Dagblaðið Vísir - DV - 12.09.2012, Blaðsíða 16

16 Neytendur 12. september 2012 Miðvikudagur
Algengt verð 261,6 kr. 262,7 kr.
Algengt verð 259,2 kr. 262,4 kr.
Höfuðborgarsvæðið 259,1 kr. 262,3 kr.
Algengt verð 259,4 kr. 262,6 kr.
Algengt verð 261,6 kr. 262,7 kr.
Melabraut 259,2 kr. 262,4 kr.
Eldsneytisverð 10. september
Bensín Dísil
Kurteisi og
elskulegheit
n Hrósið að þessu sinni fær Cint­
amani en ánægður viðskiptavinur
sendi eftirfarandi: „Ég keypti mér
gönguskó hjá þeim sem reyndust
gallaðir og ég gat aldrei notað. Ég
trassaði óralengi að fara og ræða
málið. Þegar ég loks lét verða af því
fékk ég frábærar móttökur og lof­
að var að reyna að laga skóna. Það
gekk ekki og reyndar leið svolítið
langur tími án þess að ég heyrði frá
fyrirtækinu. Þegar ég hafði
samband var ég boðin
velkomin til þeirra til
að sækja nýja skó. Við­
mót starfsmanns
var alveg til fyrir­
myndar; kurteisi
og elskulegheit.
Ég þakka fyrir
mig.“
Undrandi á
starfsfólki
n Lastið að þessu sinni fær Saffran
Express á Ártúnshöfða. Viðskipta­
vinur hafði samband við blaðið og
kvaðst vera undrandi á starfsfólki
staðarins þegar hann kom þar við
rétt fyrir klukkan 18 á miðvikudag í
síðustu viku. „Ég leit upp og skoð­
aði matseðilinn og varð svo litið
niður. Þá tók ég eftir því að stúlkan
sem var að afgreiða á kassanum var
með stærðarinnar sleikjó í munn­
inum. Ekki nóg með það heldur
voru að minnsta kosti tveir aðrir
starfsmenn með sleikjó í munnin­
um, þar á meðal starfsmaður sem
var að útbúa matinn. Mér fannst
þetta miður geðslegt, snéri mér við
og fór á Subway.“
Haft var samband við
Odd Smára Rafnsson, fram­
kvæmdastjóra Saffran sem vildi fá
að koma eftirfarandi á framfæri:
„Ég vil biðjast afsökunar á þessu.
Þetta er mjög óheppilegt atvik sem
á ekki að eiga sér stað og erum við
búnir að gera viðeigandi ráðstaf­
anir. Ég vona að þessi
afsökunarbeiðni
gefi viðskiptavin­
um fullvissu um
að þeir geti borið
fullt traust til okk­
ar þegar að það
kemur að góðri þjón­
ustu og góðum mat,“ segir
Oddur Smári.
Lof og last
Sendið lof eða last á neytendur@dv.is Hækkaðu
verðgildi bílsins
n Smá þrif og bón geta gert gæfumuninn þegar kemur að sölu gamla bílsins
M
eð því að gefa bílnum alls­
herjar andlitslyftingu geta
bíleigendur aukið verðmæti
hans. Eigir þú gamlan bíl
sem farið er að láta á sjá og
sem þú vilt losa þig við getur verið gott
ráð að þrífa hann vel og vandlega. Þó
það fari ekki á milli máli að um gamlan
og notaðan bíl sé að ræða þá verður
hann töluvert söluvænlegri ef hann er
þrifinn vel, pússaður og bónaður, auk
þess sem þú gætir fengið meira fyrir
hann. Þetta gæti á hinn bóginn orðið
til þess að þú sérð gamla bílinn í nýju
ljósi og leyfir honum að vera hluti af
fjölskyldunni í nokkur ár í viðbót.
Í danska blaðinu Politiken er því
haldið fram að með slíkri yfirhalningu
sé hægt að hækka verðgildi gamalla
bíla um tugi ef ekki hundruð þúsunda.
Það sakar ekki að reyna, auk þess sem
þrif á bílnum er nauðsynlegt viðhald
sem sinna þarf reglulega til að auka líf­
tíma hans.
sparaðu þér þrifin
Það er gott að fara með bílinn og láta
atvinnumenn sjá um að þrífa hann
rækilega. Ef bíleigendur vilja spara sér
þann pening er þó auðvelt að þrífa bíl­
inn sjálf/ur. Það þarf einungis að gefa
sér smá tíma í það en hægt er að kaupa
öll hreinsiefnin á bensínstöðvum og
öðrum bílavöruverslunum.
1 Byrjið á því að fara með bílinn á þvottastöð. Vélarnar þar taka
heilmikið af óhreinindunum en farið
þó sjálf vel í öll horn, rifur, hurðarföls
og skott.
2 Þrífið vélarhúsið með sérstöku hreinsiefni. Úðið efninu yfir og
skolið vandlega. Ef það er mikill
þrýstingur á vatninu er gott ráð að
standa í góðri fjarlægð svo vatn
þrýstist ekki inn í raflagnir. Þá gæti
verið ráð að hylja slíkar lagnir til að
hlífa þeim við vatninu.
3 Felgur þarf að handþvo, með felgusápu og bursta. Skolið
vandlega á eftir.
4 Ef það eru grunnar rispur og skemmdir í lakkinu má laga
þær með þar til gerðum lakkpenn­
um. Eins er hægt að gera við slíkar
smáskemmdir og rispur með
grunni og glæru.
