Dagblaðið Vísir - DV - 12.09.2012, Blaðsíða 21

Rooney hreinskilinn í nýrri bók
n Ronaldo fær dembu í bókinni
Þ
að á ekki af Cristiano Ron aldo,
stórstjörnu Real Madrid, að
ganga. Ekki aðeins eru uppi
ýmsar getgátur um að hann
hafi sett á svið fýluleikrit fyrir rúmri
viku síðan til þess eins að knýja fram
hærri laun og betri samning held­
ur og vandar fyrrum liðsfélagi hans,
Wayne Rooney, honum aldeilis ekki
kveðjurnar.
Rooney hefur skrifað sína aðra
bók sem kemur út í vikunni og fjall­
ar um tíu ára feril hans í ensku úrvals­
deildinni. Kennir þar ýmissa grasa
en mesta athygli vekur að litlir kær­
leikar virðast vera milli hans og Crist­
iano Ronaldo fyrrum félaga hans hjá
Manchester United.
Fram kemur í bókinni að Rooney
hafi aldrei vitað til þess að Portúgalinn
geti gengið framhjá spegli án þess að
stoppa og dást að sjálfum sér og hafa
fjölmiðlar margir gert sér mat úr þeim
ummælum. Segir landsliðsmaður­
inn enski þó ennfremur að Ronaldo
megi eiga það skuldlaust að hann æfi
ótrúlega mikið og lengi og geri jafnvel
meira af því en aðrir liðsfélagar.
Hætt er hins vegar við að sé einhver
vinátta enn milli þessara tveggja kappa
sé fyrir bí miðað við það sem Rooney
segir um Ronaldo og Leo Messi. Tel­
ur Rooney engan vafa leika á að Leo
Messi sé betri leikmaður. „Messi er
betri en Ronaldo að mínu viti. Mér
finnst reyndar Messi vera einn besti
leikmaður allra tíma.“
Fátt setur Ronaldo meira úr jafn­
vægi en að bera skarðan hlut frá borði
í samanburði við þennan erkióvin sinn
innanvallar og utan. Spænskir miðlar
hafa gert töluvert úr því upp á síðkastið
að meira að segja Argentínumaður­
inn, sem venjulega gerir ekki lítið úr
fólki opinberlega, er sagður hafa hleg­
ið vel og lengi ásamt liðsfélögum hjá
Barcelóna að skyndiþunglyndi Ronald­
os hjá Real Madrid fyrir skömmu.
Fleiri safaríkir molar eru sagð­
ir vera í bók Rooney sem ber heitið:
Wayne Rooney – My Decade in the
Premier League en óvíst er hvort skot
hans á fyrrum liðsfélaga er ýkja góð
hugmynd. Ekki aðeins gæti United
einn daginn mætt liði Real Madrid
og Ronaldo með en ekki síður eru
vafalaust einhverjir liðsfélagar Roon­
ey sem eftirleiðis bjóða honum ekki
með í veislur vitandi að ýmislegt gæti
opinberast í bók. albert@dv.is
Sport 21Miðvikudagur 12. september 2012
Áratugur í efstu deild Rooney lætur ýmislegt flakka í bókinni.
Gætu orðið næsta
stórveldi í evrópu
F
yrir sjö eða átta árum voru
engar stjörnur í hópnum. Og
ég held að við höfum ekki haft
jafn hæfileikaríka leikmenn
þegar við vorum upp á okk­
ar besta á níunda áratug síðustu ald­
ar,“ segir Rudy Nuyens, blaðamað­
ur belgíska blaðsins Laatste Nieuws,
um belgíska landsliðið í knattspyrnu.
Miðað við leikmannahóp liðsins er í
raun ótrúlegt hvers vegna liðið hef­
ur ekki komist á stórmót undanfarin
ár. Liðið situr í 40. sæti á styrkleika­
lista Alþjóðaknattspyrnusambands­
ins fyrir neðan þjóðir á borð við
Ungverjaland, Líbíu og Noreg.
Efnilegir leikmenn
Belgía lék sinn fyrsta leik í undan­
keppni HM 2014 á föstudag þegar
liðið mætti Wales á útivelli. Það er
skemmst frá því að segja að Belgar
unnu sannfærandi 2–0 sigur og eru
gríðarlegar væntingar gerðar til liðs­
ins. Þá unnu þeir Hollendinga í vin­
áttuleik, 4–2, í síðasta mánuði en
gerðu jafntefli gegn Króötum, 1–1, í
öðrum leik sínum í undankeppni HM
á þriðjudagskvöld. Belgíska liðið er án
nokkurs vafa eitt það allra efnilegasta
í Evrópu og spila leikmenn liðsins
með fjölmörgum stórliðum í Evrópu.
Í því samhengi nægir að nefna
Vincent Kompany, fyrirliða Eng­
landsmeistara Manchester City,
Eden Hazard, leikmann Chelsea og
einn besta leikmann ensku úrvals­
deildarinnar það sem af er tímabili,
Thomas Vermaelen, fyrirliða Arsenal,
Marouane Fellaini hjá Everton og Jan
Verthongen, leikmann Tottenham
sem var valinn besti leikmaður holl­
ensku úrvalsdeildarinnar síðasta vet­
ur. Þá má ekki gleyma Moussa Dem­
bele, leikmanni Tottenham, sem hefur
blómstrað að undanförnu.
Hátt fall
Belgía var ein besta knattspyrnuþjóð
Evrópu á níunda áratugnum. Besta
árangri sínum náði liðið á EM 1980
þegar það hafnaði í 2. sæti og 4. sæti á
HM 1986. Liðið hefur verið í talsverðri
lægð undanfarin ár. Það komst ekki á
EM 2004, 2008 eða 2012 og þá komst
liðið ekki á HM 2006 í Þýskalandi og
ekki heldur á HM í Suður­Afríku 2010.
