Dagblaðið Vísir - DV - 12.09.2012, Blaðsíða 4

Ólafur stofnar félag
um fasteignir sínar
Kyrrlátt við þingsetningu
n Óvenjulítið mótmælt við Alþingishúsið
Þ
ingsetningin sem fór fram
um miðjan þriðjudag var lík­
lega sú kyrrlátasta frá því bús­
áhaldabyltingin svokallaða
átti sér stað. Fáeinir tugir mótmæl­
enda mættu fyrir utan Alþingishúsið
en lögreglan hafði girt af stórt svæði
við Austurvöll. Nokkrir blésu í flautur
og sumir börðu búsáhöld. Öryrkja­
bandalagið var með stóran fána auk
þess sem á skiltum mátti lesa slag­
orð eins og: „Fatlaðir eru líka fólk“,
„Stjórnvöld afætur án ábyrgðar“ og
„200.000 kr. skattleysismörk strax“.
Mótmælin höfðu ekki áhrif á þing­
setninguna en þó mátti heyra hróp og
köll að utan á meðan forsetinn ávarp­
aði þingið.
Þingmenn sluppu alveg við
eggjakast eða annað slíkt en skemmst
er að minnast setningu þingsins fyrir
ári þegar þingmaðurinn Árni Þór Sig­
urðsson fékk egg í höfuðið af slíku afli
að hann missti jafnvægið og féll um
koll.
4 Fréttir 12. september 2012 Miðvikudagur
Ó
lafur Ólafsson, fjárfestir
og eigandi Samskipa, hef­
ur stofnað nýtt fjárfestingar­
félag sem kallast Festir ehf.
Félagið varð til við upp­
skiptingu á fasteignafélagi Ólafs,
Festingu ehf., en það félag held­
ur utan um umtalsvert magn fast­
eigna sem fjárfestirinn á hér á landi.
Stjórnarmenn í hinu nýja félagi eru
tveir af starfsmönnum fjárfestingar­
félags Ólafs, Kjalars ehf. Þeir heita
Heimir Sigurðsson og Jónas Guð­
björnsson. Þeir eru einnig stjórnar­
menn Festingar ehf.
Skráningu Festingar ehf. hjá
ríkis skattstjóra var breytt þann 7.
september síðastliðinn miðað við
skiptingaráætlun sem dagsett er 11.
maí 2012. Eftir breytinguna lækk­
aði hlutafé Festingar ehf. úr rúm­
um hundrað milljónum og niður í
500 þúsund krónur. Svo virðist sem
Festir ehf. hafi tekið við meirihluta
hlutafjár Festingar ehf. þar sem
hlutafé síðarnefnda félagsins er nú
rúmar 90 milljónir króna. Stofnandi
Festis ehf. var móðurfélag Sam­
skipa, SMT Partners B.V. í Hollandi,
en það félag á einnig Festingu.
Tilgangur hins nýja fjárfestingar­
félags Ólafs er sagður vera „kaup,
sala og eignarhald á verðbréfum,
kaup, sala og rekstur fasteigna og
lausafjár ásamt lánastarfsemi tengd
rekstrinum og annar skyldur rekstur.“
Á 16 milljarða eignir
Fyrir skiptinguna á Festingu ehf.
átti félagið meðal annars fasteign­
irnar sem hýsa starfsemi Sam­
skipa á Íslandi í Kjalarvogi, skrif­
stofuhúsnæði kennt við Olís á
Suðurlandsbraut 18 og höfuð­
stöðvar bifreiðaumboðsins Öskju á
Krókhálsi. Askja sér meðal annars
um innflutning og sölu á Mercedes
Benz­bifreiðum.
Festing skilaði hagnaði upp á
rúmlega milljarð króna árið 2010
og eru eignir félagsins verðmetn­
ar á meira en 16 milljarða króna.
Skuldir félagsins nema nærri 16,5
milljörðum króna og eru skuldirn­
ar meiri en eignirnar sé tekið mið
af fasteignamati eigna Festingar en
ekki bókfærðu virði þeirra. Festing
kemur því vel undan hruninu og
er til marks um hversu staða Ólafs
Ólafssonar sem fjárfestis er enn
góð eftir hrunið, þó svo að hann
hafi tapað stórum eignarhluta í
Kaupþingi og þriðjungs eignarhlut
í HB Granda svo dæmi séu tekin.
