Dagblaðið Vísir - DV - 12.09.2012, Side 10

IngIbjörg sleppur vIð
tuttugu mIlljarða
K
röfuhafar eignarhaldsfélags-
ins 101 Capital ehf., sem var
í eigu Ingibjargar Pálma-
dóttur, þurftu að afskrifa
rúmlega 20 milljarða króna
lán sem veitt voru til félagsins. Gjald-
þrotaskiptum á félaginu lauk í síð-
ustu viku, samkvæmt skiptastjóra
þess, Áslaugu Árnadóttur, og fékkst
ekkert upp í kröfurnar sem lýst var
þar sem félagið var eignalaust. Ingi-
björg er eiginkona Jóns Ásgeirs Jó-
hannessonar, ráðandi hluthafa í bæði
Baugi og Glitni fyrir hrunið 2008.
101 Capital var stofnað árið 2007
og keypti 19 prósenta hlut í fast-
eignafélaginu Landic Property af
Baugi í ágúst 2007. Viðskiptin gengu
undir nafninu Project Para. Í kjöl-
farið keypti Landic Property danska
fasteignafélagið Keops A/S. Þá fjár-
festi 101 Capital í framvirkum samn-
ingum um hlutabréf í FL Group, nú
Stoðum, en þau bréf voru seld yfir til
félagsins Styrks Invest í apríl 2008.
Fjármagnað af Glitni og Baugi
Áslaug segir aðspurð að Glitnir og
Baugur hafi verið stærstu kröfuhaf-
ar 101 Capital. „Skiptum er lokið
[...] Þetta voru rúmlega 20 milljarða
króna kröfur [...] Skiptum var lokið
á grundvelli 155. greinar sem þýð-
ir að búið var eignalaust [...] Stærstu
kröfurnar voru frá Glitni og þrota-
búi Baugs [...] Um var að ræða lána-
samning og samning um framvirk
verðbréfaviðskipti [...] Þetta voru við-
skipti með Landic Property annars
vegar og FL Group hins vegar,” seg-
ir Áslaug. Stærstu lánveitendur 101
Capital voru því félög sem Jón Ás-
geir Jóhannesson, eiginmaður Ingi-
bjargar, stýrði með beinum eða
óbeinum hætti.
Aðspurð hvort hún hafi sent ein-
hverjar ábendingar eða athugasemd-
ir um viðskipti 101 Capital til eftirlits-
aðila eða ákæruvalds segir Áslaug að
svo hafi ekki verið.
Tóku gögn um 101 Capital
Viðskipti 101 Capital hafa verið til
rannsóknar hjá embætti sérstaks
saksóknara um nokkurt skeið. Í
rassíu sem tengdist rannsókn emb-
ættisins á Glitni í nóvember 2010 var
lagt á hald á gögn um Project Para
viðskiptin í húsleit sem gerð var á 101
hóteli, sem er í eigu Ingibjargar. Þetta
sagði Jón Ásgeir í viðtali við DV í nóv-
ember 2010 eftir að húsleitin hafði
farið fram. „Ég veit um Keops-yfir-
tökuna og ég veit um yfirtöku Glitn-
is á Aurum-bréfunum. Það er svona
það sem ég þekki í þessu og sem oft
hefur verið reifað. Ég kom að Keops
á sínum tíma í gegnum eignarhald
okkar á fasteignafélaginu [Stoðum
hf., síðar Landic Property, innskot
blaðamanns],“ sagði Jón Ásgeir í við-
talinu en einu gögnin sem sérstakur
saksóknari tók í húsleitinni voru áð-
urnefnd gögn um Project Para.
Talið brot á lánareglum
Fjallað er um viðskipti 101 Capi-
tal í stefnu slitastjórnar Glitnis gegn
Jóni Ásgeiri og fleiri ráðandi aðil-
um og stjórnendum Glitnis, í skýr-
slu sem franska rannsóknarfyrirtæk-
ið Cofisys vann fyrir slitastjórnina og
í skýrslu rannsóknarnefndar Alþing-
is. Í skýrslu sinni sagði Cofisys að fé-
lagið væri sannfært um að embætti
sérstaks saksóknara ætti að rannsaka
kaup 101 Capital á hlutnum í Landic
Property af Baugi.
