komu á vettvang
og fundu þeir sterka kannabis-
lykt þar. Þeir leituðu í bílskúrn-
um og fundu kannabisefni í
skúffu innst í honum. Hús-
ráðandinn var handtekinn og
færður á lögreglustöð. Þar var
tekin af honum skýrsla og hon-
um sleppt að því loknu.
Þá var lögreglunni á
Suðurnesjum tilkynnt á mánu-
dag um að brotist hefði verið
inn í verkfæragám í Svartsengi.
Þegar lögreglumenn komu á
vettvang reyndist hafa verið
klippt á tvo hengilása á öðrum
af tveimur gámum sem eru á
svæðinu. Ekki var ljóst hvort
einhverju hafði verið stolið. Þá
var búið að eiga við hengilás á
hinum gámnum, en þar höfðu
hinir óprúttnu ekki haft erindi
sem erfiði, því þeir urðu frá að
hverfa við svo búið.