Útlitið er þó bjartara fyrir Belga sem
horfa nú fram á að komast á HM í
fyrsta skipti frá árinu 2002. Leikmenn
liðsins eru ungir og í leiknum gegn
Wales á föstudag var meðalaldur leik­
manna sem byrjuðu leikinn 24 ár.
Tveir varamenn sem komu við sögu í
leiknum, Romelu Lukaku og Kevin De
Bruyne, eru 19 og 21 árs.
Sterkur riðill
Þjálfari liðsins er hinn gamalreyndi
Marc Wilmots sem lék 70 landsleiki
fyrir Belga á árunum 1990 til 2002 og
segist hann leggja áherslu á að halda
sínum mönnum á jörðinni. „Við höf­
um ekki unnið neitt ennþá. Við ein­
beitum okkur að einum leik í einu,“
sagði Wilmots eftir leikinn. Marou­
ane Fellaini, leikmaður Everton,sagði
að margt hafi breyst á undanförn­
um árum. „Fyrir einhverjum árum
hefðum við tapað svona leik,“ sagði
hann. Í undankeppni HM eru Belgar
í riðli með Wales, Króatíu, Skotlandi,
Makedóníu og Serbíu. Miðað við
uppganginn í belgískum fótbolta ætti
liðið þó að geta tryggt sér annað af
tveimur efstu sætum riðlsins. n
n Belgíska landsliðið verður sterkara og sterkaran Framleiða stórstjörnur
Einar Þór Sigurðsson
blaðamaður skrifar einar@dv.is
Leikmenn á besta aldri
Leikmaður Aldur Lið
n Simon Mignolet 24 Sunderland
n Thibaut Courtois 20 Chelsea (á láni hjá Atl. Madrid)
n Vincent Kompany 26 Manchester City
n Thomas Vermaelen 26 Arsenal
n Toby Alderweireld 23 Ajax
n Jan Vertonghen 25 Tottenham
n Moussa Dembélé 25 Tottenham
n Steven Defour 24 Porto
n Axel Witsel 23 Zenit
n Dries Mertens 25 PSV
n Kevin De Bruyne 21 Chelsea (á láni hjá Werder Bremen)
n Eden Hazard 21 Chelsea
n Marouane Fellaini 24 Everton
n Romelu Lukaku 19 Chelsea (á láni hjá WBA)„Fyrir ein­
hverjum
árum hefðum við
tapað svona leik
Góðir saman Jan Verthongen, leikmaður
Tottenham, og Eden Hazard, leikmaður
Chelsea, fagna marki þess fyrrnefnda gegn
Wales á föstudag.Mynd REutERS
Fyrirliðinn Vincent Kompany er að öðrum
ólöstuðum einn albesti varnarmaður heims
í dag. Hann er hjartað í vörn Englandsmeist-
ara Manchester City. Mynd REutERS
Þór/KA rakar
inn verðlaun­
unum
Kayle Grimsley, leikmaður Ís­
landsmeistaranna í Þór/KA var á
þriðjudag útnefnd besti leikmað­
ur Pepsi­deildar kvenna, fyrir
umferðir 10 til 18. Þjálfari liðsins,
Jóhann Kristinn Gunnarsson, var
jafnframt valinn besti þjálfarinn.
Þá á Þór/KA alls fimm leikmenn í
liði umferðanna og fékk auk þess
stuðningsmannaverðlaun. Dóm­
ari umferðanna var valinn Ívar
Orri Kristjánsson.
Lið umferða 10–18 er þannig
skipað:
Chelsea­liðið
verðlaunað
Enska knattspyrnuliðið Chelsea
var á þriðjudag útnefnt félagslið
ársins í Evrópu. Samtök evrópskra
knattspyrnufélaga stóðu fyrir valinu.
Árangur Chelsea á keppnistímabil­
inu 2011 til 2012 þykir framúrskr­
andi, jafnt í Evrópu, þar sem liðið
varð meistari, sem og í heima­
landinu, þar sem liðið hafnaði
reyndar í fimmta sæti. Chelsea vann
einnig enska bikarinn, FA Cup.
UEFA frestar
greiðslum
Atletico Madrid, Malaga og
Sporting Lissabon eru á meðal
þeirra 23 knattspyrnufélaga sem
UEFA ætlar að rannsaka áður
en samtökin greiða út peninga
vegna þátttöku þeirra í Evrópu­
keppnum í vetur. UEFA ætlar ekki
að úthluta greiðslum til félag­
anna fyrr en gengið hefur verið
úr skugga um að félögin uppfylli
skilyrði sambandsins um háttvísi
í fjármálum. Nokkur stór félög til
viðbótar eru á lista yfir þau sem
ekki fá greiðslurnar strax; þar á
meðal Fenerbache frá Tyrklandi,
Dinamo Búkarest frá Rúmeníu,
CSKA Sofia frá Búlgaríu og Hadjuk
Split frá Króatíu.
Félögin hafa frest út þennan
mánuð til að skila frá sér skýrslu
um fjármál sín.
Markvörður:
Chantel Jones - Þór/KA
Aðrir leikmenn:
Arna Sif Ásgrímsdóttir - Þór/KA
Glódís Perla Viggósdóttir - Stjarnan
Guðrún Arnardóttir - Breiðablik
Danka Podovac - ÍBV
Gunnhildur Yrsa Jónsdóttir - Stjarnan
Kayle Grimsley - Þór/KA
Sandra María Jessen - Þór/KA
Elín Metta Jensen - Valur
Katrín Ásbjörnsdóttir - Þór/KA
Shaneka Gordon - ÍBV