Dagblaðið Vísir - DV - 14.09.2012, Side 23

Mér tekst að plata
hana út í allt
Öllum hollt að
íhuga breytingar
Garðar Gunnlaugsson bauð kærustunni að snorkla. – DVBrynjar Níelsson íhugar framboð fyrir Sjálfstæðisflokkinn. – DV.is
Aumingjar og fábjánar
Spurningin
„Nei, ríki og kirkja eiga að vera
aðskilin og engin trú ofar annarri
út frá ríkinu.“
Dögg Ásgeirsdóttir
29 ára sálfræðinemi
„Nei, ríki og kirkja eiga að vera
aðskilin.“
Íris Klein
28 ára atvinnulaus
„Já, það er hefðin.“
Guðjón Smári Guðmundsson
50 ára öryrki
„Nei, trúarbrögðin eiga ekki að
tengjast þingstörfum.“
Gauti Dan
25 ára kerfisstjóri
„Nei, er ekki hægt að setja
Alþingi án þess að þingmönnum
sé troðið inn í kirkju?“
Jóhann Gunnarsson
55 ára athafnamaður
Eiga þingmenn að
sækja messu fyrir
þingsetningu?
1 Fann fyrrverandi kærasta á háaloftinu
Kona í Suður-Karólínu komst að því sér
til hrellingar að fyrrverandi kærastinn
hennar hafði haldið til á háa loftinu í
tvær vikur.
2 Fallegustu mæðgur Hollywood
Stutt samantekt um Hollywood-
mægður sem taldar eru fallegar.
3 Biskupinn iðraðist á dánar-beðinum
Bragi Kristjónsson bóksali segir frá
því að biskup kaþólsku kirkjunnar
hafi iðrast þess að hafa ekki skipt
sér af málum séra Ágústs Georgs og
Margrétar Müller.
4 Úps! Omega-3 gagnslaust gegn hjartasjúkdómum
Umfangsmikil rannsókn sýnir að
omega-3 vinni nánast ekkert gegn
hjarta- eða æðasjúkdómum.
5 Afskriftakóngur fær krónur á afslætti
Nýtt félag í eigu Karls Wernerssonar,
sem oft er kenndur við Milestone,
hefur keypt íslenskar krónur með
umtalsverðum afslætti af Seðlabanka
Íslands.
Mest lesið á DV.is
Kúgun kvenna
Í
eina tíð las ég bók eftir John Stuart
Mill, bók sem hafði á sínum tíma afar
víðtæk áhrif á frelsisbaráttu kvenna
í okkar fögru veröld. En þarna færir
Mill rök fyrir því að kúgun kvenna hljóti
ávallt að virka letjandi á þann sem
valdinu beitir og að fjötraleysið muni þá
ávallt verða öllum til heilla.
En þegar þetta var pælt hafði Jean-
Jacques Rousseau ritað bók sína um
Samfélagssáttmálann. Þar sem sagt
er nauðsynlegt, að á milli yfirvalds og
þegna séu afar skýrar línur – í formi
sáttmála – sem tryggja jafnan rétt allra.
Og nokkru áður en Rousseau setti
fram sáttmála sinn hafði sá ágæti
heimspekingur John Locke boðað
sáttmála á svipuðum nótum, þar sem
hann boðaði að óhugsandi væri að
gera ráð fyrir því, að tiltekið ríkisbákn
gæti ætlað sér það vald, að beita þegna
sína misrétti. Hann taldi að óréttlæti
yfirvaldsins myndi sjálfkrafa leysa
þegnana undan þeirri skyldu að fara að
lögum.
Og núna vill svo skemmtilega til,
kæru Íslendingar, að í þeirri stjórnarskrá
sem við eigum, er ekki að finna neinn
sáttmála. Okkar samfélagssáttmáli er
löngu runninn úr gildi enda gerður
með samningi við Hákon gamla árið
1262, þ.e.a.s. löngu áður en almennar
og fágaðar pælingar komust inní slíka
sáttmála. Við eigum semsagt engan
samfélagssáttmála. En þar eð slíkt
er ekki að finna í stjórnarskrá okkar,
leyfa yfirvöld útvalinni hjörð að kúga
konur, með því að greiða þeim lægri
laun er körlum. Vitaskuld væri gott
að hafa slíkan sáttmála í stjórnarskrá.
Og þá er gott til þess að hugsa, að
slíkan sáttmála er að finna í okkar nýju
stjórnarskrá. Já, í stjórnarskránni sem
okkur gefst kostur á að veita stuðning
í þjóðaratkvæðagreiðslu þann 20.
október næstkomandi, er að finna
samfélagssáttmála sem getur orðið
okkar leiðarljós inní framtíðina.
Við fáum hér á landi alltaf
upplýsingar um launamun kynjanna.
Við fáum upplýsingar um valdhroka
og kúgun kvenna. Meira að segja
góðhjartað fólk, einsog Ögmundur,
vinur minn, Jónasson, á það til að
misstíga sig og mismuna fólki. En
þetta er þó öllu algengara hjá þeim
sem eru svarnir andstæðingar nýrrar
stjórnarskrár. Enda skilst mér að
sjálfstæðismenn séu að missa allar
konur úr þingliði sínu og það eins sem
guðlaxinn í Framsókn fær nýtt kvenkyns
á sinn lista, er stólpípudrottning.