5 Tæmið bílinn af öllu lauslegu og ryksugið hann hátt og lágt.
Mottur, sæti og áklæði er best að
þrífa með sérstökum efnum. Passið
ykkur á að skilja ekki eftir bletti. Bíl,
sem hefur verið reykt í, þarf að þrífa
sérstaklega vel og vandlega og
jafnvel tvisvar.
6 Strjúkið af mælaborði og pússið með vínyl­hreinsiefni.
Notið matt hreinsiefni, alla vega á
efstu hlutana þar sem sólargeislar
geta endurspeglast. Eyrnapinnar
geta komið að góðum notum þegar
þarf að komast að litlum stöðum.
7 Notið glerhreinsiefni á rúðurnar.
8 Þegar þrífa á og gera eldri bíla glæsilega aftur er mikilvægt að
byrja á því að lakkhreinsa þá vel þar
sem ryk og skítur er fjarlægður.
Talið við sölumenn og fáið ráð­
leggingar um hvaða efni skulu
notuð og hvaða styrkleika sé gott að
nota.
9 Það er mikilvægt að ljúka verkinu á því að bóna bílinn
vel. Takið ykkur góðan tíma í það
og bónið bílinn rækilega. Passið að
bóna bílinn jafnt en þannig kemur
maður í veg fyrir að mynstur og
rendur myndist á lakkinu.
10 Að lokum skal fara yfir rúðuþurrkur, lista, ljós og
annan aukabúnað og athuga hvort
þessir hlutir séu í góðu ásigkomu­
lagi.
n Er lakk skemmt eða sést ryð?
n Athugið með segli hvort gert hafi verið
við með plastfylliefnum. Segullinn dregst
aðeins að járni.
n Bendir eitthvað til að bíllinn hafi
skemmst í árekstri ?
n Bankið í brettafestingar og í kringum
luktir.
n Athugið hugsanlega ryðmyndun og
frágang ryðvarnar í hjólbogum.
n Móða innan á bílrúðum í þurrviðri getur
verið vísbending um ryð.
n Athugið hvort yfirbygging hafi skekkst.
n Falla hurðir vel að ?
n Er framrúða rispuð eða skemmd eftir
steinkast?
n Lyftið gólfmottum til að kanna
hugsan lega ryðmyndun. Athugið einnig
undir mottu í farangursgeymslu og undir
varadekkið.
n Þefið af teppum, myglulykt getur bent
til leka.
n Skrúfið rúðurnar upp og niður, athugið
slit í lömum með því að lyfta undir hurðir.
n Athugið kælivatn á vél – engin olía má
vera í vatninu. Olía í kælivatni gæti bent
til þess að „headpakkning“ sé léleg eða að
blokkin sé sprungin.
n Eru óhreinindi eða olía utan á vélinni ?
n Athugið hvort dropar séu undir bif­
reiðinni. Kanna þarf hvort um sé að ræða
vélarolíu, bensín, bremsuvökva, kælivatn
eða annað. Sé leki getur viðgerð verið
kostnaðarsöm.
n Lítur bifreiðin almennt út fyrir að vera
illa hirt?
n Athugið rafgeymi, er útfelling við pólana ?
n Mælið olíu á vélinni. Lítil eða óeðlilega
þykk olía bendir til að vélin sé mjög slitin.
n Athugið smurþjónustubók.
n Athugið hjólbarða. Raufar í mynstri
skulu vera a.m.k. 1,6 mm á dýpt þar sem
þeir eru mest slitnir. Hjólbarðar eiga allir
að vera af sömu gerð. Skoða þarf hvort
hjólbarðar séu misslitnir. Ekki má vera
hlaup í hjólum.
n Eru felgur dældaðar, það getur verið
ábending um að bílnum hafi verið ekið
óvarlega.
n Ræsið vélina. Hlustið eftir óeðlilegum
hljóðum.
n Athugið útblásturskerfið.
n Er hlaup í stýri?
n Stígið fast á hemlafetil. Fótstig á ekki
að fara alveg í botn, heldur á að vera gott
bil niður að gólfi.
n Athugið höggdeyfa með því að ýta á
aurbretti yfir hverju hjóli. Haldi bíll áfram
að fjaðra geta höggdeyfar verið bilaðir
eða ónýtir.
n Athugið kílómetramæli. Berið álestur
saman við almennt útlit og aldur
bifreiðarinnar. Reikna má með að meðal­
akstur sé frá 15.000 – 18.000 km á ári.
Athugunarlisti FÍB
Gunnhildur Steinarsdóttir
blaðamaður skrifar gunnhildur@dv.is
Fyrir kaupendur
notaðra bíla
Á hinn bóginn
má benda
væntanlegum
bílakaupendum
á hvað þarf
að athuga
þegar bíllinn
er skoðaður.
Félag íslenskra
bifreiðaeigenda bendir á að gott sé að fara í
gegnum meðfylgjandi athugunarlista og sé
niðurstaðan jákvæð sé óhætt að reynsluaka
bifreiðinni. Þá er fólki ráðlagt að taka
nægan tíma í prufuaksturinn og aka bílnum
á vegi með 90 kílómetra hámarkshraða því
á 80 til 90 kílómetra hraða má oft greina
óeðlileg hljóð, titring og eins finna hvort
bíllinn sé afllítill.
Bíll til sölu Það getur margborgað
sig að hafa bílinn eins hreinan og vel
bónaðan og mögulegt er þegar hann
er auglýstur til sölu. MynD Photos.coM