Ástæðan er sú, líkt og fjallað er
um í skýrslu rannsóknarnefndarinn-
ar, að talið er að viðskiptin hafi átt sér
stað til að fara í kringum reglur Glitn-
is um stórar áhættuskuldbindingar
til tengdra aðila. Ingibjörg flokkaðist
ekki sem tengdur aðili Baugs, félags
Jóns Ásgeirs, hjá Glitni þrátt fyrir að
gera það hjá Landsbankanum. Til-
gangur viðskiptanna á milli Baugs og
Ingibjargar var sá að fjármagna þurfti
kaup Landic Property á danska fjár-
festingarfélaginu Keops A/S, að því
er kemur fram í stefnu slitastjórnar
Glitnis. Baugur var einn stærsti hlut-
hafi Landic en vegna þess hversu
mikið Baugur hafði fengið lánað frá
Glitni gat félagið ekki aukið á áhættu-
skuldbindingar sínar í bankanum.
Þess vegna voru bréf Baugs í Landic
færð yfir til 101 Capital. Glitnismenn
kölluðu viðskiptin Project Para sam-
kvæmt stefnunni. Glitnir veitti svo
Stoðum hf. 7 milljarða króna lán,
Baugi tæplega 5 milljarða króna og
101 Capital 5 milljarða króna lán til
til að kaupa Keops.
Um þetta segir í stefnunni: „Lán-
veitingar Glitnis til Landic, móðurfé-
lags þess Baugs og til aðila sem voru
fjárhagslega tengdir Jóni Ásgeiri voru
þá þegar langt fyrir ofan lögbund-
in mörk. Tilgangur Project Para var
að fara í kringum þessi lögbundnu
mörk með því að láta 101 Capital, að-
ila sem var tengdur Jóni Ásgeiri og
sem eiginkona hans Ingibjörg átti,
kaupa 19 prósent af hlutabréfum
Landic frá Baugi svo hægt yrði að líta
svo á að Baugur og Landic væru ekki
tengdir aðilar.“ Í stefnunni er komist
að eftirfarandi niðurstöðu um við-
skiptin: „Öllum hefði átt að vera ljóst
að Project Para-viðskiptin voru lög-
brot þar sem litið var á öll þrjú félög-
in, Baug, 101 Capital og Landic, sem
tengda aðila í gögnum frá Landic.“
Jón Ásgeir skammaði Lárus
Í stefnunni segir enn frekar að Baug-
ur hafi í raun bara „plantað“ bréfun-
um í Landic Property hjá 101 Capital
og að viðskiptin hafi ekki haft neina
fjárhagslega merkingu heldur hafi
þau eingöngu verið gerð í þeim til-
gangi að vera til hagsbóta fyrir Jón
Ásgeir. Í stefnunni er vitnað í nokkra
tölvupósta sem sýna aðkomu Jóns
Ásgeirs að Project Para-málinu.
Í fyrsta tölvupóstinum skamm-
aði Jón Ásgeir forstjóra Glitnis, Lárus
Welding, vegna þess að starfsmaður
Glitnis hafði haft samband við Ingi-
björgu til að láta hana vita að 101
Capital væri í vanskilum með lánið
frá Glitni. Jón Ásgeir sagði þá við Lár-
us: „... fólk sem fær slíka tölvupósta
mun hugsa sig tvisvar um þegar þú
segir því að það sé best fyrir það að
nota einkabankaþjónustu Glitnis.“
10 Fréttir 12. september 2012 Miðvikudagur
n 101 Capital eignalaust n Glitnir og Baugur lánuðu n Sérstakur saksóknari rannsakar 101 Capital
„ ... fólk sem fær
slíka tölvupósta
mun hugsa sig tvisvar
um þegar þú segir því að
það sé best fyrir það að
nota einkabankaþjónustu
Glitnis.
20 milljarða afskriftir Skiptum er lokið á félagi Ingibjargar Pálmadóttur, 101 Capital, og fékkst ekkert upp í rúmlega 20 milljarða króna kröfur. Félagið er talið hafa verið stofnað til að
fara í kringum reglur um stórar áhættuskuldbindingar í viðskiptum Landic Property. Mynd pressphoTos.Biz
Lárus skammaður Jón Ásgeir skammaði Lárus Welding þegar starfsmaður Glitnis sótti
að Ingibjörgu vegna lánveitinga til 101 Capital.
Ingi Freyr Vilhjálmsson
fréttastjóri skrifar ingi@dv.is
Mynd pressphoTos.Biz