Væntanlega sýnir flótti kvenna úr
þingliði Sjálfstæðisflokksins okkur það
öðru fremur að konur tilheyra hinu
gáfaða kyni. En betur má ef duga skal;
við viljum segja álit okkar á öllu sem
máli skiptir. Við viljum að í sáttmála
þjóðarinnar sé að finna ákvæði sem
tryggja jafnan rétt þegnanna, viljum
afstýra kúgun kvenna. Við viljum nýja
stjórnarskrá fyrir nýtt og betra Ísland.
Á það hérna minna má
að magnað skal það kalla
að heimta sterka stjórnarskrá
sem styður landsmenn alla.
S
varthöfði er einlægur aðdáandi
Þráins Bertelssonar alþingis-
manns. Þráinn er einn ör-
fárra manna sem þora að segja
og skrifa hug sinn. Hann fer engar
krókaleiðir heldur segir hlutina beint
út. Hann er svolítið eins og togarajaxl
á vaktaskiptum í brjáluðu veðri.
Þráinn hefur lengi verið ástmögur
þjóðar sinnar. Lengi var hann rithöf-
undur og kvikmyndaleikstjóri. Seinna
gerðist hann framsóknarmaður en var
svikinn af flokknum. Hann fór á Aust-
urvöll og þaðan í Borgarahreyfinguna
sem fleytti honum á þing ásamt fleiri
gulleplum eftirhrunsins. Þráinn var
byltingarmaðurinn sem komst á þing.
En það var ekki lengi friðsælt í her-
búðum Borgarahreyfingarinnar. Sam-
þingmaður Þráins, veittist að honum í
bréfkorni til þriðja aðila, og efaðist um
andlega heilsu hans. Þá varð fjandinn
laus og Þráinn gerðist utangátta.
Eftir nokkurt þóf smeygði hann sér
síðan inn í Vinstri-græna og gerðist
þá bandamaður Steingríms J. Sigfús-
sonar. Þá tók við friðsamt tímabil í lífi
þingmannsins sem safnaði alskeggi
og tók á sig marxískt yfirbragð.
það var svo í útvarpsþætti á Bylgj-
unni sem allt varð snælduvitlaust. Þá
var umræða um listamannalaun en
Þráinn er einmitt með slík laun og það
verðskuldað vegna bæði bóka og kvik-
mynda. Gagnrýnin á listamannalaun-
in varð kveikjan að reiðikasti þing-
mannsins. „Það er eðlilegt að í öllum
þjóðfélögum eru fábjánar og þeir eiga
rétt á skoðunum sínum eins og aðr-
ir. Hins vegar finnst mér að fjölmiðl-
ar eigi ekki að gera skoðunum fábjána
jafn hátt undir höfði eins og úthugs-
uðum skoðunum hjá greindu fólki,“
sagði Þráinn. Þegar hann var beðinn
um nánari skilgreiningu á hlutfalli
fábjána meðal þjóðarinnar svar-
aði hann alveg skýrt. „Það eru svona
fimm prósent af þjóðinni fábjánar.“ Og
allt ætlaði um koll að keyra. Samfé-
lagið bókstaflega fór á hliðina vegna
ummæla sem Svarthöfði telur vera
nærri lagi.
Um langa hríð var kyrrð í kring-
um Þráin. Hann hefur lítið haft sig í
frammi opinberlega en setið við að
svara tölvupóstum og semja frum-
vörp. En í einsemdinni og eljunni lá
meinvættur í leynum. Þingmaðurinn
fékk tölvupóst með grófu orðbragði
um að hann væri ekki að standa sig.
Þetta var nafnlaust en undirritað
Tunnurnar. Þráinn fylltist af réttlátri
reiði og svaraði með þjósti að hann
svaraði ekki nafnlausum aumingj-
um. Tunnurnar stigu þá fram í
dagsljósið og enn blésu napr-
ir vindar um þingmanninn
sem var sakaður um að kalla
mótmælendur aumingja. Enn
þarf hann í löngu máli að út-
skýra hvað liggur í því að vera
aumingi eða fábjáni, nema
hvorutveggja sé. Svarthöfði
bíður spenntur eftir út-
reikningum þingmanns-
ins á því hversu hátt
hlutfall þjóðarinnar
er aumingjar. Og er
skörun á aumingj-
um og fábjánum?
Blautir túristar Eftir óvenju þurrt sumar hefur vætan svo sannarlega látið á sér kræla undanfarna daga og vikur. Fyrir norðan fellur hún í formi snjóa en hér syðra rignir, stund-
um eins og hellt sé úr fötu. Þessir útlendingar voru vel búnir, þegar ljósmyndara DV bar að garði í miðbænum, en voru svolítið hissa á uppákomunni. mynd Eyþór ÁrnasonMyndin
Svarthöfði
Skáldið skrifar
Kristján Hreinsson
Umræða 23Helgarblað 14.–16. september 2012
Skiptum okkar
Sivjar er lokið
Þorsteinn og Siv sömdu um eignaskipti. – DV