Allar fasteignir Festingar ehf.
eru hins vegar ennþá skráðar á
það félag inni á vefsvæði ríkisskatt­
stjóra og hafa því ekki færst form­
lega yfir til Festis ehf., sem hlýtur
að vera ætlunin ef litið er til hluta­
fjárlækkunarinnar hjá félaginu.
Gert til hagræðingar
Heimir Sigurðsson, stjórnarmaður
Festingar og Festis, segir að skipt­
ingin á fyrrnefnda félaginu sé gerð
til hagræðingar í rekstri félags­
ins. „Það er nú ekkert á bak við
þetta annað en það að við erum við
rekstur sem er tvískiptur. Annars
vegar er um að ræða fasteignir sem
tengjast rekstri Samskipa og hins
vegar aðrar fasteignir sem ekki
tengjast þeim rekstri.“ Heimir seg­
ir að eignarhaldsfélagið Festing ehf.
muni því halda eftir þeim eignum
sem tengjast Samskipum og Fest­
ir ehf. taki við hinum eignum fé­
lagsins. „Þetta er hugsunin hjá okk­
ur. Gagnvart leigutökunum þá mun
þetta ekki breyta neinu. Þetta er
bara af praktískum ástæðum sem
við viljum hafa þetta í tveimur fé­
lögum.“
Heimir segir að staða Festingar
sé fín um þessar mundir. „Þetta félag
hefur farið í gegnum þetta hrun án
þess að lenda í neinum vandræðum.“
Ingi Freyr Vilhjálmsson
fréttastjóri skrifar ingi@dv.is
n Félag fjárfestisins á 16 milljarða eignir n Sterk staða eftir hrun
Sterkt félag Staða fasteignafélags Ólafs
Ólafssonar fjárfestis er sterk eftir hrunið.
Ólafur sætir nú ákæru í Al-Thani málinu
svokallaða og sést hér í Héraðsdómi Reykja-
víkur fyrr á árinu. Mynd SiGtryGGur Ari
„Þetta fé-
lag hefur
farið í gegnum
þetta hrun án
þess að lenda í
neinum vand-
ræðum
Mótmælt Fáir mótmæltu við þingsetningu á þriðjudag.
Sveik út
leikjatölvu
Héraðsdómur Reykjaness hefur
dæmt 19 ára karlmann í 60 daga
skilorðsbundið fangelsi fyrir fjár­
svik og tilraun til fjársvika. Mað­
urinn var ákærður fyrir að hafa
síðasta sumar pantað leikjatölvu
á vefsíðunni BT.is. Maðurinn gaf
upp nafn sitt og kennitölu en not­
aði stolið greiðslukortanúmer.
Hann fékk tölvuna afhenta sama
dag. Fjórum dögum síðar reyndi
maðurinn sama leik aftur. Í þetta
skiptið fékk hann ekki tölvuna
þar sem upp komst að hann var
ekki handhafi greiðslukortsins
sem greitt hafði verið með á vef­
síðunni. Maðurinn játaði sök en
hann var einnig ákærður fyrir að
hafa smáræði af fíkniefnum í fór­
um sínum. Dómurinn er skilorðs­
bundinn til tveggja ára.
Drengurinn
á batavegi
Askur Nói, fimm ára drengur sem
höfuðkúpubrotnaði þegar hann
kastaðist úr hoppukastala í Para­
dísarlandi á Glerártorgi fyrir viku,
hefur verið útskrifaður af spítala
og er á batavegi. Móðir Asks seg­
ir líðan hans vera góða miðað við
aðstæður en hann fari þó ekki í
leikskólann næstu tvær vikurn­
ar. „Það lítur sem betur fer út fyrir
að hann muni alveg ná sér.“ Askur
Nói var í afmæli sem haldið var í
Paradísarlandi þegar slysið varð,
en hann kastaðist úr hoppukast­
alanum og lenti með höfuðið á
steinsteyptu gólfi. Kallað var strax
á sjúkrabíl sem flutti drenginn
á spítala. Lögreglan á Akureyri
rannsakar málið og fyrirtækið
sem rekur Paradísarland hefur nú
þegar gripið til öryggisráðstafana
til að koma í veg fyrir að viðlíka
slys hendi aftur.